يا بحر الحب

[رضا التركى]

ليه ياقلبي ان قولت انسى
تدوب وترجع من نص همسه
وليه يا بحر الحب دايما
من غير مينا ولاحتى مرسى

لا مرسى ولا ترحم دموعي
ولا أنيني اللي بين ضلوعي
انا كل ماشوف نور في دنيتي
بتطفى على طول شموعي

شموعنا اللى نورناها سوى
في لحظة حلوة ونسمة هوا
كله ضاع في لحظة وداع
ودمعة حايرة ملهاش طب ولا دوا

لا طب ينفع ولا طبيب يداوي
مادمت انت على الهجر ناوي
دانا من كترشوقي وحبي ليك
قالو عليا يمكن يكون مخاوي

[*فجر الاسلام*]

مش عارفه ارد اقول اي بصراحه
واول كومنت كمان😊
بس جميله اوي بجد واحساسها عالي
يدم ابداعك

[رضا التركى]

اقتباس المشاركة الأصلية كتبت بواسطة *فجر الاسلام* مش عارفه ارد اقول اي بصراحه واول كومنت كمان😊 بس جميله اوي بجد واحساسها عالي يدم ابداعك

قولي ما شاء الله لا قوة إلا بالله
أحسن تحسديني ههههههههههههههه
بضحك اوعي تزعلي

حقيقة مرورك يكفي ويغني عن الرد أختي الكريمة
أشكرك على مرورك العطر أخيتي
ودامت أيامك عامرة بالسعادة والسرور
تحياتي ووافر احترامي

[*فجر الاسلام*]

اقتباس المشاركة الأصلية كتبت بواسطة رضا التركى قولي ما شاء الله لا قوة إلا بالله أحسن تحسديني ههههههههههههههه بضحك اوعي تزعلي حقيقة مرورك يكفي ويغني عن الرد أختي الكريمة أشكرك على مرورك العطر أخيتي ودامت أيامك عامرة بالسعادة والسرور تحياتي ووافر احترامي

لا هحسدك بقا عشان انت فكرتني 😂😂😂
الله يديم ابداعك شكرا لذوفك اخي ربنا يسعدك

[واد حبيب]

كلمات رومانسيه في قمه الجمال
بجد روعه واسلوبك جميل في الكتابه
تقبل تحياتي لك

[.Lamar]

ليه ياقلبي ان قولت انسى
تدوب وترجع من نص همسه
وليه يا بحر الحب دايما
من غير مينا ولاحتى مرسى

هو كدة القلب وقت ما يحب بجد
مش بيكون لينا عليه سلطان
و نفضل نتخبط بين امواجه
و نحلم يوم نلاقى المرسي


اول مرة اقرأ لك عامية أخى رضا
حقيقى كان لينا موعد هنا مع الابداع
دام قلمك ونبضك يصدح فى الاجواء
مودتى

[ساحر الأحزان]

كلمات ولا اجمل من صاحب قلم جميل
يتنوع في جميل كلماته
وياخذنا معه
احسنت رضا
تحياتي وتقديري لك

[د/ عبد الله]

اعتقد اول مرة اقرالك عامية يا غالي
وفعلا حاجة جميلة ياريت تكتب عامية كتير
وخد بالك بقى احسن هيقولو عليك مجنون بعد كده
وتبقى مجنون......( دي النقط اللي انت بتحطها واحنا منعرفهاش) ههههه

[عاشق ولهان]

عاميه خفيفه وسلسه

أبدعت صياغة الكلمات يا رضا

تحياتي وتقديري وامتناني

[رضا التركى]

اقتباس المشاركة الأصلية كتبت بواسطة واد حبيب كلمات رومانسيه في قمه الجمال بجد روعه واسلوبك جميل في الكتابه تقبل تحياتي لك

الجمال والأناقة في مرورك العطر أخي الكريم
دمت بكل ما هو خير وأكثر
تحياتي وخالص مودتي