أنت ليه مش بتمسك إيدي وإحنا ماشيين في الشارع؟

[رعد السـماء]

أصدقاء

' أنت ليه مش بتمسك إيدي وإحنا ماشيين في الشارع ؟'

'لأ بلاش...افرضي حد من قرايبك شافنا ؟
أو حد من أصحاب أخوكي في الكلية ؟
إن شاء الله يا حبيبتي بكره نتخطب وامسك إيديكي قدام الدنيا كلها '.


مخطوبين

'أنت ليه مش بتمسك إيدي وإحنا ماشيين في الشارع؟'

علشان مش عاوز حد يفتكر إننا علشان اتخطبنا
هنصيع بقى ونعيش حياتنا..وبعدين
بصراحة كده أنا مستحرم...
إن شاء الله بكره نتجوز وامسك إيدك وإنتي مراتي
حبيبتي في الحلال .


متزوجين

'أنت ليه مش بتمسك إيدي وإحنا ماشيين في الشارع؟''

'يا حبيبتي إحنا مش مراهقين معقول هنمسك إيد بعض في الشارع ...
إحنا اتنين متجوزين ومحترمين
عندنا بيت نعمل فيه اللي عاوزين نعمله'..


زواج وأطفال

'أنت ليه مش بتمسك إيدي وإحنا ماشيين في الشارع؟'

'يعني امسك إيدك ولا امسك إيد البنت
ولا أشيل الأكياس دي كلها ؟!'


بعد 25 سنة زواج

'أنت ليه مش بتمسك إيدي وإحنا ماشيين في الشارع؟'

'إيدك إيه بس اللي هامسكها دلوقتي !
إنتي عاوزة جوز بنتك يقول علينا كبرنا وخرفنا؟


بعد 50 سنة زواج

'أنت ليه مش بتمسك إيدي وإحنا ماشيين في الشارع؟'

يعني امسك ايدك واسيب العكاز علشان اقع
منا عارفك عاوزة تخلصي مني عشان تورثينى ؟

[رعد السـماء]

ياعم امسك إيديها وخلصنا

[شروق محمود]

ههههه حلوه
المهم انها مش بتزهق ومستمره

[رعد السـماء]

عندها أمل
هههههههه

أسعدني مرورك يا شروق
ودي ..

[ندوشه 2011]

ياعم امسك ايدها وخلصنا

[رعد السـماء]

اقتباس المشاركة الأصلية كتبت بواسطة ندوشه 2011 ياعم امسك ايدها وخلصنا

أو هي تمسك إيده