ضحكتي

[شاعر الحب الحزين]

شوفوا انتوا عملتوا إيه
عشان تلغوا ضحكتي
ما سألت عملتوا كده ليه
ولا مرة شفتوا دمعتي
غدركم حسيته ودست عليه
لما فكر يمرر طعم دنيتي


هتلغوا ضحكتي إزاي وأنا أغلى أمنياتي
إن الضحكة تبقى حاضرة ف لحظة مماتي
تفتكروا هتقدروا تمحوا الضحكة من حياتي
مع نفسكم انتوا وغدركم أساسا بره حساباتي


قد التعب قد الألم قد كل وجع
انتوا مش جدعان بس انا جدع
الغدر اللي ف نيتكم عليكم مرتجع
الحقد اللي جواكم تمنه بالرخص اتدفع


ولا أي حاجة تعملوها تقدر تنهي ضحكتي


ش . ح

[Totoa top]

موضوع جميل جداً تسلم ايدك

[شاعر الحب الحزين]

اقتباس المشاركة الأصلية كتبت بواسطة totoa top موضوع جميل جداً تسلم ايدك

الأجمل حضورك تسلمي
ربي يسعدك ويوفقك

[SaMa.]

انا بقا قدرو عليا وخدو ضحكتى ربنا يسامحهم

[شروق محمود]

ولا أي حاجة تعملوها تقدر تنهي ضحكتي

حلو الاصرار والثقه دى
رائع كالعاده شاعرنا

[شاعر الحب الحزين]

اقتباس المشاركة الأصلية كتبت بواسطة sama. انا بقا قدرو عليا وخدو ضحكتى ربنا يسامحهم

معلش بس الضحكة دي ملكك
محدش يقدر ياخدها منك غير بإرادتك إنتي
اضحكي تعالي على نفسك واضحكي
ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة شروق محمود ولا أي حاجة تعملوها تقدر تنهي ضحكتي حلو الاصرار والثقه دى رائع كالعاده شاعرنا

حمدلله ع السلامة
الأحلى والأجمل طلتك
وتواجدك الرقيق شروق
اسعدتيني بحضورك الطيب وكلامك
ربي يوفقك ويسعدك

[Totoa top]

كلام فعلاً جميل جداً تسلم ايدك

[اميره باحجابى]

كلام فعلا جميل
فعلا احلى كلام
كلامك
صح
ضحكه جميله
الحمدالله
موجوده

[اميره باحجابى]

تسلم ايدك
على
الكلام
جميل