احنا معاكم !

[ahmed 22]

خلونا نتفق
إن الكلام خانه ارتجاله
وسط كترة قوالينه
مرسال غلاف
عنوانه دايما في الأمل كذاب
مابقاش بيفرق
مابقاش بيسند ناس كتير
كلمة ( معاكم ) عالورق
بقت تخض مش تعين ..
كلمة معاكم عاللسان
كان يوم نيسان
غرق سفينة تيتانيك
كانت نهاية الالتزام ...

عارفين
الكلام بقا وزنه في الحياة حرفين
حب بح ... وبح فين
ده اللي بيخليه ويبقي عالغلاف
عشان بيسند
في الفراق
لكل عاشق مدعي
محتاج لكلمة حب تبل ريق
وسط زحمة الاشتياق

وباقي دايما عالسطور عشان ينظم
كل دقة قلب خارجة
من قلوب دايما مراهقة
عايشة دايما الف دور ..

احنا في دراما السندريلا
لما وقعت في الغرام
وهي قايمة بدور غوريلا
وشافها مخرج قلبها توكتوك
ولما زهقت ..صورها تيك توك
ومن يومها قلبت تريلا

والغريب في مصيبة كل يوم
انه دايما نحكي إن عٌمر الضحك يوم
والحقيقة إن كل الناس بتبكي
بس لحظة في ربع يوم ..

وفي النهاية يراودك
إحساس ثئيل
ان كلمة وحدة بينا
تشوفها فرقة بنار حنين

و أرواحنا دايما تشتهي
من آن لآن أنها تظهر جروحها
بين قوسين بسؤال حزين

(شايفين ؟ )

مسيري ان كل يوم هصرخ
ومصيركم أنكم عايشين
متصلبين عاجزين ..

وفي كل يوم في فقرة الأخبار
تتذكروا أن الحياة مواويل
وفي كل قصة تسمعوها وتشوفوها
تقولوا آأأأه
لازم نواح يا محسنين

انفجار
اغتصاب
قتل أمه بدم بادر
وسط شارعه بدون
ممم مش عارف المهم

تصدقوا نفسكم انكم حزينين
تصدقوا كلام قالوا غيركم
وسط
حزن في حي غيركم ..
من غيرتكم قلتوا
غيرنا ليه بيبكي
واحنا لاء
هو احنا غيرهم
يلا نبكي .. يلا نحكي
يلا نرسم النهاية بصوت حزين

وبعد لحظة
فقرة تانية جديدة تبدأ
يلا يابني قوم وغير القناة
خلينا نضحك ..
نقوم ننام

يلا سلام

[وليد الطويل]

كلامك جميل يدل علي عقلك الرائع
احسنت

[Aya 7ekaya]

جميلة فلسفتك فى التعبير
يدوم نبض قلمك الراقى

[fanaa]

أحلى حاجة أنها واقعية وبتوصف حاجات بنشوفها كتير
يسلم قلمك

[ساحر الأحزان]

قلمك انيق وجميل
استمر احمد
احترامي وتقديري

[عاشق ولهان]

فلسفه قلم أجاد وصف حاله

كل الشكر والتقدير لك يا صديقي

خالص تحياتي وتقديري

[شاعر الإحساس]

واسفاااه على مانرى..
ومانسمع...ومانعيش
واقع مليء بما لايسر ....
بل اكثر من هذا المعنى..


تصوير للواقع واحداثه..
المعاشه والمعاصره....
باسلوب ساخر جدا راقي ...
تنقل بين الفقرات بحريه...
اجدت بها التعبير عن الواقع الاليم
اللهم اصلح الحال ياكريم...


دمت بكل خير وسعاده
تحيااتي وتقديري واحترامي


شاعر الإحساس