بيقلدوني

[شاعر الحب الحزين]

بيقلدوني قدام غيري وبيعجبوهم

وأنا الأصل وعمري ما عجبتهم

بيقولوا كلامي لغيري عشان يحبوهم

كلامي اللي تقيل على قلبهم

قلدوني حتى ف ضحكتي عشان يضحكوهم

وانا ولا مرة أصلا قلدتهم


اللي قلدتوني قصادهم كان إحساسهم إيه

عجبتوهم صح !! أحلى تقليد ده ولا إيه

افتكروني بالخير مرة وارجعوا

حاولوا تحسوا قبل ما تتصنعوا

اللي بتقلدوا ضحكته ده الدمع مالي عنيه

قبل ما تقلدوا حبه جربتوا مرة تسألوا عليه


وريتكم ضحكتي وحبي واللي جوايا

ضحكة اتلغت وحب مات قبل النهاية

انا كنت بقلد واحد معرفوش

ورحتوا تقلدوني من غير ما تفهموا الحكاية

دليل إني عجبتكم بس رد فعلكم مش معايا


ش . ح

[يحيى الفضلي السودان]

مساء الغلاوة والناس الحلاوة ودمت بالبال يا سيد النقاوة

[ندوشه 2011]

اقتباس المشاركة الأصلية كتبت بواسطة يحيى الفضلي السودان مساء الغلاوة والناس الحلاوة ودمت بالبال يا سيد النقاوة

بقلاوه وحلاوة طب فين نصيبي بقى .تعالى نبوظ له الموضوع

[يحيى الفضلي السودان]

اقتباس المشاركة الأصلية كتبت بواسطة ندوشه 2011 بقلاوه وحلاوة طب فين نصيبي بقى .تعالى نبوظ له الموضوع

ههههههههههههههههههههههههههههههههههه

منورانا

[ندوشه 2011]

ما تمدش ايدك عالبقلاوه غير لما اديلك وعين نصيب خالد علي جنب .زي الفل الموضوع باظ

[شروق محمود]

اللي بتقلدوا ضحكته ده الدمع مالي عنيه

صدقت شاعرنا فيما وصفت وقلت
رائع كالعاده
دمت نبعا لا ينضب

[همســات]

بيقلدوك وهم مش عارفين ان انت الاصل

ياللي مش عارفين مقدارك انت

انت اللي من زمان بتعلم العشاق ازاي يحبو

ولو مش انت يبقي مين

يا صاحب القلب الحنين والطبع الجميل


****

فكره جميله وجديده كالعاده

مبدع الحرف والكلمه

شاعر الحب الجميل

خالص تحياتي

[عاشق ولهان]

يا صاحب الأصل بيقلدوك

طول عمرك تعلمهم

وعمرهم ما علموك

يا صاحب الضحكه ترد الروح

خلي الحلو جوه القلب

ومهما ضحكو ده مش م القلب

واللي مش م القلب سهل يروح

كلماتك جميله يا خالد

مودتي وتقديري

[دمعه حائره]

الناس تقلد الاحسن ويحاولوا يكونوا زيه
وانت خليك الاحسن ديما
تسلم ياخالد ربنا يحفظك