سن الأربعين الي أين أنت تذهب بنا

[ساحر الأحزان]

سن الأربعين هل هو سن اليأس في الحياه؟أم هو سن النضج في الحياه والعمل
يقول الله في كتابه
بسم الله الرحمن الرحيم
حتي إذا بلغ أشده وبلغ أربعين سنه قال رب أوزعني أن أشكر نعمتك التي علي وعلي والدي وأن أعمل صالحا ترضاه وأصلح لي في ذريتي إني تبت إليك وإني من المسلمين
صدق الله العظيم
بعد تلك الأيه الكريمه
يعتبر سن الأربعين هو سن النضج وسن الفهم
الحقيقي في تلك الحياه لان صاحبه يكون قد أكتسب خبره
ان الله يستحي من العبد في تلك المرحلة العمريه
في آن يرتكب الخطاء والذنوب والمعاصي وهو في تلك العمر
ولكن في وقتنا الحالي سن الأربعين هو يعتبر سن اليأس لكثير من الرجال ممن يبحثون عن عمل
معظم من عاد من الخارج فوق سن الأربعين
معظم من يبحث عن عمل هم في سن الأربعين.
والعجب أن نري الجميع يطلب للعمل الا يقل العمر عن ثلاثين عاماً
او الا يتعدي الأربعين وكأن سن الأربعين..
قد أصبح عاله علي المجتمع هو قد درس وتخرج وادي الخدمه العسكريه
ولكنه للأسف خرج علي المعاش المبكر
ولا هو قد نال وظيفه حكوميه بمجال دراسته
ولا هو قد وجد وظيفه في القطاع الخاص
علي اي وضعيه يحكم أصحاب العمل
علي عمر من يعمل
هل الاعتمام يكون علي قدر الإنتاجية
ام يكون علي قدر التحمل في مواصله العمل
تحت ظروف صعبه
كيفك يكون الحكم
قبل أن يتم الالتحاق بالعمل؟

ام بعد ان يتم الالتحاق بالعمل؟
وبعدها يتم أصدار الحكم الشامل
بعد التجربه
هل اصبح من يتعدي الأربعين
مثل حصان الحكومه
يتم عليه إطلاق رصاص الرحمه
علي الأقل الحصان سوف يموت
ويرتاح من عذاب المعاش
فما بالنا بمن تعدي الأربعين وهو رب اسره زوجه وأولاد وأب وأم يعيشون معه
لا هو وجد وظيفه توفر له دخل شهري به
يستطيع أن يواجه متطلبات الحياة
ولا دولته وفرت له معاش شهري يستطيع به
ان يعيشون عيشه كريمه اغنيه عن ذل السؤال.
في أنه فوق الاربعين
قد خرج علي المعاش المبكر
تحياتي وتقديري للجميع

[ملك الليل]

سن الاربعين هوه سن النضج وكل حاجه بس في ناس بتكون هايفه كل ما بتكبر
تسلم علي موضوعك

[شاعرة الرومانسيه]

اجمل سن للرجال
تسلم ايديك امجد

[واد حبيب]

بتعتمد علي شخصيه الرجل اكتر من السن
بيكون عنده 20 سنه وناضج وفاهم كل حاجه وبيكون اربعين ولسه عايش سن المراهقه
دايما موضيعك متميزه
تحياني

[*فجر الاسلام*]

علي حسب الناس في ناس كبرت قبل اوانها
وناس لسه فاكره نفسها صغيرين

[فداااااااااااء]

هى الحكومة بتنظر الى ان مجهود صاحب سن الاربعين لن يكون مثل الاصغر سنا منه
ولكن هى لا تنظر الى حالة المواطن اللي وصل لسن دا كيف يكون حالته االاجتماعية
اعتقد تم عمل معاش في صندوق الكفالة بسبب هذا الامر
على العموم هى نظرة قاسية ولكن فى النهاية الان لا سن العشرين ولا الثلاثين لاقين شغل هما زيهم زى من وصل الاربعين والخمسين
سلمت ساحر

[د/ عبد الله]

سن الأربعين هو سن النضج للرجل كما ذكرت في الاية للكريمة
بس أحب أوضح بخصوص ان الله يستحي أن يعذب العبد في هذا السن فهو مش سن الاربعين لان الاربعين لسه شباب لكن المقصود هو من هرم في العمر يعني ستين سبعين

بخصوص ان اصحاب العمل بيشترطوا سن اقل من الاربعين فده راجع لعدة عوامل
اولا هيكون سنه صغير يعني حركته اسهل ونشاطه اكبر
ثانيا غالبا هيكون لسه متزوجش او لسه معندوش اولاد فمش عنده التزامات وحسابات كتير يعني هتنقله من مكان لمكان بسهولة وكمان هيرضى بمرتب اقل
فالموضوع بالنسبة لصاحب العمل أحسنله وبيكون العمر الكبير للادارة

بس احب أنوه على نقطة
هو الشخص ليه يسيب نفسه يوصل للاربعين ويكون لسه مبيشتغلش مش هقولك عنده شغله الخاص
الناس بتدور على الوظيفة . بيدورو ع الحاجة السهلة والانتخة ومرتب ميمشيش بيت
لازم الانسان يسعى وهيلاقي مية حاجة يشتغلها وتعيشه حياة كريمة.

[دمعه حائره]

افتكر كل وظيفه وليها مواصفات وسن معين يتناسب معاها
وسن الاربعين مش سن معاش ولا حاجه
يمكن بيطلعوا معاش مبكر لظروف صحيه مثلا
وعموما حتي العشرينات والتلاتينات دلوقت مش لاقيين شغل
الشغل دلوقت في الشركات مرتبط بكورسات وشهادات معينه وقبلها الواسطه
تسلم علي الموضوع

[ahmed 22]

اولا استاذنا ساحر
الحديث اللي حضرتك ذكرته بخصوص ان الله يستحي من كبار السن او الشيبة ضعيف جدا ..
لأن عامة الله لا يستحي من الحق ... ده بس للتصحيح
ده اول هام ..

تاني هام ..
مافيش سن في الحياة النجاح مكتوب باسمه ..
ولا قاعدة بتقول ان الانسان فوق الاربعين مالوش مكان في الطموح
الانسان ممكن يعيش نجاحه واكتفاءه وسعادته بعد الخمسين والستين عادي
ومافيش حياة مش بتصيغ الفرص للناس باكتر من شكل وطريقة وفي اكتر من وقت
وربنا علي فكرة بيساوي الناس كلها في الحظوظ كمحصلة نهائية من الحياة
وانت بتعيش اللحظة اللي ممكن ترضي عنها في حياتك في الوقت اللي ربك رايد فيه مش اكتر
الموضوع قدري ولازم تؤمن يبه عامة ...

بس احيانا البعض في المجتمعات العربية طبقا لطبيعتها الميالة ان كل فرد مسنود بأهله
لفترة طويلة من الزمن بيكون نظرته للحياة اضيق وبيوصل لمرحلة الاكتفاء في وقت مبكر
او مرحلة اليأس نتيجة انه ماتعلمش يحاول كتير لما كان اصغر
فغالبا لما بيوصل للاربعين وماتوفقش انه يكون حياته
بيحاول يشوف كل الطرق الممكنه انه يستند علي المعاشات سواء من والده
او والدته ...او الحاجات الاستثنائية ... وبيكيف نفسه علي وضع معين وبيرضي بيه
وعامة هي شريحة موجودة في كل مجتمع بطرق مختلفة
ولكن تعامل الدول في كل دولة هو ما يفرض الاختلاف بين مواطن ومواطن وحياة وحياة
ومش بتعبر عن المجتمع بشكل كامل او بتمثل قاعدة تقدر تقول انها حاجة تبني عليها دراسة
ولكن تعبر عن الجانب المتكل منه ليس اكتر او نماذج ارتضت بحياتها كما هي
علي امل ان ابنائهم يغيروا من حظوظهم في شئ ...

[magda fathy]

حيااااااااااااااااااااااااااااااااااااكم الله