طلقني طلقني طلقني ..!!!

[رعد السـماء]

السلام عليكم ورحمة الله وبركاته
ومضة صغيرة وأترك لكم مساحة للنقاش الحر
دون التقيد بأسئلة بعينها

هي : طلقني حــــــــالا
هو : صلى على النبي واسكتي
هي : بقولك طلللللللللللللقني
هو : وحدي الله واهدى وسبيني أخرج
هي خدت المفتاح : لأ منتش طالع إلا لما تطلقني
هو : ياستي أرجوكي ريحيني
هي : لا طلقني دلوقتي حالاً ريحني انتا
هو : يعنى الطلاق هو اللى هيريحك
هي : أيواا ودلوقتي حالاً
هو: انتي طالق بالتلاتة

هي وجهها أحمر ومتفاجأة :
: بعد العشرة دي كلها تطلقني؟
وهانت عليك تقولها بالسهولة دي

إيه رأيكم في اللي بيحصل ده ؟
ينفع كده ؟
مهما كان سبب الخلاف .. ليه الطلاق بقى سهل كده عند ناس كتير ؟؟؟

!!!!!!!!

[نجاة حسام]

هى مجنونه اه بس بردو المفروض مش يطلقها
هى بتطلب الطلاق يمكن محتاجه انه يقولها لا وانه متمسك بيها
وهى مش كل مشكله تطلب الطلاق مش لعب عيال
وبعدين هو سالها هترتحى لو اطلقتى قالت اه تستلم بقا
ربنا يهدى

[رعد السـماء]

همس الرحيل
وجهة نظرك جديرة بالإهتمام
مش كل الرجال يعرفوا كده
ولا يفهمون أن المرأة قد تتفوه بشئ وفي خاطرها وقلبها شئ آخر مختلف تماماً

أسعدني تشريفك
ودي ..

[دمعه حائره]

فية ست بتقول الكلمه دى عشان تفتح حوار ويحلو المشكله
لكن بيغلبها شيطانها وتزودها وتندم بعدين
مشهد بيتكرر كتير ومن الحكمة ان الرجل يبعد عن النقاش فى الوقت ده
لكن لو اصرت هيعمل ايه غير ينطقها
وزى ماقولت الطلاق اصبح سهل الايام دى

[رعد السـماء]

ممكن نعتبرها بتقول كده كنوع من الضغط لتحقيق هدف معين في دماغها
وزي ما تفضلتي بتفتح باب النقاش من مركز قوة على أساس أنها واثقة من حب زوجها ليها وتمسكه بيها


طيب لو سايقة فيها وزودتها حبتين إيه العمل ؟
برضو ميطلقهاش
بالعكس .. مفروض يحضنها ويحتويها عشان يمتص غضبها


أنا مثلا لو اتحطيت في الموقف ده (لا قدر الله)
مش هطلقها لو وقفت على راسها ههههههه
لو لسة مصممة ارزعها كفين عشان تفوق
لو لسة مصممة هقولها المحكمة ليها أربع بيبان
أدخلي م الباب اللي يعجبك
برضو مش هطلق


أنا من عائلة تعتبر الطلاق عار رغم إنه حلال
الجواز عندنا زي جواز القبط
هههههههههههههه


مديرتنا دمعه حائره
أسعدني مرورك الكريم
ودي ..

[شروق محمود]

الطلاق بالفعل زاد جدا
الناس مش عاد عندها صبر
ضغوطات الحياه خلت الناس مش مستحمله
ولكن بالرغم من كل حاجه المفروض من الزوج
انه مش يطلق مهما كان ويكظم غيظه شويه
علشان فيه اعتبارات تانيه ولازم يتمسك ببيته
ربنا يهدى الجميع
تسلم نقاش قيم

[رعد السـماء]

شكرا لتشريفك يا شروق
ودي ..

[عذب المعانى]

لا تستغرب اخى

اصبحت كلمة الطلااق عادى عند بعض الناس

لاسف الشديد مفبش تحمل تقبل البعض ولا وجهات النظر

[رعد السـماء]

اقتباس المشاركة الأصلية كتبت بواسطة عذب المعانى لا تستغرب اخى اصبحت كلمة الطلااق عادى عند بعض الناس لاسف الشديد مفبش تحمل تقبل البعض ولا وجهات النظر

صدقت يا صديقي
ربنا يهدي الجميع

شكرا لمرورك ..

[اميره الاميره]

موضوع جميل
كلام صح هو فعلا بيحصل كده