..{ فع‘ــآآليـآآت المنتــدى }..



آخر 12 مواضيع
فراشه أهلا وسهلا بك في بنات مصر
الكاتـب : ساحر الأحزان - آخر مشاركة : شاعر الحب الحزين - مشاركات : 3 -
لم يعدحبك يستهويني. حنين
الكاتـب : شاعرة الرومانسيه - آخر مشاركة : شاعر الحب الحزين - مشاركات : 3 -
بريء متهم
الكاتـب : شاعر الحب الحزين - مشاركات : 4 -
المسابقه الرمضانيه
الكاتـب : ساحر الأحزان - مشاركات : 7 -
يا مجيب أنت الحبيب
الكاتـب : أمير عسكر - آخر مشاركة : شاعر الحب الحزين - مشاركات : 6 -
نجوم بنات مصر في رمضـان
الكاتـب : ساحر الأحزان - مشاركات : 8 -
هزار تقيل
الكاتـب : شاعر الحب الحزين - آخر مشاركة : مهيب الركن . - مشاركات : 11 -
مازلت أؤمن .. قلم مهيب
الكاتـب : مهيب الركن . - مشاركات : 10 -
-تكريم خاص: لمميزي قسم الإبداعات الأدبية.
الكاتـب : نغم الشام بعد المغيب.. - مشاركات : 10 -
رمضان داخل بنـات مصر
الكاتـب : ساحر الأحزان - آخر مشاركة : طبيب الهوى - مشاركات : 14 -
أجرم هو؟
الكاتـب : رضا التركى - آخر مشاركة : نغم الشام بعد المغيب.. - مشاركات : 7 -
-وعكة روح.~
الكاتـب : نغم الشام بعد المغيب.. - مشاركات : 8 -

الإهداءات


زمن الموزة

بقلم أعضاء بنات مصر - حصري


3معجبون
  • 2 Post By ahmed 22
  • 1 Post By دمعه حائره

إضافة رد
 
LinkBack أدوات الموضوع انواع عرض الموضوع
قديم منذ /02-19-2020, 04:21 PM   #1

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي زمن الموزة




ملحوظة : الفكرة اللي هيتبني عليها الموضوع واخدها من برنامج الدحيح عاليوتيوب
الحلقة كانت عنوانها ( الموزاليزا )

المهم

كنت امبارح كتبت موضوع بيكلم عن حوار المهرجانات ويعني كنت واخد الموضوع من منظور الي حد ما غاضب
ان بعض الناس فجأة بيحاولوا يترجموا ويفصلوا كلمة الذوق العام علي شكل واحد متناسين ان كل شئ يخص
الميديا والاعلام فيه اخلال بالذوق العام اساسا بأشكال والوان مختلفة ومن سنين طويلة وربما اكثر من
المهرجانات بمراحل ...

ومش معني ان احنا ساكتين من زمن لأن الحاجات اللي بقت بتخل الذوق العام
بقت جزء من شخصياتنا وبنتعامل معاها كأنها امر عادي مش متغير طرأ عالمجتمع
ده معناه ان الناس تعامل بعضها كأنها احسن منها وباحتقار وتنقدها باسم الرقي
وانهما هما الفن الحقيقي وغيرهم مجرد حثالة ..

يعني فيه كيل بمكيالين وتصدير للناس دور الوصاية علي أفكارهم وكدا
لأن الناس اللي بيشككوا في الذوق العام وبيحاولوا يوصلولك فكرة معينة
هما اكتر ناس اساسا اضروا بالذوق العام بس مش شايفين نفسهم او متناسين
لأن المجتمع بيهيأ نفسه تلقائيا مع كل تحديث بيحصل في الحياة
ان بعض الحاجات علي الرغم من تنافيها مع عادتنا وتقاليدنا ومبادئنا
بقت جزء لا يتجزء من حياتنا واحنا مش حاسين .. المهم الطرح موجود للي حابب يشوفه
يعني في اكتر من نقطة اكلمت فيها عامة في الطرح اللي لسا مانزلش لحد دلوقتي ..
يعني الي حد ما كان متشعب .. وتقريبا الموضوعين هينزلوا مع بعض ..
وتقريبا الموضوعين مش هيتقروا برضه عشان طوال اوي ههههه

المهم

النهاردة حابب اناقش الطرح بعيدا عن مبادئه .. يعني كأنه فن كبداية بيتقدم لمتلقي
.. ونشوف ما له وما عليه ...
واناقشه بعيدا عن أصحاب الفن والاعلام المتحدث عنهم وهو جزء منهم ..

واكلم عنا احنا اللي هما المتلقين للفن بكافة اشكاله ..
مش هتفرق كتير ما بين عالم اول وعالم تالت ..
لأن الهبل كتير في العالم ...
لو احنا بنعاني انه بيتقدملنا اسفاف ومهرجانات باسم الفن ..

فالناس بره في البلاد المتقدمة عندها صناعة البورنو
باسم الفن برضه مش مجرد حديث عابر ..
وليهم انتاج وشركات وصناعة قايمة بحد ذاتها واشكال مختلفة منها ..
غير حاجات تانية كتير يطول ذكرها .. انا بس ذكرت الكبيرة ..
او الهيد لاين .. عشان ماطولش في النقطة دي

وخلينا نتذكر شئ قبل ما ابدأ
طالما كلمة الذوق العام تم ربطها من كل الناس بالفن ..
يبقي الفن بكافة اشكاله مربوط بيه .. وله وعليه .. وتحت الحساب
الفن ممكن يكون _ رسم .. نحت .. موسيقي .. تمثيل ..كتابة .. غناء ... كتير
وحتي البورنو بقا فن .. باعتراف العالم بيه كصناعة علي ارض الواقع ..
مربوط بتصوير واخراج ومونتاج بيظهرلك لوحة بتتقدملك علي تليفزيونك ولابتوبك
زي ما ذكرنا من شوية ...

المهم النهاردة كنت بتفرج عاليوتيوب زي ما قلت فوق علي حلقة في برنامج الدحيح
كانت نزلت من شهر تقريبا اسمها _ الموزاليزا ... قبل حوار المهرجانات ده ..
الرجل كان بيكلم باختصار .. واللي حابب يشوف الحلقة يبقي افضل...

عن فكرة ان ازاي واحد قدر يعرض موزة كأنها عمل فني في احد المعارض ...
وفجأة الناس بعد ما كانت تروح تتفرج وتشوف أو تضحك لمجرد فضولها
ان ازاي حد عارض موزة للبيع كعمل فني ب 120 الف دولار ..

اتباع مش نسخة واحدة بس ...
لا ده 3 نسخ ل 3 اشخاص مختلفين ..
يعني عمل 360 الف دولار من موزة بتتاكل وملزوقة في لوحة مش حتي بتترسم ..

عارف يعني ايه 360 الف دولار ... يعني بتاع 6 مليون جنيه مصري ولا حاجة ..
في موزة جايبها من السوبر ماركت وحط عليها لازقة
عشان تمسك في اللوحة وباعها
يعني مش عارف اقولك ايه
بس .. تخيل ..


و بيقولك حتي كحاجة تضحك انه في فنان امريكي راح مخصوص يشوف اللوحة
فحب يعمل بونطة عالرسام فقام واكلها..
فقام الحراس بتاع المعرض اترعبوا فراحوا جابوا موزة من السوبر ماركت وحطوها مكانها
وقبلها استأذنوا الفنان عشان ياخدوا حق الاصالة الفكرية منه كصاحب لوحة
وهو الرجل يشكر اذن ليهم الصراحة .. عشان يبهرنا
اه والله حصل فعلا .. وفي بلاد العالم المتقدم اصحاب الحضارة ..

المهم
انا لما قريت الخبر من فترة طويلة كنت بحسبها موزة مرسومة زي شوية الشغابيط
اللي بيرسمها الفنانين وبيحسبوها علي الفن التجريدي ويعملوا منها فكرة عميقة
وفلسفة وتتباع بملايين الدولارات برضه ...

بس مش لدرجة موزة بنص جنيه ..
عشان اتحطت في برواز واتعرضت في معرض باسم فنان كبير..
تبقي ب 2 مليون جنيه ..

بس الموضوع اكبر من كدا بالنسبة لعالم الفن .. حاليا
ومابقاش شئ يستحق الاستغراب ..

انا بس اللي مستغربه لما الموزة دي تعفن وتبوظ هيبقي وضعها ايه في اللوحة ..
هيغيرها ولا هيرميها ولا ايه بالزبط ..
والله منا عارف ..

هنا الرجل بيكلم في نقطتين في البرنامج ..

النقطة الأولي .. ان فيه فرق بين الفنان والحرفي

الحرفي زي مثلا ما تلاقي واحد قادر انه يعمل الحاجات الطبيعية والمدروسة في لوحة
زي الابعاد بتاع اللوحة وغيره .. او قادر حتي يقلد لوحات ولو كانت بدرجة متقنة لدرجة التشابه
لفنانين كبار زي دافنشي او ليوناردو بس مش بيرسم لوحاته الخاصة.. فده اسمه حرفي ..
وهو بيقول علي نفسه انه مش فنان ومش موهوب .. شايف نفسه في الاطار ده .,
لأنه مش قادر يملك الفكرة اللي تميز عمله ..

انما الفنان هو اللي قادر يخلق فكرة في العمل الفني اللي بيقدمه
يوحي بشئ ما فيه فلسفة عميقة تخترق الروح زي ما بيقولوا كدا ..
او تمس حياة شخص ما لما يشوف اللوحة ..

النقطة الاولي تودي للتانية ..

وهي ان في الفن مدارس..

يعني تلاقي مدرسة تقولك ان الفنان بيعمل لوحة بفكرة ..
بس المتلقي ليه حرية اعتقاد ما تعنيه اللوحة وزي ما يشوفها .. يعني حرية التأويل ..
يعني نية الفنان عبارة عن شفرة .. وكل واحد يحلها بدماغه بقا ..

هو ممكن قصده عبيط .. وانت شفت الموضوع فلسفي بحت مبني علي
دراسات متعمقة انت صورتها في دماغك وتخيلتها ورسمتها وعلي اساسها اشتريت اللوحة ...
فبيقولك ده مش يعيبك ..طالما حواسك اقتنعت باللي انت شوفته بعنيك ..
والفنان هنا مع انه صاحب اللوحة بيتم معاملته انه زي باقي المتفرجين ..
ليه تفسير زيه زي الاف من التفسيرات اللي بتتحط للوحة ..

والمدرسة التانية

يقولك لازم قصد الفنان يوصلك وهو التفسير الوحيد اللي صح ...

والمدرسة التالتة تقولك

ان نية الفنان بعيدا عن افكاره واعتقاده ..
ليها علاقة بتفسير المتلقي..
بس مش هي اللي تقرر للمتلقي المعني
اللي يوصله ..
يعني مدرسة وسطية من الاخر ..
مدرسة عاوزة تمسك العصاية من النص..
ارضي الفنان وارضي المتلقي ..

بس أي كانت المدرسة .. اهم شئ الفكرة اللي بتعرف الفنان ..
لازم يكون بيعني شئ من اللي بيرسمه .. ولو حتي مش عارفه ..
ونيته هي اللي بترسم..

ما علينا .. مش هركز انا في اخر كلمتين

وفي الاخر بيقولك ان حق المتلقي التأثر بأي عمل ولو كان خالي من
المقومات الاكاديمية والتقليدية ..

يعني مثلا المهرجان الشعبي ممكن مايكونش فن برأيك
بس بيحسن مود شخص تاني او يأثر فيه وممكن يخليه يبكي ..

والموزة ممكن تكون مجرد موزة بس في واحد دخل مزاد وقعد
ودفعلها فلوس ... عشان فكرة شافها فيها بتمثلها .. فليه حرية الاعتقاد
بما يراه ..

بمعني نهائي عشان زهقت من نقل الكلام

الفن في عين الرائي .. او المتلقي

حلو الكلام ..
جميل ..

تعالي نكلم عن عين الرائي ...
صاحب العين ... احنا ..

اول سؤال جيه في بالي
يا هل في ناس فعلا ممكن تشوف موزة فن ؟
وتتأثر فعلا وتشوف فيها فكرة ؟ ولا دي بروباجندا مبالغ فيها ؟

والله انا اقدر اقولك اه فيه ومش مبالغ فيها ..
يعني في ناس بتعبد البقر ..
وفي ناس بتاكل الصراصير كأنها سناكس
في حاجات كتيرة جدا في العالم اكتر من انك تحصرها
لما كل يوم بتقرأ عنها تحس انك غريب عنهم
او مجرد خيال علمي بالنسبة ليك
فمش هيبقي فيه ناس هتشوف موزة فن
اكيد هتشوفها فن ..


تاني سؤال وده سهل

يا هل في ناس فعلا ممكن
تبكيها أغنية عبيطة او مهرجان شعبي
او بيبص ليهم مشاعر مختلفة مش بيشوفها
في الوان تانية من الفنون ؟

الاجابة
اكيد طبعا ... وده حوالينا في كل مكان ..
مش محتاجة امثلة .

السؤال التالت بقا
هو احنا فينا ايه ..؟
ولما بقول احنا بكلم علي العالم كله
مش عندنا بس
ايه الغلط اللي عندنا ؟؟
يا هل ده مرض لا قدر الله يا جدعان ؟

هو الطبيعي ان يكون في ناس كدا ..
أو الطبيعي ان قابليتنا لتقبل الغير المنطقي او المسف
شئ عادي ؟؟

اه ... طبيعي .. احنا 7 مليار .. غير متساويين في الفرص والحياة
وتتعدد ظروفنا وادياننا وحياتنا الاجتماعية والثقافية وحتي اعتقادتنا
وتقاليدنا وعادتنا اللي بتتطور زي الفيروسات
او مجتمعات بتتطفل علي مجتمعات تانية زي الميكروب
وتتوسع ويخلق فينا ناس جوا الناس .. وحياة جوا الحياة ..
ودنيا غير الدنيا ...

بدليل ان احنا مهما حاولنا نقلل في الظاهرة
وننكرها .. بتتوسع وتزيد مش بتقل ...
بدليل ان كل ظاهرة جديدة في المجتمع
باسم الفن كل ما بتتهاجم وبتاخد دعاية سلبية
ونقد .. بتاخد معاها ناس كتيرة في السكة
ماكنتش علي علم بيها اساسا ..
وبعد كدا بتاخد مكان في حياتنا وبتكون اساس بيتبني عليها
صناعة واكل عيش .. ومريدين ومحبين ..

لانها لامستهم .. وناقشت جواهم بعض احاسيسهم
اللي ماكنوش عارفينها عن نفسهم اساسا ..
هي مجرد ضربت علي الوتر .. لأشخاص مهيئة انها تستقبل
بسبب ظروفها في الوقت دي والحياة دي
وبعد كدا خدت المجري الطبيعي بتاعها في الحياة
مهما نكرتها ..

لانها خلاص طالما وفرت ليها سبيل لأكل العيش
والرزق في مجتمعات لاما اقتصادها تعبان زي بلاد العالم التالت ...
او التنافسية فيها عالية زي اوروبا وامريكا ..
فبيحاولوا يلاقوا الفرص الجديدة في اماكن جديدة
لشئ ممكن يحبوه
مع جمهور يشجعها
فماتقدرش تمنعها ولا تبترها ..
خلصت خلاص ..

و هي طايلة هنا وهناك ..
علي فكرة ..
ما تصدقش اللي يحاول دايما يبرزك
انك لوحد انسان مسف بسبب أنك جاهل بس
انت مش لوحدك ...
العالم كله كدا بطرق مختلفة .. والعالم كله جاهل بطرق مختلفة برضه
يعني الجهل مش ورقة وقلم بس ...
وده حاجة طبعا مش نفتخر بيها يعني
ان قصدي ان المسؤلية تشاركية ..


وده اللي عاوز اوصله في النهاية
احنا مش لوحدنا في العالم ..
لو حابب تصلح حاجة اسمها الذوق العام
يبقي لازم العالم كله يتشارك في الاصلاح
لأن العالم كله تشارك في الافساد وتطفلوا علي بعض
لحد ما بقا كل المشوه زي الفيروس
عارف انت الكورونا
مش كانت في الصين ... وواحد سافر امريكا نقله
واحد راح كوريا نقله وخده معاه .. والتالت راح مصر عندنا
جابه وشرفنا .... هي كدا وبتتنقل كدا

ما ينفعش نحصر المسألة دايما في كلمة لوم وعتاب
وجلد ذات لنفسنا وكأننا هنقدر لوحدنا ..
ودي مش حاجة طبعا سهلة
دي حاجة عاوز ادراك اكبر من اننا
نستوعبه في سنين ..

عاوزة قرون .. طويلة
لأنه احنا مع اننا مسلمين موحدين ..
بس مابقناش مؤمنين ..

والعالم حواليك مسؤل و ماتقدرش تلغي العولمة
وان العالم بقا مجرد قرية صغيرة ..
اللي يصيب جزء فيها .. يصيب الكل ..
واللي بيصب هنا بيصب هناك .. طالما موضة وجديدة ..
والموضة مش شرط تكون شكل واحد .
بيختلف يا باشا وبتتحرف .. وبتاخد شكلها علي
اساس شكل المجتمع ..
واللي يأثر في مكان .. بيأثر في الكل ..
بنسب متفاوتة اكيد ..
بس كله ليه نصيبه من الأذي او الفايدة
فيما يخص قيم المجتمعات ومبادئها .. وذوقها العام .

عاوز تصلح لوحدك ..
اعملها فيها كوريا الشمالية
واقفل علي شعبك واقطع عنهم النت
واعمل عقوبات بالسجن والاعدام
لكل واحد يعمل حاجة مش علي هوا الذوق العام ..
وهتقضي علي حاجة ,.. وهتخلق كبت جديد بمشاكل
جديدة مع اول فلتة ايد من الدكتاتور ...
وهتولد برضه مجتمع جعان وعطشان اسفاف .

ممكن موضوعي في الأخر يؤدي لرسالة سلبية
بس احيانا الواقعية السلبية
ممكن تؤدي لادراك يخليك فاهم مكانك
وعلي أمل انك تستوعب انك محتاج
حلول غير كل الحلول التقليدية اللي بتتعمل
لأن كل نتايجها عكسية ..
ومحتاج تفكر ان العالم مابقاش ينفع يتحكم
لا علي طريقة موسي ولا علي طريقة فرعون
لأنك لا في عصر انبياء .. ولا أنت عقلك
هيستوعب ان امورك هتتحل تحت حكم دكتاتور
بعد كل المتغيرات اللي حصلت اخر سنين ...

العالم محتاج يشارك بعضه مشاكله ..
ويعترفوا الأول انها اصلا مشاكل ...
لأنها اصلا بقت محسوبة علي انها دلايل علي التقدم والحضارة
مش ذوق عام بيدفن ويخلينا للاسوأ علي المدي البعيد ..
عشان كدا بكرر واقول المشكلة أكبر من انك تختذلها في مهرجان ...







دمعه حائرهو شروق محمودمعجبون بهذا .
  رد مع اقتباس
قديم منذ /02-22-2020, 12:08 PM   #2

عضوية التميز
 

 رقم العضوية : 104201
 تاريخ التسجيل : Nov 2018
 العمر : 22
 الجنس : ~ بنوتة
 المكان : مصر
 المشاركات : 3,128
 النقاط : شروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond reputeشروق محمود has a reputation beyond repute
 درجة التقييم : 87767
 قوة التقييم : 44

شروق محمود غير متواجد حالياً

 

 

 

 

 

أوسمة العضو
افتراضي

واكلم عنا احنا اللي هما المتلقين للفن بكافة اشكاله ..
مش هتفرق كتير ما بين عالم اول وعالم تالت .


____
صحيح يا استاذ كلامك
والدليل على كدا ان اغنية بنت الجيران
متصدرة التريند المركز الثانى عالميا ف الساوند
لان فعلا الناس مهيأه انها تتقبل النوع ده
على اى اساس بقا سواء كحاجه غريبه
او اى حاجه المهم انها بتبسطهم وخلاص
على فكره انا قرات الموضوع كلمه كلمه
وشيق جدا وموضوع الموزه قرب المقصود
تسلم يا استاذ ع طرحك القيم







  رد مع اقتباس
قديم منذ /02-22-2020, 02:22 PM   #3

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة شروق محمود
واكلم عنا احنا اللي هما المتلقين للفن بكافة اشكاله ..
مش هتفرق كتير ما بين عالم اول وعالم تالت .


____
صحيح يا استاذ كلامك
والدليل على كدا ان اغنية بنت الجيران
متصدرة التريند المركز الثانى عالميا ف الساوند
لان فعلا الناس مهيأه انها تتقبل النوع ده
على اى اساس بقا سواء كحاجه غريبه
او اى حاجه المهم انها بتبسطهم وخلاص
على فكره انا قرات الموضوع كلمه كلمه
وشيق جدا وموضوع الموزه قرب المقصود
تسلم يا استاذ ع طرحك القيم



والله سعيد ان الموضوع نال اعجابك يا شروق
ويشرفني اكيد وجودك ورأيك ..
كل التقدير ...

بس بلاش استاذ دي اللي يباركلك
كبيرة اوي ..









  رد مع اقتباس
قديم منذ /02-22-2020, 02:23 PM   #4

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي



في كذا نقطة كنت حابب اكلم فيهم
او اؤكد عليهم بعد ما ينزل الموضوع ....

1 - وهو سؤال ... ما هو معيار الحكم علي ما يفسد الذوق العام ؟

المعيار اللي بيحكمه هو مبادئ المجتمع اللي عايش فيه ...
يعني اهلا بيك في بلاد الاسلام ... صباح القل .. ومافيش كلام يتقال زيادة

انا اكثر اللي مضايقني مش اكتر
انه لما تلاقي شخص مسف ومفسد للذوق بيتعالي علي مسف زيه مش اكتر..
ومحسسه انه احسن منه وبيتنمر عليه ..
أو المتلقي اللي بيشوف الذوق العام بعينين مختلفين ...
يعني يشوف واحد وواحدة بيرقصو تانجوا وبيلزقوا في بعض مثلا يقول ايه الجمال ده
يشوف واحد بيغني مهرجانات يقول ايه القرف ده ...
والنقطتين دول اسوأ مرحلة للافساد .. يعني ليفل الوحش ...
وده الخطر الأكبر ... انعدام الصدق مع نفسه ... حتي لو بتتفرج وده احساسك فعلا ..


2 - All publicity is good publicity
او
Good or bad publicity is still better than no publicity

اي دعاية بتحصل لأي حاجة مهما كانت سواء ايجابية او سلبية
بتظل دعاية جيدة .... يعني في الحالتين وخاصة في مجال الميديا والفن ..

بمعني لو هتشوف لوحة زي الموناليزا .. يا هل هي تعتبر افضل لوحة في العالم
علي الرغم من قيمتها العالية ؟؟؟
اكيد لاء ... حتي دافنشي اللي هو رسمها .. ليه لوحات قيمتها الفنية أعلي بمراحل زي مثلا
لوحة العشاء الأخير مثلا ..
بس حاليا مش بنفس قيمة وسعر الموناليزا او شهرتها اللي تعتبر ماركة فرنسا
مع الشانزلزيه وبرج ايفل ... يعني تقول فرنسا تقول الموناليزا ..
يعني اصلا الموناليزا هي صورة لمرات تاجر تقريبا كان راسمها .. وكدا
يعني صورة مالهاش اي عازة في الحياة ... مع ان الناس بتقف طوابير عشان تتفرج
عليها ..... اسم اتعمله دعاية بسبب حادثة مرت بيها ...

طب ايه اللي عمل دعاية للموناليزا ... كل الحوار انها اتسرقت في بداية
القرن ال 19 وكانت وقتها مجرد لوحة عادية وقيمتها زي اي لوحة ...
... وبسبب السرقة دي .. لحد ما رجعت ... كانت هي
حديث للاعلام ... لحد ما تم ارجاعها من السارق مرة تانية ..
ومن وقتها وقيمتها بقت الأعلي في العالم وبقت ماركة أو علامة مسجلة .
وده يظهرلك ازاي ان الميديا والدعاية بقت قادرة تتحكم في العالم...
وبقت معيار قادر انه يعلي من قيمة
الأشياء سواء كانت بالايجاب او السلب ...
معني أنك تتحط في دائرة الضوء ... سواء بسبب امر ايجابي او سلبي
فده بيعملك وزن ممكن يعليك بمراحل ويوصلك اسرع للناس
ويكون تأثيرك علي شريحة من البشر اسرع واسهل .. وده اللي حصل
ومازال هيحصل ... وهيكون له تأثير اكبر ..

يعني مثلا المهرجان بتاع بنت الجيران اللي اتعمل عليه الحوار ده ...
كانت قبل قرار المنع75 مليون مشاهدة عاليوتيوب اتجمعوا في شهرين او تلاتة
بعد المنع زادت اكتر من 40 مليون مشاهدة في اقل من اسبوع وبقت 115 مليون تقريبا
غير مشاهدات النسخة الجديدة كمان علي حد ما فهمت ..
وده رتم سريع جدا بالنسبة لليوتيوب ... وشوف كمان شهر ممكن توصل كام
يعني اصلا انا متخيل لو ماكنش حصل اي دعاية
كانت هتوصل بعد شهر من النهاردة 90 مليون بالعافية ..
فاللي حصل ساعد في الانتشار اساسا ...

3 - وانا اصلا كنت متردد اكلم في النقطة دي
عشان مش عارف اكلم فيها ازاي اصلا ...

بس طالما قلنا الذوق العام وبنكلم في مبادئ مجتمع وبتنادي بيها
فأنت اصلا لازم تشوف حاجات انت بتستخف بيها
بتولد جحيم .. ليه اثار بتشوفها كل يوم بتفتح جرايد او تليفزيون
عشان تشوف اخبار وحوادث اليوم ... ومش واخد بالك انها السبب

وحاجات معروفة يعني .. انا مش هقول جديد
بس لما اوصفهالك ممكن حجمها يكبر في عقلك
وتعرف الجريمة اللي بتحصل في حقك كل يوم
وهحاول اقولها بأحسن طريقة لطيفة يعني ..

انت حضرتك تخيل يا فندم ان الوسط الفني ده مثلا
بقا تعداد بالملايين حاليا ...
يعني عالأقل هتلاقي فيه 4 مليون او اكتر
عاملين فيه ... ما بين تمثيل واخراج وتصوير ..
يعني بقت اكل عيش زي ما قلنا في الطرح
ومورد جديد تم استحداثه القرنين اللي فاتوا
وماكنش موجود اصلا من قبل كدا الاف السنين ..

منهم بيظهر عالشاشة بنات ونساء يقدروا بالألاف وفيه منهم اجيال بتسلم اجيال ..
حضرتك تخيل منهم مثلا مخرج ومراته ممثلة ..
وتخيل ان حضرة المخرج بيخرج لمراته ازاي تحضن زميلها
بصورة صح عشان تخرج في اطار الدراما ...

او تخيل حضرتك واحدة في مشهد رومانسي او حب مش هقولك ساخن
والواحدة دي ليها محيط اسري واخوات وبنات وشباب واباء واعمام واخوال تحول شعورهم من
ان بناتهم كانوا في الستينات بيجيبوا العار ليهم ...
انهم بيفتخروا بيهم وبما يقدموه علي شاشات التلفاز وبما يقدموه ..
شوف التغير الجذري للي حصل في افكار المجتمع بتراكمات السنين ..

انا عارف انه لو صادف وفي يوم حد قرأ الكلام ده ومش علي هواه
هيتقال كلمة رجعي ومتخلف ...

بس حضرتك يا فندم اسست للدياثة في مجتمع المفروض شرقي
من غير ما المجتمع يحس اساسا ... وبتقول عليه فن راقي ونبيل ..
وبيبسط الناس ... ايوة ما هو الناس بتنبسط
بس بيترص في عقولها خيالات وافكار تراكمية ..
بتخليهم كل يوم يتخلوا عن كل شئ صح كانوا بيؤمنوا بيه
وبيترتب علي كدا ... ان كل حاجة بتكون سهلة في عقولهم وخيالهم بعد كدا ...
والمستقبل بيتغير 360 درجة زي نظرية تأثير الفراشة كدا ...

يعني الاحداث متناهية الصغر والتفاصيل الصغيرة بتخلق قدام نتائج اكبر
واوسع تراكميا ... زي كأن هزة جناح فراش في الهند بيعمل اعصار في امريكا ..

وده اللي بيحصل ... وده اللي الناس عارفاه وبتتجاهله وبمزاجها ..
وده اخطر وباء في المجتمع ...

وبعدين هقولك حاجة مهمة ... مش فيها حاجة اسمها تطور
يعني انت لما توصل لأعلي ليفل عندك من التطور ده .. بتدخل في اللي بعديها ..

امريكا وصلت لكل حاجة في الفن ... قدرت تقدم دراما وكوميديا واكشن بكافة اشكالها ..
بالتالي ايه كانت الخطوة التالية ليهم في بداية السبعينات تقريبا ..
وكان مرفوض وبعد كدا تقبله المجتمع وعملوله صناعة وليه جوايز كمان
احسن فيلم واحسن ممثلة .. ومهرجانات برضة ....
اه والله بقا فيه مهرجانات للأفلام الاباحية دلوقتي ..
مش ده التطور الطبيعي للدراما يا جدعان ...
انت بتشوف رغبات جمهورك فين .. او مشاهداتك بتعلي فين
وفيه واحد شيطان كدا بيطلع بيكون جرئ بيقدم الفكرة ويخليه وراها
لحد ما الكل يتقبلها وبعد كدا يعملوا عنه قصة حياته في فيلم
انه ساهم ان المجتمع اتغير شكله وبقا متطور اكثر بالنسبة للمرحلة الي وصلوا ليها ..
وبالنسبة لشريحة الجمهور بتاعهم ... اللي بيخليهم مليارديرات وعايشين وسط النس
بكل اريحية ... هي الدنيا بتيجي كدا ...

حالا بره رئيس وزراء تقريبا لوكسمبورج مجوز رجل عادي ..
وبيروح معاه الاجتماعات وبيتصور علي انه مراته مع زوجات الرؤساء ..
وده بسبب الدراما الامريكية اللي كانت اخر عشرين سنة والافلام بتاع هوليود
اللي كانت بتحكي قصة المتحولين جنسيا والحاجات دي بطريقة تبكي الناس
وان لازم حقوقهم تكون واضحة والمجتمع يبطل ينبذهم ويتقبلهم كجزء منه ..
شاف الجانب اللي قدرت فيلم او اتنين يغيروا فيه مسار كامل لشكل حياة ...

يا جدعان نفسي تتخيلوا المجتمعات بتروح لفين ...
ولو انت كنت عايش من 100 سنة كان عمرك ما هتتخيل انها هتكون كدا ..
هات واحد من القرن ال 18 وقعدوا معانا وخليه يتفرج .. هيموت من الدهشة ...

انت بتصنع مجتمع بقالك اكتر من قرن .. بتديله كل الرفاهيات في حياته
وبتاخد منه راحة البال .. وبتاخد منه الرضا .. بتصدرله الاكتئاب في حباية ميديا
بتزودله معدلات الانتحار لما حاسس دايما انه اقل من غيره
بسبب انه شايف ان النجاح بقت سككه اسهل من واحد اجتهد طول حياته
عشان يبقي مهندس او دكتور ....

الثبات العقلي والانفعالي مش واحد عند كل الناس ..
وده دايما اللي بتتجاهله الميديا في اللي بتقدمه
مافيش شئ بيتقدم متزن بالنسبة لعقول الناس كلها ...
في تطرف واضح ... او انبطاح صريح

تراكمااااات .. الكلمة دي اساس هي كل غلط بيحصل كل يوم
بيتبني عليه مستقبلنا وبيصعب امورنا واحنا مش حاسين .









التعديل الأخير تم بواسطة ahmed 22 ; 02-22-2020 الساعة 02:46 PM
  رد مع اقتباس
قديم منذ /02-22-2020, 08:15 PM   #5

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 86,078
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 15238219
 قوة التقييم : 7620

دمعه حائره غير متواجد حالياً

 

 

 

 

 

MY MmS

أوسمة العضو

الكاتب المميز مسابقه القلم الماسي تكريم المنتدي في العيد 16 137 73 مسابقه القلم المميز مسابقة فضفضة 2 مسابقة الغرام المستحيل 1 مبدع الابداعات العاميه 

افتراضي

اصلاح الذوق العام ده امر مستحيل لان الاذواق من الاساس مختلفه
وفيه شريحه كبيره من المجتمع مش سويه اصلا وذوقها غريب
وسبب انتشار النوع ده من الاغاني هو افتقارهم للموهبه من الاصل
لا كلام ولا صوت ينفع يبقا فن وتحسه اتعمل تحت تأثير المخدرات
انما احنا بقالنا فتره بنحكم علي الشهره بالتريند
وعلي الاغاني بمين بترقص اكتر وتفصلك عن الواقع
الاغنيه اللي عملت الضجه دي كلها اقلهم اسفاف
لاني قرأت بوست كتب بعض من اغاني تانيه في منتهي السفاله
الرقابه مش هتكون من النقابه بس لازم من البيوت ومن نفسنا الاول
محتاجين نفهم احنا بنسمع ونتفرج علي ايه
اختلاف الذوق والرؤيه ده امر وارد وبنشوفه كتير في الفنون كلها
لكن اللي بيحصل هنا انحراف في الذوق مش اختلاف
بشكركم علي موضوعك استفدت منه جدا تسلم







ahmed 22 معجبون بهذا .
  رد مع اقتباس
قديم منذ /02-25-2020, 02:35 PM   #6

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة دمعه حائره
اصلاح الذوق العام ده امر مستحيل لان الاذواق من الاساس مختلفه
وفيه شريحه كبيره من المجتمع مش سويه اصلا وذوقها غريب
وسبب انتشار النوع ده من الاغاني هو افتقارهم للموهبه من الاصل
لا كلام ولا صوت ينفع يبقا فن وتحسه اتعمل تحت تأثير المخدرات
انما احنا بقالنا فتره بنحكم علي الشهره بالتريند
وعلي الاغاني بمين بترقص اكتر وتفصلك عن الواقع
الاغنيه اللي عملت الضجه دي كلها اقلهم اسفاف
لاني قرأت بوست كتب بعض من اغاني تانيه في منتهي السفاله
الرقابه مش هتكون من النقابه بس لازم من البيوت ومن نفسنا الاول
محتاجين نفهم احنا بنسمع ونتفرج علي ايه
اختلاف الذوق والرؤيه ده امر وارد وبنشوفه كتير في الفنون كلها
لكن اللي بيحصل هنا انحراف في الذوق مش اختلاف
بشكركم علي موضوعك استفدت منه جدا تسلم



اكيد مافيش اختلاف مع كلامك
وبرضه مش عاوزين نربط الذوق العامة بأغنية أو فيلم
الذوق العام مفهومه لازم يكون اوسع من كدا
لأن الأغاني مجرد سمكة في بحر الذوق العام
ونتيجة لاختلال معايير سابقة وصلتنا للحظة اللي احنا عايشينها دلوقتي
والانحراف عنه زي ما حضرتك تفضلتي ووضحتي ..
ترتب عليه اشياء أكبر وتراكماته بترسم طريق ومستقبل
لمجتمع علي غير هويته واصوله اللي المفروض اتربي عليها ..
والمفروض هي اساس لتطوره وحضارته ..
وماينفعش يكون مقياسنا للحضارة زائف او وهم
لأنه هيكون علي حساب منظومتنا الاجتماعية والأخلاقية
اللي علي المدي البعيد مصيرها هيكون مروع وغير محمود عقباه

شرفني حضورك اكيد واضافتك
كل التقدير لشخصك الراقي ..








  رد مع اقتباس
قديم منذ /02-27-2020, 10:24 AM   #7

مدير عام ومؤسس العصر الذهبي للمنتدي

 

 رقم العضوية : 7111
 تاريخ التسجيل : Sep 2008
 الجنس : ~ ولد
 المكان : Damietta
 المشاركات : 22,358
 الحكمة المفضلة : لو القرد مات القرداتي هيعرف يشتغل ؟
 النقاط : SiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond repute
 درجة التقييم : 5771666
 قوة التقييم : 2886

SiLver Spectra غير متواجد حالياً

إرسال رسالة عبر Yahoo إلى SiLver Spectra

أوسمة العضو

16 عطاء بلا حدود وسام التحكيم فىForumsGotTalent تكريم ادارى تكريم المركز الثانى  Arab Idol وسام تاج الاداره وسام النشاط الادارى 197 167 

افتراضي

انت عارف ايه هو الفساد الحقيقي في المجتمع ؟ عمرها ما هتكون في اغنية و لا لبس رمضان في حفلة و لا حضن في فيلم . الفساد الحقيقي في المجتمع لما تلاقي شتايم في الكومنتات و لناس بتبرر الشتيمة عشان شافت ممثله بتتحضن و لا عشان اغنية شعبية و لا عشان رمضان جايب عربيات . كراهيه عمياء و تبرير للكراهيه . هو دا الفساد مش اغنيه ابدا . الفساد الحقيقي في شيخ سلفي يطلع يتكلم عن ان فلان داخل النار زي الدكتور مجدي يعقوب و زي ما انت كتبت في موضوع اخر . و هنا تساؤل : هي الناس دي فعلا بتعبد اله عادل ؟! انا اشك بصراحة لان الاله اللي في دماغهم دا شيطان . كل صفات الشر بتنطبق عليه من كلامهم . و اللي من خلاله بيبرروا الكراهيه العمياء برضو . اغلب الناس كاره للفن اصلا حتى لو بتسمعه في المقابل اخلاق تعاملاتهم اليوميه في الخضيض . كذب و نفاق و كلام معلب وقت الجد تلاقيه شخص قذر جدا. حاجات تخليك تستغرب هي الناس دي بتدافع عن ايه اصلا!! طيب و دا موجود في المجتمعات اللي بتقدر الفن و بتعرف اهميته ؟ على العكس تماما . الموضوع مش في الفن ابدا . مش هو اللي هيخليك محترم او لا . الموضوع في عقولنا و كراهيتنا للمختلف هو دا اللي مخلينا منحطين







  رد مع اقتباس
قديم منذ /02-28-2020, 04:42 PM   #8

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة silver spectra
انت عارف ايه هو الفساد الحقيقي في المجتمع ؟ عمرها ما هتكون في اغنية و لا لبس رمضان في حفلة و لا حضن في فيلم . الفساد الحقيقي في المجتمع لما تلاقي شتايم في الكومنتات و لناس بتبرر الشتيمة عشان شافت ممثله بتتحضن و لا عشان اغنية شعبية و لا عشان رمضان جايب عربيات . كراهيه عمياء و تبرير للكراهيه . هو دا الفساد مش اغنيه ابدا . الفساد الحقيقي في شيخ سلفي يطلع يتكلم عن ان فلان داخل النار زي الدكتور مجدي يعقوب و زي ما انت كتبت في موضوع اخر . و هنا تساؤل : هي الناس دي فعلا بتعبد اله عادل ؟! انا اشك بصراحة لان الاله اللي في دماغهم دا شيطان . كل صفات الشر بتنطبق عليه من كلامهم . و اللي من خلاله بيبرروا الكراهيه العمياء برضو . اغلب الناس كاره للفن اصلا حتى لو بتسمعه في المقابل اخلاق تعاملاتهم اليوميه في الخضيض . كذب و نفاق و كلام معلب وقت الجد تلاقيه شخص قذر جدا. حاجات تخليك تستغرب هي الناس دي بتدافع عن ايه اصلا!! طيب و دا موجود في المجتمعات اللي بتقدر الفن و بتعرف اهميته ؟ على العكس تماما . الموضوع مش في الفن ابدا . مش هو اللي هيخليك محترم او لا . الموضوع في عقولنا و كراهيتنا للمختلف هو دا اللي مخلينا منحطين



اكيد طبعا الموضوع أكبر من أغنية او مهرجان
وده وضحته سواء في الطرح ده او الطرح اللي يسبقه
وده اللي بسببه اتعمل الطرح اساسا
الموضوع زي ما أنت قلت في نهاية ردك في العقلية
اللي مش قادرة تستوعب هي مين في الحياة
ولا دورها ايه تجاه مجتمعها عشان تصلح منه ..
بدل ما هي بتزيده بتعصب اعمي تجاه اشياء
هي الاساس في فساد المجتمع ..
الناس اتغرز في عقولها قيم ومعتقدات غلط كتير
والناس بقت بتمارس القيم والمعتقدات دي كأنها
شئ طبيعي ومش غريب علي مبادئها وقيمها الحقيقية
والفطرة اللي ربنا خلقهم عليها ...
ودي اسوأ مرحلة ممكن يصل ليها مجتمع ..

شرفني حضورك الراقي والمميز واضافتك للطرح
تقديري لشخصك المحترم ....







  رد مع اقتباس
إضافة رد

« تعالي افسدلك ذوقك ؟ | اغتصاب انثى »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فخامة الآنسة فقد - تصويري . اذار . منتدى هوايات الاعضاء 28 05-25-2014 05:57 PM
إهداء بمناسبة المنصب الجديد العاشق الذى لم يتب منتدى يوميات الاعضاء 78 04-02-2014 11:52 AM
نظرية الموزة Gogo Goge مواضيع عامة - ثقافة عامة 5 06-29-2013 01:49 PM
مفآهيمـ الموٍت لدى النآس تختلف توحد ارواح مواضيع عامة - ثقافة عامة 3 07-04-2012 04:45 PM
لآ الفــرٍح يضـ ح ـكني ولآ الموٍت يبكيني A7meD مواضيع عامة - ثقافة عامة 28 01-27-2009 10:54 AM

مجلة الحلوة / مذهلة

الساعة الآن 06:53 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩