حزين وقلبي موجوع

[واد حبيب]

يوم بيعدي ويوم بيفوت
والدمعه في كل عين بتفور
علي الدم و علي الجراح
علي كل شاب كان بيحلم
وهوه واقف علي الحدود
بيحمي بلده وارضه وعرضه
فاجئه وبدون معاد
جت رصاصه خاين كداب
خدت عمره وحلمه وراح
شهيد
ببكي علي شاب واقف
في ايدو كرستو وكتابه
جي من مدرستو
فرحان انه هيشوف اهلو
طلع يجري علي المحطه
ومستني القطر يجي بسرعه
علشان امو تاخدو في احضانها
وفاجئه سمع صوت انفجار
وهدومه كلها بقت نااااار
ومش عارف يجري واقف محتار
والنار بتاكل في جسمو وبينهار
بسبب اهمال من سائق القطار
مات شبابو واتحرق كشكوله وكرستو
مات وهوه بيحلم انه يكون طبيب
او ظابط يحمي الحدود
عيني عليكي يامصر
وانتي ارخص ما فيكي الدم
ببكي ودموعي نااااار
علي اب كان محتار
علي لبس عيالو الصغار
كل يوم من الفجر للعصر شغال
وبتعب علشان يعيش مع العيال
مش محتاج غير شويه اهتمام
من كل واحد في مكانو مسئول
راجع بيتو وفرحان ومعاه لبس العيال
سمع صوت عالي بينادي ابعد ابعد
في ارهابي وهيفجر المكان
لسه بيبص وهيجري لقه نفسه
في حضن الانفجار
وهيه دي بلدي اللي عليها بخاف

بقلمي
...محمد رمضان....

[دمعه حائره]

ربنا يرحمهم ويسكنهم فسيح جناته
كلمات معبرة تسلم محمد

[شروق محمود]

كانت حاجه بشعه بجد
نزف رائع
سلمت والنبض

[ياسمينة ❤]

كلمات حزينة ومعبرة جدااااا

دام نبض قلمك

[mbmb]

السلام عليكم ورحمة الله وبركاته
مشكوووووور والله يعطيك الف عافيه
اسمح لي ابدي اعجابي
بقلمك وتميزك واسلوبك الراقي وتالقك
وننتظر القادم بشوووق
دمتم قلم نابض ومميز