يوم من يوميات إداري

[ساحر الأحزان]

السلام عليكم ورحمه الله وبركاته
إخوتي الكرام فيه شيء مهم حابب اتكلم فيه اليوم والشيء ده بيفرق مع أي إنسان أو أي عضو سوء في الحياه الواقع أو سوء في عالم المنتديات والنت الا وهو السؤال عن الغائب
السؤال عن الغائب مثل البلسم الشافي للجروح هو من يعيد الغائب ويضفي البسمه فوق الشفاه الحزينه!!
لو عضو غاب شهر وسنه أو سنين وجه المنتدي زائر ودخل ملفه الشخصي وشوف اكتر من رساله للسؤال عليه مش شرط من كل الي في المنتدي ولكن من الناس أصحابه وأصدقائه داخل المنتدي
الناس إلي كانت بتشارك معاه ويشارك معاهم
في مواضيعه ومواضيعهم وكان فيه سؤال
واطمئنان وفجأة جت ظروف واختفي العضو أو العضوه
ويجي عشان يفتح ميلقيش ولا رساله بتعز عليه نفسه
وبيزعل غير لما يخش ملفه ويلاقي سؤال عليه
أكيد حيفرح وحتفرق معاه جامد
ليه ما نعمل مبادره كل واحد معنا هنا داخل المنتدي
وليه ناس غايبه يخش علي ملفهم الشخصي ويسأل عليهم مره ومرات
وليس بالشرط كل يوم ولكن كل فتره قريبه
يسأل اكيد ان رسالته ما وصلت اليوم لصاحبها
أكيد حتوصل غدا ان شاء الله
معظم الزوار أكيد فيهم أعضاء
كانت صاحبه بصمه داخل المنتدي.
السؤال محبوب
ما تقطع السؤال عن الغائب
سوء متواجد معنا حاليا أو غائب فتره لظروفه
او غائب من فتره قاربت الخمس أو ست سنوات أو اكتر
اكيد بيحن لايامه وذكرياته داخل
منتدي بنات مصر

[شاعر الحب الحزين]

عندك حق يا أمجد والله
السؤال والإهتمام واجب علينا تجاه
كل أصحابنا وحبايبنا
الكلمة الحلوة ليها أثر جميل في النفس
والله مفتقد ناس كتير هنا
ربنا يرجعهم بالسلامة
تسلم يا ابو المجد
دايما سباق لكل جميل 👏🌹

[دمعه حائره]

دي حقيقه وخصوصا في منتدانا كان فيه ترابط وصداقات قويه
وترك رساله علي البروفايل بتسعد اي حد فينا
مبادره جميله امجد وان شاء الله الغايبين يرجعوا تاني

[يحيى الفضلي السودان]

أمجد والحصافة وللشعر نبراس
غالي وعلي نفيس بتضوي كالماس
شكرا ليك كثير دايما محل إحساس

[عاشق ولهان]

عندك حق يا امجد

بيدخلو زوار ويتابعو الملفات الشخصيه

هتكون لفته كويسه لما يلاقو حد بيسأل عليهم

تسلم للمبادره الجميله

خالص تحياتي وتقديري

[حـيـــــآة ❤]

فعلا شخصيا كنت بفرح لما مثلا سنه مدخلش وارجع الاقي لو رساله رسالتين ممكن ادخل وارجع ادخل عشانهم اصلا

[شاعر الإحساس]

بأيدك جدا ي النقطه دي...
السؤال عن الغايب...
والاطمئنان عليه ولو برساله...
دا شيء مش بياخد منك وقت...
لكن بيفرق مع الشخص الغايب...
وله تأثير جدا...
بيعرف انه له مكانه وانه فيه ناس فاكراه...
وناس مستنياه يرجع مكانه...
لها اثر عظيم بجد...
وربنا يرجع كل غايب ويطمنا عليه

وكمان تكريم الاعضاء المؤثره
وشكرهم ولو بحاجه بسيطه...
وتكريم المبدعين في كل مجال ...
كل دا بيشجع ع الاستمراريه


موضوع جميل ياساحر
تسلم على مجهودك....
وعلى موضوعاتك الحيويه دايما..
دمت بكل خير وسعاده
تحياااتي وتقديري واحترامي



شاعر الإحساس

[ahmed 22]

ولا اقولك

مبادرة جميلة
بالتوفيق للجميع
ان شاء الله..

[سيناا]

ياعم انت بتوكل لحمة كتير عشان هيك افكارك حلوة هههههه

طبعا الي قلتله صح وكلنا معك مية المية

ماحلوة ابدا يكون اي عضو كان نشيط معنا وقدم لهذا المكان المزيد يدخل بعد غياب مش بأيده ما يلاقي حد مرسله يطمن عليه

بس الشهادة لله عنا اصدقاء ماشاء الله عليهم ربي يخليهم لينا دايما بيسألوا وبيفتقدوا للي يغيب

[سيناا]

اقتباس المشاركة الأصلية كتبت بواسطة حـيـــــآة ❤ فعلا شخصيا كنت بفرح لما مثلا سنه مدخلش وارجع الاقي لو رساله رسالتين ممكن ادخل وارجع ادخل عشانهم اصلا

سنة قليل يا جوجو خليهم سنتين ههههههههه