نهايه حزينه

[عاشق ولهان]

عمال بتقدم أعذارك

.. وبتبدي اللوم

تشكي وبتوصف ما جرالك

.. حرموك النوم

سهران بتعاند أفكارك

.. وتقول مظلوم

قربت اليك وانت بتبعد

.. بتعاند مين

عامل مظلوم وانت بتجرح

يا حبيب العين

خليك في مكانك وكفايه

يا تاعبني معاك

متقولش جرالك وجرالي

وكفايه جفاك

اديتلك اكتر من فرصه

وتكرر تاني في غلطاتك

دي نهايه حزينه لقصتنا

.. وفراق مكتوب

وعلينا نسلم ونودع

حبنا ونتوب

عمر اللي راح عمره ما يرجع

وكفايه غروب


****

بقلم

/ عاشق ولهان

[شاعر الحب الحزين]

من غير ما تجرحها بكلمة قدرت توصل إحساسك
إنه العتاب القاسي الرقيق إنه لحن الفراق العتيق

أبدعت وأمتعت بكلماتك الرائعة
النابعة من فكر راقي وحس مرهف
دمت كما أنت عاشق وجميل
شكري وتقديري وامتناني

[نجاة حسام]

ابعد واهجر وانسى هواك
كام مره فى الدنيا هتعيش
قلب يدق على الفاضى والملاين
مين بيحبك مين هيصونك
ده فى علم الغيب وكله باذن الرحمن
انهارده تحب بكره تكره قلوب وربك بس عالم بالى جواها
انسى وامشى طريقك بكرا يما لسا هتعرف
حب اللى يحبك وعز اللى يهواك
تحياتى عاشق احسنت

[*فجر الاسلام*]

عمر اللي راح عمره مايرجع
فعلا والله
يسلم احساسك

[احساسى صحيح]

والله لما شوفت العنوان افتكرت ان الموضوع عن الرئيس الشهيد مرسى
العنوان مناسب للى حصل

[شروق محمود]

غالبا ما تكون البدايات جميله
والنهايه حزينه
رائع ما خطه قلمك
سلمت والنبض

[دمعه حائره]

يسلام عليك مبدع فى الوصف والتعبير
تسلم شاعرنا

[رباط الحب]

تسلم يا شاعر بجد

[عاشق ولهان]

اقتباس المشاركة الأصلية كتبت بواسطة شاعر الحب الحزين من غير ما تجرحها بكلمة قدرت توصل إحساسك إنه العتاب القاسي الرقيق إنه لحن الفراق العتيق أبدعت وأمتعت بكلماتك الرائعة النابعة من فكر راقي وحس مرهف دمت كما أنت عاشق وجميل شكري وتقديري وامتناني

الرائع هو مرورك الجميل يا خالد

خالص تحياتي وتقديري

[عاشق ولهان]

اقتباس المشاركة الأصلية كتبت بواسطة همس الرحيل ابعد واهجر وانسى هواك كام مره فى الدنيا هتعيش قلب يدق على الفاضى والملاين مين بيحبك مين هيصونك ده فى علم الغيب وكله باذن الرحمن انهارده تحب بكره تكره قلوب وربك بس عالم بالى جواها انسى وامشى طريقك بكرا يما لسا هتعرف حب اللى يحبك وعز اللى يهواك تحياتى عاشق احسنت

مرور جميل اعتز بيه

خالص تحياتي وتقديري