لمسة حنان .. حصري لمنتدي بنات مصر

[عاشق ولهان]

انت وحدك ياللي وحشاني عنيك

انت وحدك اللي بحلم التقيك

وارتوي علي همس حبك

وادوب حنان وهيام في حضنك

وانسي كل الدنيا دي

طول مانا يا حبيبي جنبك

****

طال غيابك ليه عليا

يا حياتي يا نور عنيا

هان علينا حبنا

لمسة حنان تصبح أسيا

ياللي أشواقي واحلامي بتناديك

انت وحدك جوه قلبي

يا جبيبي ماليك شريك

****

لسه جوايا أمل وكمان عتاب

نرجع نكمل حلمنا ننسي العذاب

بابتسامه حلوه منك

تتبدل فيا شكوتي لمسة حنان

وغنوه حلوه كنا بنقولها زمان

(( زي الهوي يا حبيبي زي الهوي

وآه م الهوي يا حبيبي آه م الهوي

يا حبيبي )))


****

بقلم / عاشق ولهان

26 / 4 / 2019

[ندوشه 2011]

حنان وهيام .مين المزز دول اليوم خمروا ونساء هههههههههاي انا كدا هتحظر لو اشتكيت

[نجاة حسام]

زمان عمره مابيرجع زمان بس زكرى واحلام وشوية صور وخلاص
تحياتى عاشق

[واد حبيب]

كلمات جميله كعاده منك يا عاشق
نورت القسم من تاني

[دمعه حائره]

كلمات رائعه وفيه تناغم ومشاعر راقيه
تسلم اخى ويدوم وجودك المميز

[Arco Baleno]

الله يجمعك مع من تحب
كلمات معبرة وجميلة وتحمل الكثير من الحب
تسلم على الكتابة وفي تميز دائم ان شاء الله

[شاعر الحب الحزين]

ويكبر الحب بعد الفراق
يسكننا الحنين ولوعة الأشواق

انت وكلماتك اسم على مسمى يا عندليب الأشواق
عاشق ولهان عاشق فنان نورت المكان والله زمان
سلمت والنبض أخي الحبيب ودام ضياء الحضور
شكري وتقديري وامتناني

[a7med -3del]

حبيبى كل سنة وانت طيب وكلامك جميل
شكرا لدعوتك

[جبل عالي]

يا عاشق ياولهان ... إسم على مسمى والله

كلمات تتسم بالروح المحبة والحنان
دائما يطيع القلم صاحب الاحساس القوي
شكرا لدعوتك الجميله
وكل سنه وانت طيب وبخير يارب

[عاشق ولهان]

اقتباس المشاركة الأصلية كتبت بواسطة ندوشه 2011 حنان وهيام .مين المزز دول اليوم خمروا ونساء هههههههههاي انا كدا هتحظر لو اشتكيت

مرور جميل اسعدني

كل الشكر والتقدير لكم

خالص تحياتي