كلام قلبك

[شاعر الحب الحزين]

مين اللي جرح قلبك مين زعلك
فضفضيلي جاوبيني أنا بسألك
عمره الحب ما كان
أقوى من كرامة إنسان
إيه فايدة الحنان لو مش بيحنلك
مجرد اسم الإهتمام وهو بيهملك


إنتي اللي عندك الحكاية
بس كأني فهمت الرواية
باهت لون ملامحك
تاهت سكة فرحك
خد الضحكة جرحك
وبيحاول يوصل بيكي للنهاية
راجعي حساباتك من البداية


اسمعي كلام قلبك وحكمي عقلك
اعملي الصح واسألي اللي عالخير يدلك
إنتي أدرى الناس بوجعك
خدي قرارك وامسحي دمعك
وأي كان قرارك أنا ثقتي كبيرة بعدلك
بس اياكي تاخدي قرار لو هتظلمي فيه نفسك


ش . ح

[ندوشه 2011]

تعرف كلامك جه في وقته وربنا وعجبي هههههههههاي

[شاعر الحب الحزين]

اقتباس المشاركة الأصلية كتبت بواسطة ندوشه 2011 تعرف كلامك جه في وقته وربنا وعجبي هههههههههاي

تسلمي نورتي ندوشه
ربنا يوفقك ويسعدك

[SaMa.]

صح كلامك خالد ثانكس

[شاعر الحب الحزين]

اقتباس المشاركة الأصلية كتبت بواسطة sama. صح كلامك خالد ثانكس

يصح لسانك ونبض قلبك
تسلمي أسعدتيني برقة حضورك سما
ربنا يوفقك ويسعدك

[Lamees]

مش عارفة اقول ايه يا خالد
كلامك داس على الجرح بقوة
راحت الضحكة وهربت الفرحة
لمعة العيون انطفت وانطفى معاها الحب

مقطوعة رائعة يا خالد
خاطبت القلب بحكمة
تحيتي

[شاعر الحب الحزين]

اقتباس المشاركة الأصلية كتبت بواسطة lamees مش عارفة اقول ايه يا خالد كلامك داس على الجرح بقوة راحت الضحكة وهربت الفرحة لمعة العيون انطفت وانطفى معاها الحب مقطوعة رائعة يا خالد خاطبت القلب بحكمة تحيتي

كتبت لأجلك روني
كوني قوية ولا تستسلمي
ما اتعودتش اشوفك كده
خلي قوتك أكبر من أي صدمة ممكن تواجهيها
كوني بخير يا عزيزتي

[فوزيه الكامل]

الصبر عند الصدمة الأولى. وعاقبة الصبر الجميل جميلة.

[شاعر الحب الحزين]

اقتباس المشاركة الأصلية كتبت بواسطة فوزيه الكامل الصبر عند الصدمة الأولى. وعاقبة الصبر الجميل جميلة.

صدقتي وأحسنتي الرد
أسعدتيني بحضورك الأول بين سطوري القليلة
ربي يوفقك ويسعدك

[دمعه حائره]

هو مفروض اللي بيحب بجد يحافظ علي كرامه اللي بيحبه
ومفيش شك ان العقل لازم يكون ليه دور في اي علاقه
تسلم خالد كلمات رائعة