كرت قلق

[شاعر الحب الحزين]

حبوا يعملوهم عليا قمت عمل كرت قلق

من يومي م احسبش حساب لمخلوق اتخلق

لما فكروا يكتبوا بالسوء عني بقيت انا الورق

راحوا يتكلموا عني بقيت ف ودان اصحابهم حلق

ف هيبتي ورد فعلي قلقتهم خليت كرتهم اتحرق

ما تلعبوش معايا انا اللي بكسب في النهاية

خايف تخسروا وتقفوا تتحسروا قدام المرايا

ما أجاملش وم احبش أتجامل م احبش امشي تحت نفق

ما اتكبرش وما اتغيرش عيش بطبعك تبقى اجمل ما خلق


حبوا يعملوهم عملت كرت قلق ووزعته

خدت اللي خدته منهم واللي معجبنيش رجعته

اللي حب يشوف دمعي مت ضحك قدامه لما شفته

اللي كان بيختبر صبري ف شوارع الصبر ضيعته

بحب الكل بس ما اجاملش حد

م ارضاش الظلم لنفسي ولا لحد

الحزن بقى صاحبي الوفي لما بصبري الكبير أقنعته

قلبي طيب وبحب الطيب والباقي خلاص ودعته


ش . ح

[شاعرة الرومانسيه]

حروف تخفى الكتير
تحمل بين سطورها اكثر من حروفها
راقى بكل حالاتك شاعرنا الجميل
دام نبض قلبك

[عاشق ولهان]

ورا الكلام ده كلام كتير

وانت برضو يا خالد الكبير

قلبك طيب صاحب قلم خطير

يعبر ويكتب من غير تحذير

وفي النهايه بقول انك شاعر كبير

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه حروف تخفى الكتير تحمل بين سطورها اكثر من حروفها راقى بكل حالاتك شاعرنا الجميل دام نبض قلبك

ربما لكنها أظهرت حضورك الرقيق هنا
الله يسلم نبض قلبك الطيب حنين
أسعدتيني بحضورك الرقيق وتفاعلك الأنيق
ربي يسعدك ويوفقك

[شاعر الحب الحزين]

اقتباس المشاركة الأصلية كتبت بواسطة عاشق ولهان ورا الكلام ده كلام كتير وانت برضو يا خالد الكبير قلبك طيب صاحب قلم خطير يعبر ويكتب من غير تحذير وفي النهايه بقول انك شاعر كبير

الله الله الله يا عاشق
إيه الجمال ده كله
بعض مما عندكم يا غالي
أسعدتني بحضورك وكلماتك الجميلة
الله يسلم نبض قلبك يارب
ربي يوفقك ويسعدك

[بحر القمر]

كلمات راقيات معبرات
دمت باحسن حال

[زهره رضا]

شعر جميل اوي
تسلم

[دمعه حائره]

رائعه جدا ربنا يحفظك

[Lamees]

قوة وتميز في الرد على هؤلاء
جميل اننا نرسم خطانا
لكي لا نتعب
راقي وحازم يا خالد
تسلم

[شاعر الحب الحزين]

اقتباس المشاركة الأصلية كتبت بواسطة ياسر عبد الباقي كلمات راقيات معبرات دمت باحسن حال

سلمت والنبض يا جميل
أسعدتني بحضورك الطيب أخي الحبيب ياسر
الله يوفقك ويسعدك