لعبه الاسئله

[اميره الاميره]

السوال الاول
ايه اكتر حاجه ممكن توجعك في حياتك
ايه اكتر حاجه ممكن تفرحك
وايه اكتر مواقف حصلك ممكن تقولي
وايه اكتر لون بتحبه
وايه اكتر اكله بتحبها
وايه اكتر رقم بتحبها
وايه اكتر حاجه بتكرها
وايه اكتر يوم بتحبها
وبتحبها مين اكتر باباكى ولا مامتك
وايه رايك في الحب
ومين بتقولي اسرارك
هل بتومن باحب من اول نظره ولالا
ارجوك جوابها على الاسئله دي ممكن كلها

[JUST AHMED]

ايه اكتر حاجه ممكن توجعك في حياتك ؟

هو انا طبيعتي متعودتش ان في امر يوجعني في حياتي لان انا بؤمن جداً بطبيعه الأمور
المختلفه ان كان صح او غلط او ان كان حد قصد انه يعمل اي حاجة تزعلك او يكذب عليك
ف دا كله لاسباب معينه ومتهمنيش لان الي بيعمل حاجة هو الي بيزعل عليها في الآخر .

ايه اكتر حاجة ممكن تفرحك ؟

انك تحلم حلم وتحققه بكل ما فيك .

وايه اكتر مواقف حصلك ممكن تقولي ؟

قبل ما احكي الموضوع مالوش اي علاقه ب انك تطلع شكلك كويس او جدع هو موقف حسيت فيه
ان ربنا بيقولك زي ما عملت بتلاقي الناس الي تقف جنبك , شوقتكو يلا ندخل ع الموقف .. .
الموقف عن حاجة اندهشت جداً منها
من سنه وانا في اسكندريه كنت بركب مواصله توصلني الموقف عشان اروح
ف ركبت وكالعاده والطبيعي بطلع الفلوس من جيبي الي قدام عشان احاسب على اجرتي
ف كان
في راجل بيقول انا محفظتي اتسرقت دلوقت وهو فعلاً شكله محترم وكلم كام حد
في موبايله مش زي الناس الي بنشوفها في المواقف الي بتستغل الطرق دي , المهم
قولتله خلاص انا حاسبتلك وكانت الاجره 2.5 ف طلعت من جيبي فلوس كانو 20 جنيه
ودفعت ورجع الباقي قولتله انت رايح فين بعد كده قالي انا رايح دمنهور ف بحط ايدي
في جيبي قالي انت بتعمل ايه انا هحاسب السواق التاني لما اوصل فيك الخير قولتله عادي
كلنا معرضين للمواقف دي ف مرضاش ياخد حاجة وحلف عليا انه مش هياخد حاجة
واتعرفنا على بعض ونزلنا وهو ركب العربيه وانا اصريت اني اخد الثواب
رحت دفعتله اجره مكانه وهو خلاص روح وخد رقمي لما لقاني عملت كده ف ادتله الرقم
وريحته هو بغرض انه يرد الفلوس دي اكيد ف المهم مش موضوعنا
رحت وسبته مشيت وركبت العربيه الي هتوصلني لحد المكان الي هروحه
ف بطلع الاجره كالمعتاد وبحط ايدي في جيبي عشان اجيب الاجره ف طلعت
فلوس فضيه متكملش تمن الاجره ف انا مش طبيعتي اشيل محفظه ابداً
ف بحط الفلوس في جيبي كلها بطلع 100 جنيه اصرف منها في جيبي اليمين
والشمال دا بيكون فيه الفلوس المجمده ف بحط ايدي في جيبي الشمال
ملقتش الفلوس استغربت قولت لا مهو مينفعش ومش وقته الكلام دا
وببص لقيت حد يعرفني جداً شاب بيقولي خلاص يابوحميد
والله ما انت محاسب ببصله باستغراب مع الترحيب الي هو انت ازاي كده
وسلمت عليه قولتله انا مش هكسفك المرادي
ف انا افتكرت حاجة واحده بس ساعتها انك
لما بتعمل خير وترميه البحر زي ما بيقولو بيعود عليك بالخير .

وايه اكتر لون بتحبه ؟

الأسود - الجولد والنبيتي الفاتح ويعني بحب طبيعه الالوان الهاديه

وايه اكتر اكله بتحبها ؟

بالنسبه للأكلات التيك واي البيتزا او الشاورما فراخ
بالنسبه لاكلات البيت اللحوم عامتاً انا نباتي .

وايه اكتر رقم بتحبه ؟

14

وايه اكتر حاجه بتكرها ؟

الاسماك او اي حاجة خارجه من البحر , للاسف .

وايه اكتر يوم بتحبه ؟

الخميس

وبتحب مين اكتر باباك ولا مامتك ؟

الاتنين جداً .

وايه رايك في الحب ؟

قليل جداً انك تلاقي حد يبادلك نفس انتماءك ليه في كل الامور
عشان تبقو واحد مش بسهوله بيحصل انهارده في زمنا كده
موجودين ولاكن اقليه للي يفهمو بعض جداً فقط .

ولمين بتقول اسرارك ؟

بحتفظ بأسراري لنفسي ان كانت ايجابيه او سلبيه ف انا عارف كويس
امته هقدر اقول الايجابي وامته اتغلب على السلبي بنفسي .

هل بتومن بالحب من اول نظره ولالا ؟

صعب لازم حد يتعلق بالتاني عشان الطرف التاني يقتنع فقط
وفي زمنا دا مش كفايه لازم يحس من الطرف الاول انه صادق مش مجرد مظاهر
وشويه وقت والامور هتبقي طبيعيه كما كانت ويبقو اصدقاء في الاخر .

ارجوك جوابها على الاسئله دي ممكن كلها

تم .

[انابنوته حلوة]

ههههههههههههه اشكرك على الجوابتك الصرايحه

[انابنوته حلوة]

انا مش عارفه ليه كل ما اعمل عضويه تقفل انا بجد زهقاته اووى
ولله ومليت

[انابنوته حلوة]

انتو برج ايه
ممكن اعرف بس

[انابنوته حلوة]

يارب القيها اصحاب بنات

[انابنوته حلوة]

يارب القى حد يعبرنى
فى المنتدى الغريب ده بجد

[JUST AHMED]

اقتباس المشاركة الأصلية كتبت بواسطة انابنوته حلوة انتو برج ايه ممكن اعرف بس

الميزان :d
انتي عملتي حساب جديد تالت

اقتباس المشاركة الأصلية كتبت بواسطة انابنوته حلوة يارب القى حد يعبرنى فى المنتدى الغريب ده بجد

مفيش تفاعل زي زمان فيسبوك قتل كل المنتديات هو وانستجرام وكله :d

[اميره الاميره]

اقتباس المشاركة الأصلية كتبت بواسطة just ahmed الميزان :d انتي عملتي حساب جديد تالت مفيش تفاعل زي زمان فيسبوك قتل كل المنتديات هو وانستجرام وكله :d

فعلا كلامك صح بس فيه ناس بدخل على المنتدى احيانا يعنى
مش كتير
وفيها ناس بتبقى معهش فيسبوك اصلا وعادى الحياه معهم يعنى

دلوقتى المنتدى قفلى العضويه القديمه
انا بنوته حلوة اتقفلت ومش عارفه افتح العضوايه تانى
بجد انا زهقت
افتكرت العضويه دة القديمه يارب تكمل على خير

انت برج الميزان
برج حلوة اووى
انا برج السرطان

[اميره الاميره]

اسمك ايه
ممكن اعرف

وعندك كام سنه