اعتذار ...

[اميره باحجابى]

اعتذار ...









طلبوا مني اعتذار علشان يرمولي حق من حقوقي وأنسى غدرهم

ازاي بعد كل اللي اتعمل أفضل ثابت ومأجريش عليهم ندمان واطلب عفوهم ؟!
ازاي أفضل نظيف وماتلوثش زيهم ؟!
معقولة ينتصر ؟ معقولة مينحنيش ؟ معقولة ميجيش يبوس الأيادي وينكسرلهم ؟!

يبقى مش كفاية اللي حصل .. صبوا عليه العقاب ومهما وصل .. المهم ميبقاش بطل ..

فكان لازم اعتذر
ايوه انا بعتذر

بعتذر لنفسي لأني خليتها تعاشر ناس خاينة زيهم
معلش اخترت الطريق الصعب ورفضت أكون زيهم
رفضت أخون ضميري وأمشي مع التيار ولو مشيت معاهم كان زماني مستريح وسطهم

كذبوا ودلسوا ... وفي ليل اتجمعوا ... مكروا وخططوا ... حاولوا يشوهوا ... وبعدها لكدبهم صدقوا ..
واستغربوا
هو ليه مصدقش زينا ؟!
ليه ماعتذرش لما بدر في حقنا ؟!
لا وكمان راح يشتكينا ؟!
دي مهزله !
ازاي يقول اه ؟! ومن غدرنا يشتكي؟!
صدق بدون إثبات... مفيش أسباب تتحكي ...

متزعليش انا باعتذر
عاملتهم باللي يرضي ربي وربهم
عدلت ، وفي يوم ما خنت ، ولا أمانه ضيعت ، وعن حقوقهم دافعت ، ولأذاهم استحملت ، وعمري في واجب ما اتأخرت

وجت الطعنة في ظهري منّهم
لان ده مش كفاية عندهم
لازم اعينهم على الغلط .. واكون مشارك في اللغط .. وأطبل وانافق وفي الباطل أنخرط

يرضيكي كده ؟!
يرضيكي ابيع ضميري ؟! ولا معايا تستحملي ؟
اوعي تنسي الحقيقة ولا في يوم تيأسي
انا باعتذرلك أهو فاثبتي

فاكرين ان ملناش سند
ناسيين ان معانا من رفع السما بلا عمد
معاه مش هيعرفوا يكدبوا ولا يدلسوا ولا لشهودهم الزور يجمعوا

سبحانه عليم بمكرهم
جبار عزيز والظالمين شديد عقابه لهم
والمظلومين وعد بنصرهم

كل الحكاية دعوتين وحسن ظن ويقين وثقة ده الصبر كله خير وبيه حياتك هتفضل مشرقة

[اميره باحجابى]

الكل يشارك موضوع معبره

[اميره باحجابى]

بجد انا زغلانه اووووى

[Totoa top]

ربنا مايجيب زعل

[Totoa top]

تسلم ايدك
علي الموضوع ده
جميل

[اميره باحجابى]

جميل

كلام

[Totoa top]

ليه كده
بس بعيد عليكي عشان السنه الجديده
سنه جميلة عليكى

[Totoa top]

موضوع جميل جداً ورائع
تسلم ايدك

[nm.atiafco]

برافوووووو ... اكثر من رائع )))))

[Totoa top]

اقتباس المشاركة الأصلية كتبت بواسطة nm.atiafco برافوووووو ... اكثر من رائع )))))

ميرسي ليكي
كتير على الكلام الحلو