اعضاء مجلس الشيوخ

[ملك الليل]

مساء الخير
النهارده زي ما الكل شايف في انتخابات مجلس الشيوخ او الشوري سابقا
من زمان المجلس ده كان موجود بس الصلحيات بتاعتو اقل من مجلس الشعب
اتلغي ورجع تاني مش عارف اي الفايده منه واي الفرق بين مجلس الشعب ومجلس الشيوخ ده

هوه ليه لزمه اصلا ولا خساره للفلوس وخلاص
الاعضاء بتاع مجلس الشيوخ هيفيدو الناس ولا مش هيكون لهم لزمه زي غيرهم

[ساحر الأحزان]

اقلك علي حاجه
هو مجلس ليس له أي صلاحيات
والغاؤه وتوفير نفقاته افضل بكثير
لانه مجلس لا لون ولا طعم له
والدليل أنه حيتم طبخه في اسبوع
وكلها ساعات وتظهر النتيجه بتاعت الشيوخ
تحياتي وتقديري لك

[واد حبيب]

هوه ولا ليه شعبيه ولا في اي مصلحه اعضائو زي بتوع المجلس المحلي واا ليهم اي 30 لزمه

[سيناا]

خلينا نعطيهم فرصتهم ونصبر عليهم ونشوف ياخبر اليوم بفلوس بعد بكرا ببلاش

مع اني مش متفائل للمجلس دة

[ahmed 22]

طب والله ما كنت اعرف ان فيه
انتخابات اصلا غير امبارح كدا بالصدفة
ولا اعرف دعوا ليها امتي
ولا الناس اللي عملت مؤتمرات دي عملتها امتي
ولا اصلا ماحدش عمل حاجة باين ..
ولا شايف صور متعلقة ولا حاجة

وبعدين زي كل انتخابات يطلع الرجل الخازوق
اللي يقولك 500 جنيه غرامة ...
طب يعني هو انا لو خايف من الغرامة
هروح يعني انتخب علي اساس ايه
انا ولا اعرف حد ولا شوفت حد
ولا اعرف حتي مين مترشح
اعمل حادي بادي واختار مثلا
عاوزني اكون ضلالي يا عالم يا اقفال

سبحان الله عمالين يغيروا في المسميات
اشي مجلس نواب بدل شعب
وادي شيوخ بدل شوري
طب ما يغيروا في الناس اللي بيترشحوا
ما هما هما اللي في الشعب مرتضي واخوانه
واكيد هتلاقيهم هما هما اللي في الشوري