جرائم وبس 2 !

[gold rose]

مساء الخير أو صباح الخير مش هتفرق بصراحه



الموضوع دا رداً مني ع موضوع النقاش دا

http://forums.banatmasr.net/msryat586723/
أتمنى الي مشافهوش يشوفه



حقيقي استغربت جداً إننا في القرن 21 ولسا في ناس بتبرر وتدافع عن جرائم الشرف , خليني أقول كام نقطه يمكن العقول تتفتح



" وَلا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ذَلِكُمْ وَصَّاكُمْ بِهِ لَعَلَّكُمْ تَعْقِلُونَ "




" وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً "


" حديث البخاري: لا يزال المؤمن في فسحة من دينه ما لم يصب دما حراماً "




فكل العلماء والأدله حرمت القتل حتى وإن كانت زنت وهي محصنه , ولا يثبت الزنى إلا بإقرارها هي بذلك وشهاده أربع شهور لم يجز له قتلها , فإقامه الحد من عمل الحاكم وحده ..

وربنا سبحانه وتعالى لما وضع هذه الشروط وضعها للتصعيب لإنه ممكن الواحد يتوب بعد ذلك وربنا يقبل توبته ولا يفضحه , فانت مين عشان تقرر إنسان يموت !



وخصوصاً إن الموضوع دا والشرف مبيطرحشي غير في حاله البنت أما الولد فنخلق له من المبررات أشدها وأعظمها ولا يضايق بالكلام حتى !

وهذا ليس موضوع نقاشي هنا ولن أقبل النقاش فيه



دمتم ..

[fanaa]

هدم الكعبة أهون عند الله من قتل بني آدم.
الشرف والعفه والعذرية مسميات عقيمة وتبرير ليس أكثر
كلنا فاقدين شرفنا..
فقدنا شرفنا لما اتعدينا حدود الله
يعنى الزاني مفرقش حاجه عن الا قتل كلهم اتعدوا حدود الله.
فمافيش اى دفاع عن الشرف فى اى حالة أصلاً.
ربنا هيحاسب الكل. القصاص والعدل عند الله.
قدام ربنا الكل هيقف سواء ولد أو بنت

[.Lamar]

احسنتى غاليتى
تقبلى مرورى
مودتى

[جنون قلب]

وانا مش هناقشك ف كلامك
طالما انتي مقتنعه
احنا بنعامل بناتنا ك مجوهرات
حجات غاليه جدا عندنا
واللي بيحصل دا ولا فارق معانا
بس زي منا مبستحملش عليها الهوا الطاير
هي برضه مترضاش انها تكون جزء من كسر نفسي


احنا ضد اي عنف
بس البنات مش عايشين ف كوكب لوحديهم


دا مش نقاش دا برضه راي ااشخصي
اني مقتنع ان كل حاجه بتحصل في دنيتنا ليها سبب
احنا مش عايشين وخلاص
زي ما في الدين حجات كتير احنا مبناخدش بالنا منها
وبناخد اللي لينا وبس

شكرا لييكي علي موضوعك

انا شخص رجعي للغايه .. وفكري متخلف
شرف بنات عائلتي من شرفي
ووجودهم بجانبي تاج فوق راسي

[big bốss]

وجهة نظر تحترم

[gold rose]

اقتباس المشاركة الأصلية كتبت بواسطة fanaa هدم الكعبة أهون عند الله من قتل بني آدم. الشرف والعفه والعذرية مسميات عقيمة وتبرير ليس أكثر كلنا فاقدين شرفنا.. فقدنا شرفنا لما اتعدينا حدود الله يعنى الزاني مفرقش حاجه عن الا قتل كلهم اتعدوا حدود الله. فمافيش اى دفاع عن الشرف فى اى حالة أصلاً. ربنا هيحاسب الكل. القصاص والعدل عند الله. قدام ربنا الكل هيقف سواء ولد أو بنت

الحمد لله حقيقي إن ربنا عادل وكلنا هنقف قدامه سواسيه

[gold rose]

اقتباس المشاركة الأصلية كتبت بواسطة .Lamar احسنتى غاليتى تقبلى مرورى مودتى

منوره يا لمار

[gold rose]

اقتباس المشاركة الأصلية كتبت بواسطة جنون قلب وانا مش هناقشك ف كلامك طالما انتي مقتنعه احنا بنعامل بناتنا ك مجوهرات حجات غاليه جدا عندنا واللي بيحصل دا ولا فارق معانا بس زي منا مبستحملش عليها الهوا الطاير هي برضه مترضاش انها تكون جزء من كسر نفسي احنا ضد اي عنف بس البنات مش عايشين ف كوكب لوحديهم دا مش نقاش دا برضه راي ااشخصي اني مقتنع ان كل حاجه بتحصل في دنيتنا ليها سبب احنا مش عايشين وخلاص زي ما في الدين حجات كتير احنا مبناخدش بالنا منها وبناخد اللي لينا وبس شكرا لييكي علي موضوعك انا شخص رجعي للغايه .. وفكري متخلف شرف بنات عائلتي من شرفي ووجودهم بجانبي تاج فوق راسي

عذراً إن ظهر أن طريقة كلامي عصبيه هذا غر مقصود بالمره
أنا متأكده إن في ناس محترمه بتعامل بناتها كويس جداُ
وأكيد أي حاجه بتحصل من أي حد في العائله بتمس العائله كلها
عشان كدا واجب عليينا نحترم بعض ونحافظ على بعض
شكراً على ردك الراقي والله

[Aya 7ekaya]

انتى بتتعاملى مع مجتمع شرقى والافكار دى راسخه من زمان جدا صعب تغيرها ومجرد فتح نقاش فيها هتكونى انتى متهمه !
المخطىء يعاقب لكن ده قانون يمشى على الجميع مش هنختار مين يتعاقب ومين لا و كمان نبرر بمبررات من دماغنا احنا بس
والله ربنا وضع للكون قانون احنا بقا بنخص ناس دون ناس تانية بقوانين معينه يبقى ده ظلم مالوش اى مسمى تانى
ايام النبى السارق أو الزانى او اى شخص كان يستحق عقاب كان يعاقب رجل او امراه
لكن بدل ما نكون مجرمين ف حق بعض أو حق اولادنا الاحق اننا نبذل مجهود و نتحمل مسؤولية وأمانه تربيه والحفاظ على بناتنا و كده نبقى عملنا اللى علينا واى شخص عنده عقل يخطىء بعدها يتحمل عقابه اللى ربنا شرعه

[فداااااااااااء]

العادات والتقاليد هنا هى الغالبة
ولكن يرجع ذلك بسبب ميوعة القانون وعدم تنفيذ شرع الله في مثل هذه الامور لمنع تزايدها
ففي الشرع العقاب متساوى بين الاثنين وهو الجلد
ولكن لاننا هنا نعتبر الشرف شيئ غاليا جدا فالرجال ينصبون انفسهم قضاة لتنفيذ الحكم ولكن بشراسة وليس بشرع