ننتصر لمين ؟

[ahmed 22]

الموضوع ده تابع للطرح السابق اللي كان بعنوان ( متحرش ولكن )
او بمعني اوضح ممكن تربطه بيه .. لو انت شفت الجدل ما بين الجهات الشرعية
والجهات الحقوقية والانثوية والافلامانات دي ..
وهيكون قصير علي عكس العادة

اكتر حاجة تغضبك لما تتابع القضايا حواليك لما تلاقي الناس فجأة
بدأت بتتعصب لأشخاص عشان تنتصر ليهم اكتر من الفكرة أو القضية الداير الكلام عليها
فبيفقدها معناها وبيزيد الجدل ليس اكتر لانك بتكون حابب تنتصر للشخص اكتر من المبدأ..

لانك بتفقد طريقك للاقناع وحكمك الصحيح وبتفقد سمع وانتباه الطرف المقابل اللي بينكم قضية
المفروض الجدل داير عليها واللي انت فجأة بقيت مفوض لإقناعه بفكرتين بدل فكرة ..
وده لما بتخرج بره الإطار انك المدافع عن الأفكار الي الدفاع عن الأشخاص فبقيت مريد بيناقش معارض

بعد ما كان الكلام اللي مفروض يحصل انكم اتنين المفروض
تكونوا في صف واحد عشان تنصروا قضية أو مبدأ اسمي..
ده غالبا الصراع اللي حاليا داير طول الوقت .. كأن الناس بتتلكك في اللي بيفقدها ثوابتها

أمتي التحول ده بيحصل ...
ده غالبا بيحصل لما انت كمؤسسة رسمية أو تابع ليها أو شخصية عامة ..
ماتكونش دارك للغة الناس اللي انت عايش معاها..
والزمن اللي انت فيه ومدي التباين الواضح بين العقول اللي المفروض تكون قادر توصلها بسلاسة
فبتخلق بين الناس ضغينة وبتحولهم ناقر ونقير ..

احيانا بقصد ودول مغرضين أو يضلهم الله وهم علي علم..
واحيانا غير مدركين لكيف تصل رسالتهم اللي توحد الناس ودول المقصودين بالطرح ده

المفروض وبسهولة يكون المنطق الحالي وببساطة أن لكل حادث حديث ..
ويكون حديث موجه في اتجاه واحد ... يخدم القضية في اتجاهها الواضح كبداية..
ويكون بمثابة إعلان لاتجاه افكارك اللي تخدم القضية وتناسب مكانه
حتي لا يتم تحوير قضايا فرعية الي خناجر تهاجم في اركان أساسية
قد تخص الدين أو الجانب المجتمعي ...

انت مش عايش مع ملايكة وده فاهمينه ..
والكل فاهم أن في شذوذ في الأفكار كل يوم بيزيد والمتغيرات سريعة جدا ..
والمؤسسات الدينية عامة مش قادر تواكبه ولا تلحقه..
وده عامل فجوة بتزيد كل يوم من الشذوذ ده بشكل اسرع ..

فالاول ترمي الأساس وبعدين في حديث منفصل تذكر المكمل ليها
لما الحدث الرئيسي الجدل الخاص بيه ينتهي.. و تبدأ تقول المفروض ما بعد كلمة (ولكن) ..

ببساطة ناقش التحرش ... ثم في حديث منفصل ووقت منفصل ناقش الملبس وحكمه
يعني ما هو الناس فاهمة ايه غلط وايه صح في اللبس .. وكله رايح في داهية ..
فماتخلقش في دماغ اللي يتلعب فيه .. وخليك حكيم .. وماتخلقش تعصب للافكار
لانها بيتم تحويرها لما لا يخدم العقيدة ..

الأمور لازم تكون بترتيب عشان ماتفقدش في جهل الناس اساس علمهم

الموضوع فقط مربوط بفقه الاولويات ...

وشروطه كالتالي /

1 - وضع كل شيء في مرتبته. فلا يؤخر ما حقه التقديم أو يقدم ما حقه التأخير
ولا يصغر الأمر الكبير ولا يكبر الأمر الصغير.

2 - مجموعة الأسس والمعايير التي تضبط عملية الموازنة بين المصالح المتعارضة
أو المفاسد المتعارضة مع المصالح ليتبين بذلك أي المصلحتين أرجح فتقدم على غيرها،
وأي المفسدتين أعظم خطراً فيقدم درؤها كما يعرف به الغلبة
لأي من المصلحة أو المفسدة -عند تعارضهما-
ليحكم بناء على تلك الغلبة بصلاح ذلك الأمر أو فساده

[جنون قلب]

طيب هو انا حالف مردش اي رد ف القضيه دي
ودخلت ف استفزازات كتيره جدا عشان ارد
وبرضه كنت بمسك نفسي
انا عجبتيالمحور اللي بتتكلم بيه
وبرضه الاسلوب العقلاني ف الكلام
وفي نفس الوقت الترتيب في اغلب الحوار
لكن القضيه بتاعه التحرش والعري والجيل الصاعد ب اكمله
هو قضيه واحده قله وعي وقله معرفه بالدين
وضيف علي كل دا الاسره بقت غايبه ومغيبه


استاذي الفاضل
الدين الاسلام هو الدين الوحيد اللي بيحافظ للمراه علي كيانها
وبيحافظ لها علي حقوقها
والدين الاسلام الدين اللي بين مكانه المراه
ضيف هلي الكلام دا حجات كتير
لكن لو بصيت للحوار نفسه ختلاقي حضرتك ان اللي بيحصل قضيايا مختلقه لجعل التحرر نفسه يدور في دايره العند

شوف مين بيهاجم التحرش بشراسه
وشوفهم في الدفاع عن العري
تحت بند وسبب ان دا موش وقته وان انتوا بتبرروا للمتحرش
سيدي الفاضل محدش بيبرر لمتحرش
دي جريمه ولابد لهامن. عقاب شديد

في ناس كانوا عاملين حمله واكتر علي الحجاب
ودارت مقوله دي حريه راي واحنا مجتمع حريات
سيدي الفاضل في ناس بتهاجم الصحابه
وبتهاجم السنه
وبيطلعوا علي قنوات عادي خالص
وبرضوا حريه راي واحترام


استاذي الفاضل بعيد عن اي حاجه
وبعيد عن اي مصطلح يكون خاني هنا
ومش متوافق مع رايك
انا موش عاوز ادخل في دايره نقاش ف الموضوع دا
الحلال بين والحرام بين
دي جريمه ودي جريمه
ولدالاتنين مترتبين علي بعض
بخلاف حجات كتير قلتها فوق
احنا بس اللي الكلام وجعنا وعرفنا اننا بعيد اوي


وبرغم الحوار دا
سعيد جدا باسلوبك

اتمني يكون النقاش بعيد عن دايره فرض الراي
انا دا راي ومقتنع اقتناع كامل بيه
انا كنت محتفظ بيه ل نفسي
عشان يوم ما اتحاسب واكون بين ايد ربنا
يكون ردي وراي واضح وصريح
واكون معترض علي حاجه حرام
في ناس بتحاول تدخلها علي مجتمعنا
علي سبيل الحريه


شكرا ليك مره كمان

[د/ عبد الله]

برضو أحترم رأيك ووجهة نظرك
بس الحقيقة ان النقطتين (التحرش وسلوك البنت) مرتبطين ببعض
مينفعش اتكلم عن جزء واسيب التاني
المفروض ان الراجل بيكلم ناس كبيرة وفاهمة الصح من الغلط وتعرف تميز الكلام
لما اقول التحرش غلط واقولك ع الحاجات اللي بتساعد على انتشاره يبقى مش معنى كده اني أبرر التحرش وده واضح لكل ذي عقل.
لكن اللي بيحصل هو اجتزاء للكلام وتغييره عن مساره من اجل الهجوم على الشخص نفسه. وده بيحصل مع سبق الاصرار والترصد من الاعلام والعلمانيين
بسبب ان الشخص ده بيحرجهم وبيهاجم أفكارهم اللي ضد الدين
والحقيقة ان كلام العلمانيين دول بيلاقي استجابة من ناس بقو كتير ف المجتمع
اولهم البنات طبعا اللي مخدوعين بكلام براق زي حرية المرأة والكلام ده
وكمان فئة من الذكور مش الرجال اللي معندهمش اي مانع ان زوجاتهم وبناتهم يقلعو في المصيف وان الحجاب تخلف ورجعية.
طيب انا كراجل بتكلم باسم الدين او حتى بالعقل وعليا مسئولية قدام الناس هقول اللي مقتنع بيه واللي أبرأ بيه ذمتي امام الله ولا هحط في بالي كلام الناس وتفكيرهم وتوجهاتهم؟
الناس مختلفين مش ممكن كلهم يجتمعوا على رأي واحد
واذا أرضيت جزء منهم هزعل جزء تاني.
يبقى انا اقول اللي شايفه صح واللي يبين القضية من كل جوانبها واللي اكون راضي بيه عن نفسي واللي يقول يقول.

[فداااااااااااء]

ببساطة ناقش التحرش ... ثم في حديث منفصل ووقت منفصل ناقش الملبس وحكمه

توقفت هنا وادركت اي اتجاه تتبع وانا احترم ذلك
انا من انصار الطرق على الحديد وهو ساخن لا احب التمايع من اجل ارضاء اخرين
وكما قلت سابقا لكل ظاهرة اسبابها فما فائدة ان تضع العقاب دون توجيه الانظار الى مسبباتها

بالاضافة الي ان التحدث عن الحمشة والتحجب كثيرا ما تم عنه في كثير من الاوقات ماذا استفاد المجتمع لم يعطي احد سوي قلة الانتباه له
ولكن انا اؤيد بشدة واحيي ايضا الاشخاص الذين اطرقوا على الحديد وهو ساخن لكي يتنبه الغافلون
واعلم جيدا ان الهجوم لم يكن ابدا على توقيت التحدث وانما لانه كان مثل الصاعقة التي جاءت على ادمغة متبعي الهوي
لقد كثرت الفواحش التي من اقوي اسبابها التعري السافر وكان لابد من وضع حدا لهذا
كما ان الفديوهات والمنشورات كانت قديمة فاخبرني اخى ما هو الهدف من اخراجها في مثل هذا التوقيت الا لو كان الهدف شخصنة الامر وهدم الدين والنفور منه
لماذا اخرجوا تلك الفديوهات وقاموا بقصها واخراجها عن سياقها الحقيقي وتلك المنشوارات ؟

[ahmed 22]

جنون قلب

انا قريت ردود حضرتك في المواضيع التلاتة
وانا سعيد بيها وبنقاشك الراقي اكيد ..

بس خلينا نرتب افكارنا شوية عشان مانتوهش
ونبدأ بالطرح اللي احنا فيه حاليا

انا هنا بناقش ازاي يتم تناول القضية اللي تم طرحها بما يناسب وعي الناس بالكامل .. مش شريحة منهم
يعني انت لو من شريحة الناس اللي فعليا عمرها ما هتفكر حتي تبص لبنت .. ففي شريحة كبيرة تانية
فعليا كل يوم بتشاور عقلها للغلط ومحتاجة فقط اللي يطلق ايديها ليه ..

شوف انت ممكن تختلف مع الازهر في تعاملهم في بعض قضايا وتتفق في قضايا ..
احيانا بيكونوا سلبيين ... مش هنكر
بس الأزهر هنا اتفقت معاه لما حب يتناول الموضوع فطلع بيان بسيط جزء منه كالتالي

وأكد الأزهر الشريف أن تجريم التحرش والمتحرِش يجب أن يكون مطلقًا ومجردًا من أي شرط أو سياق، فتبرير التحرش بسلوك أو ملابس الفتاة يعبر عن فهم مغلوط؛
لما في التحرش من اعتداء على خصوصية المرأة وحريتها وكرامتها، فضلًا عما تؤدي إليه انتشار هذه الظاهرة المنكرة من فقدان الإحساس بالأمن، والاعتداء على الأعراض والحرمات.


هنا الازهر لم يجعل الملبس والتحرش قضية واحدة ... كان فيه اولويات
فقط جعل الاولوية لتجريم التحرش دون مبرر ودون الدخول في قضايا فرعية
تخلي بعض العقول تحور الموضوع وتوجهه لمهاجمة اركان العقيدة وبعض ممن يقومون بأسس الدعوي
وبرضه دون اطلاق المبرر للمتحرش ..
انت لازم تتعامل انك في زمن فتن .. وبالتالي اسلوب الخطابة والحوار لازم
يتناسب باللي يقفل الطرق لفتح باب الفتن دي بزيادة ...

تخيل لو بيان الازهر كان كالتالي

يجب ان ننبذ التحرش ونجرمه وكلام كتير كدا وفي الاخر قال
_ ولكن يجب علي الفتاة ان لا تجعل من ملبسها اغراء لمن حولها

كدا خليت المسؤلية تشاركية وبالتالي هتكون اطلقت للمتحرش الدافع او المبرر
لما ييجي يكلم عن نفسه ... هيقول ما هي اللي اغرتني والازهر قال انها لازم تلبس ما لا يغري الناس
انا اعمل ايه .... الانسان ضعيف ...

وبعدين زي ما قولتلك

ماحدش قالك اني موافق ان البنات تمشي في الشارع بلبس فاضح او غيره ...
هو فيه اصلا حد عاقل هيقول غير كدا ...
بس انك تدخلها في جملة مفيدة في قضايا التحرش .. بيتم انتزاع القضية من معناها..
لأنك فعليا غيرتك او غيرتي عالدين .. مش هتغير اننا بقينا في مجتمع الله اعلم بيه
المجتمع بتاعنا استوحش .... ومش لازم تفتح باب جديد للجدل يزيد توحشه
لمجرد اختلاف توقيت اطلاقه .
في تفاصيل صغيرة جدا هي اللي بتفرق في تشكيل العالم اليوم

العالم الجديد اللي احنا فيه ... بقت معطياته اسوأ مما تبدو...
لو في ناس لسا عالفطرة فدول عددهم قليل بالنسبة لملايين فطرتها اصبحت ملوثة فعليا ..
وبقا الواقع بالنسبة ليها متشابه الحدود ومتشابه الاحكام ...
وبالتالي محتاج تحاكيهم بلغة تخاطب تلوث فطرتهم ... مش بلغة تزيد من انحراف افكارهم ..
لازم تكون واضح وجازم وحاد في اتجاه واحد .. مش تشوش الاتجاه

ثانيا

انت برضه بروزت الحرامي في خانة انه سرق لانه كان جعان .. وقلت ربنا يحاسب اللي اتسبب في ده
بس ده مايمنعش انه برضه انه ربنا هيحاسبه

طيب ما هو في حرامي مليونير .؟ في موظف كبير ودخله محترم وحرامي ؟
مين اللي تسبب في ده .. وبرضه ربنا هيحاسبه .

وبرضه في متحرش انت بروزته في لبس الفتاة
طيب المتحرش ده بيتحرش بمحجبة او منقبة وفي نفس الوقت شوف كام قضية مقززة
اخر كام شهر بس تخص تحرش باطفال ورضع يا اخي ؟؟؟؟؟؟
واحد تحرش بمسيحية مثلا عشان طبيعة مش مججبة وطبيعي متحررة شوية ؟
دي وضعها ايه ؟؟
سايحة مثلا ماشية بالبكيني في شرم الشيخ وواحد تحرش بيها
لما الحكومة هتمسكه هيقولها اصلها اغرتني ؟
والشيوخ اللي عندنا هتقول هي ماشية كدا ليه

ولا اصلا انت عايش في مجتمع ليه قواعد فيها شذوذ
فلما تصلح الشذوذ بشكل حكيم .. ابقي ضع القواعد بما يناسب حكمه في ساعتها

دول تقولهم ايه ... دول ناس عايشين معاك منك وفيك ..

هنا التحرش حريمة وتستوجب كذا وخلصت علي كدا
لا تروح يمين ولا تروح شمال .... الجدال خسران ..
ماتفتحش باب اصعب من انك تتملكه

الملبس والحشمة قضية اجتماعية تخص المسلمين في ذاتهم
وجزء من اصلاح ذات انفسهم .. وجزء كبير من عملية ترميم شاملة للمجتمع
محتاج انك تضع اساسات صحيحة ليها وفي سياق يناسبها ..

انت فاهمني ؟

[ahmed 22]

اقتباس المشاركة الأصلية كتبت بواسطة د/ عبد الله برضو أحترم رأيك ووجهة نظرك بس الحقيقة ان النقطتين (التحرش وسلوك البنت) مرتبطين ببعض مينفعش اتكلم عن جزء واسيب التاني المفروض ان الراجل بيكلم ناس كبيرة وفاهمة الصح من الغلط وتعرف تميز الكلام لما اقول التحرش غلط واقولك ع الحاجات اللي بتساعد على انتشاره يبقى مش معنى كده اني أبرر التحرش وده واضح لكل ذي عقل. لكن اللي بيحصل هو اجتزاء للكلام وتغييره عن مساره من اجل الهجوم على الشخص نفسه. وده بيحصل مع سبق الاصرار والترصد من الاعلام والعلمانيين بسبب ان الشخص ده بيحرجهم وبيهاجم أفكارهم اللي ضد الدين والحقيقة ان كلام العلمانيين دول بيلاقي استجابة من ناس بقو كتير ف المجتمع اولهم البنات طبعا اللي مخدوعين بكلام براق زي حرية المرأة والكلام ده وكمان فئة من الذكور مش الرجال اللي معندهمش اي مانع ان زوجاتهم وبناتهم يقلعو في المصيف وان الحجاب تخلف ورجعية. طيب انا كراجل بتكلم باسم الدين او حتى بالعقل وعليا مسئولية قدام الناس هقول اللي مقتنع بيه واللي أبرأ بيه ذمتي امام الله ولا هحط في بالي كلام الناس وتفكيرهم وتوجهاتهم؟ الناس مختلفين مش ممكن كلهم يجتمعوا على رأي واحد واذا أرضيت جزء منهم هزعل جزء تاني. يبقى انا اقول اللي شايفه صح واللي يبين القضية من كل جوانبها واللي اكون راضي بيه عن نفسي واللي يقول يقول.

صباحك سعيد يا دكتور

هنا بقا هناقشك في اصل الشئ اللي انا قاصده من خلال الطرح ده

في جزء انا وضحت فيه وجهة نظري من خلال الرد السابق ... اتمني تطلع عليه
والجزء التاني الي هناقشك فيه .. الخاص بالشيخ عبدالله رشدي
مع اني مابحبش اناقش اسماء .. ولا علي فكرة هناقش شخصه او توجهاته

اول هام الشيخ عبدالله رشدي محسوب علي الازهر
وبالتالي .... المفروض طالما ارتضي انه يكون محسوب علي الازهر كمؤسسة
انه يتبع نفس النهج الدعوي الخاص بيهم ...

هنا ماعنديش مشكلة مع ارائه اللي قالها .. ولا شايف انه شخص مغرض
انا قلت باللفظ الطرح هنا موجه من وجهة نظري

للغير مدركين لكيف تصل رسالتهم اللي توحد الناس


فكرة الاجتزاء اللي حصل لكلامه .. حصل بالزبط بسبب ان النقاش الداير هو ارض
خصبة للنفوس الضعيفة اللي بيتم استهلاك كل كلمة تخصه بالسلب ..بسبب خلفيته عامة
اللي هو يعتبر بسببها شخص مثير للجدل اعلاميا في اكثر من قضية ..

الجدل اللي دار نتيجة عدم صياغة كلامه بشكل موجه وصريح للنقاش في القضية
خلق دايرة مفرغه بين مريديه ومعارضيه ... وتحول الكلام من قضية عامة تخص التحرش
الي قضية خاصة بطلها هو عبدالله الرشدي بين مدافعين مستميتين عنه وبين ناقدين ومعارضين
لكلامه ... سواء بقا تحت ضغوط العلمانية او الحركات النسوية والمدافعين عن المرأة والكلام ده ..
فالقضية الاساسية اساسا فقدت معناها ..

المهم ان كلامه بقا حول العام الي خاص ... وده لانه فعليا لو اتبع سياسة الازهر
كان فعليا وفر علي المجتمع جدل عقيم ماخرجش من وراه غير ان كل فرد تعصب زيادة
تجاه افكاره واخرين تشتتوا في الوسط ...

اكيد ماحدش بيتفق علي كلام واحد ... بس فعليا كل واحد شايف ان ليه اتجاه مؤثر
وليه قاعدة من المعارضين والمؤيدين ... يجب انه مايجعلش من كلامه سيف يتم مهاجمة الدعوة بيه
لمحرد انه في اختلاف علي شخصه .. او انه شخص يطرق علي الحديد زي ما بتقولوا وهو ساخن ...

لكل وقت سياسة مختلفة .. والاجتهاد مطلوب في الدين طول الوقت
واهم احتهاد يجب ان يتم هو كيف يتعامل الدعاة مع فتن هذا الزمان ..

لأنه عندما يتم هدم الاشخاص .. تسقط الكيانات اللي بيمثلوها في نظر الناس
ودي اكبر فتنة بنمر بيها .. ووجهة نظري ان عبدالله رشدي او غيره محتاجين ينظروا
للزمن اللي احنا فيه حاليا بنظرة مختلفة دعويا .. عشان يوحدوا اكثر ما ينفروا دون ادراك منهم لذلك ..

[ahmed 22]

اقتباس المشاركة الأصلية كتبت بواسطة فداااااااااااء ببساطة ناقش التحرش ... ثم في حديث منفصل ووقت منفصل ناقش الملبس وحكمه توقفت هنا وادركت اي اتجاه تتبع وانا احترم ذلك انا من انصار الطرق على الحديد وهو ساخن لا احب التمايع من اجل ارضاء اخرين وكما قلت سابقا لكل ظاهرة اسبابها فما فائدة ان تضع العقاب دون توجيه الانظار الى مسبباتها بالاضافة الي ان التحدث عن الحمشة والتحجب كثيرا ما تم عنه في كثير من الاوقات ماذا استفاد المجتمع لم يعطي احد سوي قلة الانتباه له ولكن انا اؤيد بشدة واحيي ايضا الاشخاص الذين اطرقوا على الحديد وهو ساخن لكي يتنبه الغافلون واعلم جيدا ان الهجوم لم يكن ابدا على توقيت التحدث وانما لانه كان مثل الصاعقة التي جاءت على ادمغة متبعي الهوي لقد كثرت الفواحش التي من اقوي اسبابها التعري السافر وكان لابد من وضع حدا لهذا كما ان الفديوهات والمنشورات كانت قديمة فاخبرني اخى ما هو الهدف من اخراجها في مثل هذا التوقيت الا لو كان الهدف شخصنة الامر وهدم الدين والنفور منه لماذا اخرجوا تلك الفديوهات وقاموا بقصها واخراجها عن سياقها الحقيقي وتلك المنشوارات ؟

اوك
انت سمتيه تمايع من اجل ارضاء الاخرين ..
مش هنختلف ..


بالاضافة الي ان التحدث عن الحمشة والتحجب كثيرا ما تم عنه في كثير من الاوقات ماذا استفاد المجتمع لم يعطي احد سوي قلة الانتباه له


بس انتي هنا بتناقضي نفسك ..
معني كدا من كلامك ان الناس فعليا بتكلم عن الحشمة والحجاب طول الوقت ومافيش نتيجة
ايه بقا اللي هيختلف فعليا لما تكلم عن موضوع فعليا هو ساخن يخص التحرش
يا هل ده فعليا شايفة انه خدم القضية اكتر ولا زاد من قلة الانتباه ؟

وبالنسبة للصاعقة اللي سقطت علي متبعي الهوي ؟
فعليا ايه اللي استجد في المجتمع غير ان الجدل زاد ليس اكثر ؟
مش عارف ...

مع احترامي والله .. ومش قصدي اي حاجة
بس تعليقك فعليا هو مثال للتشتت بين اصل القضية
وتفريعها لما لا يخدمها ....

بمعني فكرة التشكيك نفسه في قضية تخص التحرش
لحساب الملبس والتعري ده يوضحلك اد ايه الجدل بين المريدين والمعارضين للشخوص
اثر علي مصداقية القضية نفسها وتحويلها كمؤامرة ..
ودليل علي الكلام اللي كاتبه في الطرح

وبعدين فعليا ماحدش ناقشني في فقه الاولويات ..
والمفاسد والمصالح ...

ومع احترامي للكل

كله بص للنقاط اللي تجذب الجدل من خلال الطرح
وماحدش ناقشني في نقاط قوته وتساؤلاته او اجاب عليها ...
وكلنا بنروح لمناطق فرعية مش في اصله ..


وعلي فكرة
والله العظيم احنا مش مختلفين في الاساس
الفكرة في تفصيلة صغيرة ..
كل واحد بيخلق من خلالها غيرة علي الدين
وبينزعها من غيره .. وكأن الموضوع حق ليه وبس .

[دمعه حائره]

اقتباس ببساطة ناقش التحرش ... ثم في حديث منفصل ووقت منفصل ناقش الملبس وحكمه يعني ما هو الناس فاهمة ايه غلط وايه صح في اللبس .. وكله رايح في داهية .. فماتخلقش في دماغ اللي يتلعب فيه .. وخليك حكيم .. وماتخلقش تعصب للافكار لانها بيتم تحويرها لما لا يخدم العقيدة .. الأمور لازم تكون بترتيب عشان ماتفقدش في جهل الناس اساس علمهم

اتفق جدا وده كان رأيي علي الفيس
لكل حادث حديث وملابسات ده غير ان الحادث اللي اثار الضجه
كان لشاب ثري يعني يقدر يتجوز اربعه وعايش في وسط مستوي اللبس فيه كده
التحرش ملوش مبرر ولازم يبقا ليه عقاب رادع ولما تناقش لبس البنت في وقت زي ده
يبقا بتبرر اسلوب يستخدم ضدك اكتر
النقاش والجدل علي مظهر البنت ده اساس كلام الشيوخ والدعاه كلهم طول الوقت
لكن متربطش بحادثه زي دي
ده من المفارقات ان لما اتسال داعيه طب ليه المحجبه والمنقبه اتحرشوا بيها
قال عشان شاف المتبرجه وملقاش غير دي قدامه
طب والتحرش بالاطفال والستات الكبيره في السن؟
لو كان التركيز علي سلوك الشباب والدعوه ليهم بالاستقامه وغض البصر
وازاي يقاوم شيطانه هيكون بيفيد الدين اكتر
مش تسيب الجاني وترمي اللوم علي الضحيه
وانا اتفق جدا مع الدعوه للاحتشام لكن بشكل منفصل
شكرا علي الطرح القيم

[فداااااااااااء]

بالاضافة الي ان التحدث عن الحمشة والتحجب كثيرا ما تم عنه في كثير من الاوقات ماذا استفاد المجتمع لم يعطي احد سوي قلة الانتباه له


بس انتي هنا بتناقضي نفسك ..
معني كدا من كلامك ان الناس فعليا بتكلم عن الحشمة والحجاب طول الوقت ومافيش نتيجة
ايه بقا اللي هيختلف فعليا لما تكلم عن موضوع فعليا هو ساخن يخص التحرش
يا هل ده فعليا شايفة انه خدم القضية اكتر ولا زاد من قلة الانتباه ؟

وبالنسبة للصاعقة اللي سقطت علي متبعي الهوي ؟
فعليا ايه اللي استجد في المجتمع غير ان الجدل زاد ليس اكثر ؟
مش عارف ...


مع احترامي لشخصك اخي اين تناقضي هنا وانت تقول انه يجب التحدث عن امر الاحتشام في وقت اخر
انا اجبتك انه بالفعل تم ذلك مرار وتكرارا هذه الحجة التي تمسكونها لتبرير عدم التحدث عن السبب كونه انه ليس وقته المناسب متي يكون اذا بعد ان تهدأ الامور ويتناسي الامر كسابقه
فى ردي قلت لا ينتبه الكثيرون هل تعلم لماذا ؟ اظن انك تعلم جيدا اخى فانت لست بشخص جاهل للامر
ان الاعلام لا يلقي بالضوء على تعليم الدين بقدر ما يلقيه على الفجور بل الاعلام يهاجم الدين وعلماءه بحجة سخيفة اسمها التجديد ونعلم جيدا ماوراء ذلك دون الخوض فيه لانه يكثر الحديث فيه ويتشعب

هذه الحادثة هل هي الاولي فى بلدنا ؟ بالطبع لا وكل مرة يتم التنبيه على الملبس الخليع يتم الترديد ليس وقته حتي وصل الامر الى ذروته
واما عن النقطة الثانية كثرة الجدال يؤدى الي رؤية الامور بكل جوانبها وليس بجانب واحد فقط يقتصر على العقاب دون البحث عن الاسباب ومعالجتها والتنبيه ربما يفيد مستقبلا
سؤال اخى وهنا نقفل الحديث لاني الحقيقة وللأسف لم اعد احب الجدال كثيرا ولكن ردك على سؤالي هذا سينهي الامر
هل ترى ان اللبس الخليع ليس له صلة بالتحرش في غالبيته ولا احد اسابه القوية ؟ ردك هنا نقطة نهاية

[ahmed 22]

اقتباس المشاركة الأصلية كتبت بواسطة دمعه حائره اتفق جدا وده كان رأيي علي الفيس لكل حادث حديث وملابسات ده غير ان الحادث اللي اثار الضجه كان لشاب ثري يعني يقدر يتجوز اربعه وعايش في وسط مستوي اللبس فيه كده التحرش ملوش مبرر ولازم يبقا ليه عقاب رادع ولما تناقش لبس البنت في وقت زي ده يبقا بتبرر اسلوب يستخدم ضدك اكتر النقاش والجدل علي مظهر البنت ده اساس كلام الشيوخ والدعاه كلهم طول الوقت لكن متربطش بحادثه زي دي ده من المفارقات ان لما اتسال داعيه طب ليه المحجبه والمنقبه اتحرشوا بيها قال عشان شاف المتبرجه وملقاش غير دي قدامه طب والتحرش بالاطفال والستات الكبيره في السن؟ لو كان التركيز علي سلوك الشباب والدعوه ليهم بالاستقامه وغض البصر وازاي يقاوم شيطانه هيكون بيفيد الدين اكتر مش تسيب الجاني وترمي اللوم علي الضحيه وانا اتفق جدا مع الدعوه للاحتشام لكن بشكل منفصل شكرا علي الطرح القيم

اخيرا حد اتفق معايا هههه

ممكن نناقش الموضوع فعليا بعيدا عن حدث وجريمة رأي عام
بتخليك تستفز مشاعر الناس اكثر من انك تنصحهم .. فبيكون الامر بشكل عكسي

بشكر اضافتك وحضورك القيم ..