ماليش اصحاب

[*فجر الاسلام*]

السلام عليكم ورحمة الله وبركاته
كنت عوزه اتكلم في حاجه
انا طبعا ماليش اصحاب كان ليا زمان بس كل واحده راحت لحالها
وكل مابحكي ف الموضوع الناس تقولي الدنيا تلاهي والكلام الفاضي ده
بس انا اكتشفت ان اللي بيحبك بجد هيوصلك لو كنت فين ويسال عليك
لكن محدش عمل كده والوحيده اللي عملت كده انا للاسف مش بحبها
انا اول مره ما احبش صاحبه ولا تنزلي من زور رغم اننا قعدنا مع بعض ٣سنين
بس ماكنتش شبهي خالص ولا كنت برتاح معاها
حتي مكالمتها بعد ما خلصت مدرسه كنت بحس انها بتقل مني
وان كل الناس ارتاحت وبقا ليها بيت وعيله الا انا لدرجة ان مابقتش ارد عليها لما بترن
واخر مره قولتلها ماترنيش تاني ع سبيل الهزار بس انا كنت بقولها بجد
وفعلا مارنتش ومش عوزاها تتكلم ولا اسمعها تاني
الحياه مش مستحمله والمشاعر مابقتش طايقه نفسها
تعبت من كتر ما انا اللي ببدا وانا الللي افتكر وانا اللي اسمع الاذيه واسكت
من الناس اللي الاصحاب اتمحو من حياتها ويوم فرحي مش هلاقي اتنين يقفوا معايا
مابقاش فارق معايا حد بس انا كده صح ولا لا

[ملك الليل]

زي ما بتقولي كده الدنيا بتاخد الناس من بعضها ومشاغل الدنيا والزوج والاولاد والمسئوليه بيكون السبب الاكبر
بس ساعات بتكون الصاحب ده صاحب سطحي ومش وصل لكلمه صحاب علشان الصحاب كلمه كبيره مش بيفارق بنهم غير الموت
او يكون العيب فينا احنا في الحاله دي لزم نراجع نفسنا في كل حاجه

[*فجر الاسلام*]

اقتباس المشاركة الأصلية كتبت بواسطة ملك الليل زي ما بتقولي كده الدنيا بتاخد الناس من بعضها ومشاغل الدنيا والزوج والاولاد والمسئوليه بيكون السبب الاكبر بس ساعات بتكون الصاحب ده صاحب سطحي ومش وصل لكلمه صحاب علشان الصحاب كلمه كبيره مش بيفارق بنهم غير الموت او يكون العيب فينا احنا في الحاله دي لزم نراجع نفسنا في كل حاجه

نفس الكلمتين اللي بسمعهم
مابقتش فارقه كتير
مش غرور بس العيب مش فيا ولا هيكون فيا
انا ما اذتش حد لا جد ولا هزار
كنت ليهم الصاحبه اللي بتمناها لنفسي
شكرا لمرورك

[ساحر الأحزان]

اجبلك الخلاصه
لو أصحابك بعد المدرسه كان فيه تواصل بينكم وبين بعض
من زيارات وتليفونات
كانت مستمره وقطعت مين الي قطعها أنتي ولا هما
وهل لما قطعوها انتي وصلت ولا قطعتي من باب المعامله بالمثل
من غير ما نعرف سبب القطع من الغير
يجوز القطع ما بإرادته ومعاه عذره
وتاني شيء إلي بيحبك حيوصلك والدليل صحبتك
الي انت ما بلعاها هي إلي دورت عليك ووصلت
ده معناه أنها بتحبك ده مش دليل أنك تشيلي الغشاواه
الي على عنيكي وتقرب منها طالما ما اذتك والمثل بيقول ما محبه إلا بعد عداوه
لان اوقات كتير السعاده بتكون قريبه منه
بس إحنا ما واخدين بالنا
ربنا يوفقك فجر
بما يسعدك
صباحك سعيد

[*فجر الاسلام*]

اقتباس المشاركة الأصلية كتبت بواسطة ساحر الأحزان اجبلك الخلاصه لو أصحابك بعد المدرسه كان فيه تواصل بينكم وبين بعض من زيارات وتليفونات كانت مستمره وقطعت مين الي قطعها أنتي ولا هما وهل لما قطعوها انتي وصلت ولا قطعتي من باب المعامله بالمثل من غير ما نعرف سبب القطع من الغير يجوز القطع ما بإرادته ومعاه عذره وتاني شيء إلي بيحبك حيوصلك والدليل صحبتك الي انت ما بلعاها هي إلي دورت عليك ووصلت ده معناه أنها بتحبك ده مش دليل أنك تشيلي الغشاواه الي على عنيكي وتقرب منها طالما ما اذتك والمثل بيقول ما محبه إلا بعد عداوه لان اوقات كتير السعاده بتكون قريبه منه بس إحنا ما واخدين بالنا ربنا يوفقك فجر بما يسعدك صباحك سعيد

حاولت مره واتنين وتلاته وكنت انا اللي ببدأ وفجاه اللي تليفونها اتقفل اللي ماكنتش بترد واللي مسالتش تاني
انا مش بلعاها عشان كلامها بياذيني ومش شبه بعض اصلا.
مافي عداوه بيني وبين حد من بقا اهلا وسهلا مابقاش مش هتفرق كتير قولتها مية مره
شكرا لحضرتك نورت

[ساحر الأحزان]

اقتباس المشاركة الأصلية كتبت بواسطة *فجر الاسلام* حاولت مره واتنين وتلاته وكنت انا اللي ببدأ وفجاه اللي تليفونها اتقفل اللي ماكنتش بترد واللي مسالتش تاني انا مش بلعاها عشان كلامها بياذيني ومش شبه بعض اصلا. مافي عداوه بيني وبين حد من بقا اهلا وسهلا مابقاش مش هتفرق كتير قولتها مية مره شكرا لحضرتك نورت

يبقي أنتي كده عملتي إلي عليك
لو فيه عندك بنات عمات أو اخوال أو خالات
جيران من نفس سنك
يبقي حاولي تقرب منهم ولعلك تجد أن شاء الله
أصدقاء لك تخفف عنك وتقرب منك

[*فجر الاسلام*]

اقتباس المشاركة الأصلية كتبت بواسطة ساحر الأحزان يبقي أنتي كده عملتي إلي عليك لو فيه عندك بنات عمات أو اخوال أو خالات جيران من نفس سنك يبقي حاولي تقرب منهم ولعلك تجد أن شاء الله أصدقاء لك تخفف عنك وتقرب منك

مش عارفه اقولك اي بصراحه
يعتبر ليا ومش ليا ف نفس الوقت
الله المستعان

[واد حبيب]

انا ليه اصحاب من ايام المدرسه لحد دلوقتي في توصل دايما

[*فجر الاسلام*]

اقتباس المشاركة الأصلية كتبت بواسطة واد حبيب انا ليه اصحاب من ايام المدرسه لحد دلوقتي في توصل دايما

اها وبعدين يعني
ربنا يخليهملك

[فداااااااااااء]

هقولك على حاجة انا عكسك تماما انا ليا صحبة متزوجة وهى صحبتي من ابتدائى
كانت بتتصل بيا هي على طول انا عندى صفة وحشة جدا انى مش بسأل يمكن لاني بحب الانعزال بشكل كبير
لحد ما في فترة مريت بحالة اكتئاب وقطعت الصلة بالجميع وفضلت شهور عاملة نظام طيران في فونى
عايزة اقولك اللي بيحبك بجد هيتصل بيكي لا زواج ولا عيال ولا يحزنون كلها مبررات وهمية
لكن الاحسن انك تاخدى نفسك صديق لاني سمعت وشفت تصرفات ناس كانت صحاب من زمان تقولي اعداء صحيح محصلش معايا الحمد لله بس علمني ان الواحد فى الزمن دا ما يستناش حد يسال عليه ولا يهتم به وان الواحد لازم يهتم بنفسه
واللى عايز يسال ويقرب اهلا به مش عايز وناسيني انا كمان نسيته وعايشة حياتي كدا ببساطة ومريحة الجمجمة