الوردة والجنايني

[شاعر الحب الحزين]

زي حكاية الوردة والجنايني
حكايتك معاها يا قلبي
لبستك لون السواد الحزايني
اللي بكل لون حبيتها يا قلبي


كبرتها وربيت سقيتها واعتنيت
وواحد غريب اللي قطفها
تعبت وضحيت وفيت لها وحبيت
وهو بنظرة وحدة خطفها
غريب بالنسبالك ومكنش في بالك
بس هو كان من بعيد يعرفها
مكنش بجمالك ولا هيدللها زي دلالك
خلتها جميلة لحد ما شافها واستلطفها


خلتك بدموعك تسقي باقي الورود
خانتك خانت ثقتك وقلبك الودود
شوف حبك وصدقك فين وداك
راجع وحدك مفيش غير الجرح معاك
انتا عرفت تمنها هو دفع تمنها
زي الوردة والجنايني حكايتك مع الورود
بتحب تاني وتالت وفي الآخر وحدك تعود


ش. ح

[ساحر الأحزان]

كلماتك فكرتي عبدالحليم حافظ
في اغنيه أنا وهو
هو حب
وهو حبها
وهي مع مين قلبها
معاك ولا معاه هو
إحساس الخذلان صعب
علي النفس
كلمات حزينه ولكن جميله شاعر
تحياتي وتقديري لك

[*فجر الاسلام*]

انا مش عارفه ارد بايه الصراحه 🙂
انت عارف رايي ف كل مواضيعك واد اي انا بحب كتاباتك
عشان سهله وافكارها بتوصل علطول
ماتحرمناش من ابداعك تاني

[نجاة حسام]

وانت بتلومها ولا بتلوم نفسك ولا بتلوم القدر

[big bốss]

رساله حزينه لكنها قويه و صادقه

كلمات معبره عن واقع حزين لكن كن الاقوى

كن متميز عزيزى و لا تحرمنا من نسماتك

[شاعرة الرومانسيه]

كلمات حزينه ياخالد
ماتعودنا على نبرات الحزن بين حروفك
شاعر الحب الجميل
الله يسعدك اللهم امين يارب العالمين

[عاشق ولهان]

حكاية الورده الحزينه

حكايتنا ودموعنا يا صاحبي

رفقا ً بقلبك يا رفيق الدرب

كلماتك لامست قلوبنا

أبدعت يا صاحب القلم الجميل والقلب الرقيق

خالص تحياتي وتقديري

[شاعر الإحساس]

اصعب ما في الحب ..
نهاية غير مرجوه...
اختلفت الاسباب....
وتشابهت النهايات...
لكن الا نهاية الخيانه...


كلمات جميله كعادتك..
لكنها حزينه جدا...
بدل اللهم حزنك الى فرح ...
وابدل شاعر الحب الحزين...
الى سعيد...
ومن المنتصف المميت....
الى درب الحياة والحب والسعاده....


دمت بكل خير وصحه
ودام تواجدك الطيب
تحياااتي وتقديري واحترامي



شاعر الإحساس

[إيلاانا]

العنوان جذاب
ومناسبا لتلك الحروف الحزبنة
تألمنا من ألمك أخي ورحلنا معك في كل حرف وفي كل كلمة وبكل سطر
هكذا يفعل الحب بنا ...نحب سنوات من العمر ...نرعاه ...نخاف عليه ... نغير ...نتخاصم من شدة الغيرة والحب
نضحك ....نسمر ....نتواعد .....نخطط لحياتنا المستقبلية معنا ....ننتظر يوم اللقاء الذي رتبنا له كيف سيكون وكيف يكون ؟
وفجأة تكتشف من احببت خانك واختار طريق بعيدًا عنك ...تكتشف أنه اختار قلبا آخر ليكمل العمر معه
تلك الأعذار ....ذلك الهروب ...كانت دليلا قاطعا وبدأية الهروب منك والبعد
بعد سنون من العمر تكتشف أنك لم تكن لهم غير محطة انتظار ...أو سيلة عناد لشخص احبه حتى يعود له
لتؤمن أنا الحب الاول هو الباقي ...هو الذي لا يموت
وأنت من عشقته بكل جنون .... ثم يذهب ويتركك تصارع الشوق والحنين
وتستسلم لقدرك وتكمل طريقك متمني لهما السعادة فمن يحب لا يستطيع كره من احبه قلبه
فما اصعب شعورك حينما تعشق وتراعي وتسقي حُبك وفجأة يأتي من يأخذ ويخطف ذلك الحب منك أو يتركك ليكمل طريق العمر مع غيرك
كل ما نستطيع فعله أن نصمت أن نتجاهل وكأن لا شيء لا شيء ليظل ما في القلب في القلب حتى الموت

كلمات أخي لامست قلوبنا
مليئة بالمشاعر والشوق والأنين
والحسرة
ابدعت في اختيار الموضوع والمحتوى
راقت لي حروفك وسعدت بمروري هنا
لك خالص التقدير والاحترام ودعواتي
دمت بكل سعادة وصحة دومًا وأبدًا
إيلانا

[.Lamar]

بتحب تاني وتالت وفي الآخر وحدك تعود

محدش بيختار امتى وفين
ولا ازاى يحب حد
اعتبره قدر ومكتوب
بس المهم نحسن الاختيار
منجريش ورا اى دقة يدقها القلب
لازم نحكم العقل معاه
عشان ميجيش يوم ونندم
عشان نتعلم من اخطائنا و منكررهاش
وفى الاخر السعادة فى الحب رزق
ربنا بيمن علينا به

سعيدة بقصيدتك اخى
كانت عفوية وجسدت معنى الحب والخيانة ببساطة كعادتك
كل الشكر
مودتى