جرائم وبس !

[gold rose]

مساء الخير أو صباح الخير زي ما تحبو

إزيكو عاملين إيه



بقالنا فتره كبيره بنسمع عن جرائم واضطهاد بحق المرأه

جرائم غير مبرره ويندى لها الجبين بصراحة

جرائم مصوره صوت وصوره وورغم كدا مفيش عقاب رادع وحقيقي للفاعل

آخرهم كانت أحلام الي أبوها وشويه ذكور من عيلتها قررو إنه خلاص كفايه

أحلام تعيش كفاية العيشة الي عاشتها , فقررو ينهو حياتها لإن أحلام ملكهم
الشخصي ؟! اتغرضت للضرب والنحر , جريت برا بيتها للشارع وصرخت لحد

يلحقها أبوها لحقها وفضل يضرب راسها بالطوبه لحد ما ماتت !
وبعدين قعد يشرب كباية شاي وسيجار جنبهااحتفالاً لانجازه العظيم !



طبعاً أول سؤال بيسأله المجتمع العقيم بتاعنا دا لما يلاقي جريمه

شبه دي إنه يسأل طب البنت عملت إيه ؟ أكيد عامله مصيبه ؟

مهو أبوها مش هيقتلها من الباب للطاق ! أكيد عامله حاجه !




هل طبيعي إن السؤال دا ينسأل ؟ إنت مالك هيا عامله إيه ؟ أصلاً

مش طبيعي تسأل هيا عامله إيه ؟ مش مهم عملت إيه !

تخيل إنها إنسان عادي زيها زي الرجل مش مجرد شرف لأي حد من

قرايبها .. وجريمه قتلها جريمه قتل وبس من غير مسميات جنبها تبررها !


منتظره آرائكو

[واد حبيب]

القتل جريمه لاي حد مهما كان الغلط ممنوع انك تقتل روح علشان غلطت
لكن احنا شعب متخلف بطبعته بيقولك طول ما البنت غلطت تنقتل طيب ليه لما الواد يغلط مش بينقتل الواد لما بيغلط بيتبها بغلطه لكن البنت تغلط حياتها تروح علطول
انا مش بقول ان البنت تغلط بس في بنات بتغلط وبتندم علي الغلط ده ومش بتعملو تاني ابدااا لزم يكون في تسامح في حق البنت علشان نقدر تعيش في المجتمع ده
تسلمي علي موضوعك الجميل

[فداااااااااااء]

الكيل بمكيالين دائما موجود فى المجتمع العربي
لذا فاى خطأ ترتكبه الفتاة يكون العقاب هو الاسرع وغالبا العقاب يكون قاسيا
عملت ايه صحيح هو سؤال غالبا ما يكون عفوى للاستفسار ولا يعطى مبررا ابدا لفعل جريمة وحشية كهذه ولكنه مستفز ايضا
ولكن الناس يرغبون فى معرفة لماذا اقدم على هذا الفعل الشنيع
هنا المجتمع العربي عزيزتى وهذا فكرهم
مازالت عادات الجاهلية القديمة قائمة والتى تنظر للمرأة على انها شيئا مملوكا يحق للاب او اى ذكر فى العائلة
ان يكسرها ان اراد

الله يصلح الحال

[دمعه حائره]

العنف زاد بشكل مبالغ فيه وطريقه القتل والانتقام بتكون بشعه
اي كان اللي عملته فيه قانون وفيه عقاب على قد الحدث
اوقات بشوف بعض الجرائم اسهل حاجه يلزقوها في الشرف عشان يبرروا جريمتهم
موضوع قيم تسلمي ومنوره المنتدي حبيبتي

[Aya 7ekaya]

مش غريب فى مجتمع بيتعامل مع المرأة على أنها عار و لسه فى ناس لما تبشر بمولودة انثى تزعل كأنها هتكون عار على الأسرة فى حين أن النبى قال اللى عنده بنت و أكرمها واحسن تربيتها يدخل الجنة
ف سبحان الله من العقول اللى لسه بتتصف بالجهل والتخلف بلا مبرر
العيب فى فكر المجتمع اللى نشأ بأفكار افضل وصف ليها أنها افكار معاقة و طول ما احنا فى نفس الافكار هيفضل الظلم مستمر الا من رحم ربى

[ahmed 22]

علي حد ما فهمته ان القضية حصلت في الاردن
وليها ابعاد وزوايا مختلفة ..
المفروض كانت تتذكر بالكامل ..
لأننا كدا بنحكم علي الكتاب من عنوانه فقط
والمفروض نضع الامور في اطارها الصحيح وبعدين نتناقش
والردود بعيدة عن الواقع

من الاخر هما سؤالين المفروض الكل يبحث عن اجابتهم جواه لانها قناعات نابعة من اصول المجتمع نفسه

1 - هل القتل من اجل حفظ شرف العيلة او الزوج له مبرر أخلاقي عندك او عند الشرع ؟

يعني من الاخر انت كرجل شرقي ممكن الحمية تاخدك فتقتل مراتك لو لاقيتها بتخونك
او كأب نفس الامر .. ده ليه مبرر عندك ؟ ده شايفه صح ولا غلط ؟
انا والله ما قريتش عن الموضوع لسا .. بس هو صح في الدين ولا غلط ؟؟

ده بعيدا عن طبعا ان ممكن حد ياخد موضوع الشرف حجة او يلبس قضية ..
انما انا بكلم في حالات واقع بتحصل كتير ...

بس دي حالات شاذة خاصة لما نكلم عن اب وبنته .. واحيانا ام وبنتها خاصة في الصعيد مثلا ..
وغالبا الامر بيكون بين ازواج ... بس القضية هنا بنكلم عن اب وبنته ..
وفيها شبهة انه بيحافظ علي شرفه
دي الرواية الخاصة بيه او العيلة ..

ومع العلم ان بعض الدول كانت لحد وقت قريب ممكن تبرأ واحد عشان قتل عشان يحفظ شرفه
وتم وضع بعض الأحكام بعد ذلك ولكن مخففة بالنسبة لجرائم القتل اللي بأسباب تانية مع ان الفعل واحد
وفي بلاد تانية علي ما اعتقد لسا برضه ممكن بتبرأ المتهم عشان تحفظ شرفه ..

فده معناه ايه بالنسبة ليك ؟؟؟

2 - هل الامر ده بصيغته اللي انا ذكرتها دي الصح بتاعه انه يتم وضعه تحت بند ذكورية المجتمع تجاه المرأة
او مبرر للعنف تجاها ولا ليه صيغة تانية ؟

اعتقد دي الزاوية اللي المفروض ينطلق النقاش منها

[جنون قلب]

بصي انا اصلا ضد ان مجتمع ذكوري
وان الينت مهمشه في الحياه
وان البنت عار
دي كلها افكار ملهاش وجود
احنا هنا بنتكلم ف العموم لان بالتاكيد القصه مش كدا
واكيد ليها ابعادها
واحنا عمرنا ما هنحكم عليها
اما بقي بالنسبه ل حته العار والكلام دي
اقسم برب العزه ان اي بنت من البنات اللي ردت علي الموضوع
بتهكم علي الرجال لو ينتهم
عمت خاجه تمس الشرف او ما شابه
او اتزكر حادثه قدامها مشابهه
ردها هيبقي مختلف


حضرتك دلوقتي مفهوم الحريه للبنت اختلف تماما دعن سابق عهده
والحريه للولد
اقشم بالله انا ماشفت فيديو ولا اعرف الحوار
عشان كدا بتكلم ف العموم دوبتكلم بالعاميه
بعيد عن الفلسفه
الجريمه هي الجريمه
والعقاب في الدنيا شيء
حتي يثبت ف الاخره العكس
وكلنا طلعين فوق واللي ليه حق هياخده

انا ل تاني مره هق لها هنا
يعلم ربنا انا لا مع ولا ضد
انا بقول الكلمه اللي لما اقابل ربنا
اكون عارف هقوله ايه وميكنش كلامي مايع وبين البينين


ربنا يهدي بنات وشباب المسلمين
ربنا يهدي شباب وبنات المسلمين

[شروق محمود]

اكيد الموضوع له ابعاد تانيه
مش معقول هيقتل بنته من غير سبب
ولكن انا رايي لو عملت فعلا حاجه تستحق الموت
يبقى من حق الاب لانه مسئول عن رعيته
اما لو من غير سبب كما ذكرتى يبقى ظالم وحرام عليه

[big bốss]

الغايه تبرر الوسيله و لكن الإفراط في العنف غير منصف أو عادل

اكيد هي ارتكبت جنايه فكان رد الفعل

نورتي

[شاعر الإحساس]

لا يحق لبشر ان يقتل نفس ...
مهما كانت الاسباب والظروف ...
لان من قتلها فكأنما قتل الناس جميعا..
هكذا قال رب العباد...سبحانه وتعالى


اما العنف في حد ذاته ضد المرأه...
فهو امر مرفوض منبوذ ...
في العلاقة السليمه...الطبيعيه
لا يحق لاي رجل مد يده ضد انثى
مادامت لم تأتي بفاحشة ...

لا سلطه للرجل بمد يده...
وكما قال رسولنا الكريم..عليه افضل الصلاة والسلام..
رفقا بالقوارير....


موضوع من واقع الحياه...
ويلامس مجتمعاتنا العربيه كثيرا...
ونتمنى ان يكون هناك حد له....
دمت بكل خير وسعاده
تحياااتي وتقديري واحترامي


شاعر الإحساس