رحلتي الثانيه داخل منتدي بنات مصر

[ساحر الأحزان]

السلام عليكم ورحمه الله وبركاته
كنت تكلمت في اول حلقه في حكايتي مع بنات مصر عن سبب تعرفي على المنتدي والبداية داخل المنتدي وخطواتي الاول كعضو اخضر
يريد الاستمرار في ذلك الجو الأسري الجميل
ويمكن أنا مش أقدر أذكر الجميع لأن المنتدي كان بيضم عدد لا بأس به من الاعضاء فصعب ان انت تعرف الجميع أو تتذكر أسماء الجميع
لان البدايه تعدت العشر سنوات وأكثر وفيه أعضاء كتير غيرت إسمها فللأسف صعب افتكرها وخصوصا الاسماء الإنجليزي الرموز
كل شويه الاسماء تتغير لحد لما طارق سيلفر قال التغيير كل تلت شهور عشان نعرف الأعضاء وما توه عنا
وكمان الصوره الرمزية الكبيره كان صعب الحصول عليها إلا لما تحل مسابقات طارق وكان إلي بيحلها عدد محدود مثل خارج عن القانون ؛ دفارما ؛الماجيك؛د نور ؛ احمد سبايدر؛
واخته دعاء؛
دول الي افتكرهم وكان عشان تاخد رمزيه كبيره من الأعضاء الي تفوز كان فيه اعضاء بتفوز بالرمزيه الكبيره وتهدبها وكان فيه اعضاء بتبيع الصوره الكبيره مقابل كام الف مشاركه بتخصم من شاري الرمزية الكبيره وتروح لصاحبها أنا من الناس الي اشترت الرمزية الكبيره مقابل الفين مشاركه
كانت الرمزية الكبيره ولا صندوق الرسايل الكبير ولا مشاهده المخفيين تعتبر بمثابه جائزه ثمينه لصاحبها
وكانت عامل تشجيع كبير لمسابقات طارق
ويمكن طارق لو اتكلمت عن مسابقاته كانت بتعمل جو تنافسي كبير جدآ
وبتجذب كثير من الزوار انها تسجل وتشترك
وتتفاعل داخل المنتدي وتصبح أعضاء مميزه ومشرفين ومراقبين
وكان إلي ياخد اللون الاورنج يبقي مؤهل للإشراف داخل المنتدي وكان يوم للتكليف بالاشراف يوم سعيد عند أي عضو
ويمكن بدايتي كانت داخل قسم الاقلام وكان
وقتها مشرفي القسم
رحيق الجنه؛؛ وقلم بلا حبر
وكان القسم يعتبر مشجع لكل من يكتب داخله لأنه كان قسم حصري بقلم الأعضاء ولا يسمح بالمنقول وهو ما اعطي فرصه للأعضاء لإتقان الكتابه الحصريه لان القسم كان ليه أعضاء محبين طارق وحنون وميشو وضياء ودمعه حائره وقلم ورفيف ود نور وطائر الشرق وماتركس وياسمين رأفت ومرشو
ود سما ود اسماء وتيتشر نفشه وفداء ونور ونار وكبرياء رجل وجبل عالي وهمسه الجوارح
وكانت المسابقات داخل القسم شديده جدآ
ومش اي حد يخش مسابقه داخل قسم الأقلام
إلا إذا كان قلم متمكن ويقدر ينافس
وكانت مرحله جميله داخل قسم الأقلام الي ربنا جعل له سبب اني اكون مشرف علي قسم الأقلام حتي وصلت لمشرف مميز ومراقب
وانا داخل قسم الأقلام وكانت سما ايضا
مشرفه الأقلام ود اسماء وفداء ونور ونار
مشرفين القسم
ولا ننسي القدير الراحل كينج ليون محمد رحمه الله عليه صاحب القلم الذي لا يعوض
وهناك أيضا كانت تدور معركه شرسه داخل الشعر والخواطر والابداعات بقياده المتمرسه
سكره واحمد الحلو وعاشق ولهان وشاعر الإحساس وايلانا والبرنس رامي ودمعه حائره
وواد حبيب وقيثاره الصمت وطبيب الهوي واحساسي صحيح ومحمد شاهين وفرح والعاشق الذي لم يتب
ابتسامه الزهر إيمان طلعت وبيوتي كت
قلم روح الروح السفينه فارس الكلمه
والرحال المتمرد
مهندسه بغداد وشاعره الرومانسيه وجبل عالي
نزار الفاضل وكان هناك منافسه ومناظرات كثيره جدا داخل الشعر والخواطر والابداعات
وحماس لا يعوض بين الأقلام المميزه
ومسابقات لا تنتهي كنت أشاهد كل ذلك بعيني
وأسعد علي ما أراه من ذلك الجو الأسري
وروح المحبه بين الجميع
تلك هي رحلتي الثانيه داخل بنات مصر
اراكم في الرحله القادمه
تحياتي للجميع

[العاشق الذى لم يتب]

اثبات حضور
وعودة للرد بمايليق
باذن الله

[SaMa.]

غريبه قصه الصورة الرمزيه دى
وانا ليه موش بشوف الل داخل متخفى

[واد حبيب]

المنتدي في الوقت دي كان غير خالص
انا اخد الرمزيه الكبيره دي هديه
موضوع جميل منك ياساحر
اكتبلك انا كمان مذكراتي هنا ههههه

[.Lamar]

كل واحد منا له هنا ذكريات متتنسيش
مهما غاب بترجعه تانى للمكان
للاسف محضرتش العصر الذهبي للمنتدى
بس من كلامكم انه كان جو تنافسي جميل
واسرة كبيرة يسعد اى حد يكون جزء منها

جميل الجزء التانى
وبانتظار الرحلة الجاية

[*فجر الاسلام*]

بجد موضوع حلو اوي ورغم اني مش اما اقرا مواضيع طويله بس ده شدني
اي الجمال ده طيب نجيبو منين طارق ده كمان😂
يارتني دخلت هنا من زمان
انا دخلت ف الذكريات المهببه😂😂
يدوم التواجد استاذي

[العاشق الذى لم يتب]

يسلام ياعم الساحر
والله رجعتنا للذكريات الجميلة
وجو التنافس والمسابقات
سما بتقولك ليه انا مش بشوف المخفى
بعيد عنك ياسما كل المخفيين ماتوا
الله يرحمهم
اصلا ربنا مايويريك كانت معركة كبيرة
بينى وبينهم
وقررت اقتلهم جميعا
والحمدلله ربنا وفقنى
وساعدنى على قتلهم ساحر الاحزان
صراحة كانت خاصية وحشة اوى
واعتقد انها كانت فقط ببنات مصر
المنتدى يكون فيه عدد الاعضاء 20 عضو
والظاهر منهم 3 بس و17 مخفيين
علشان كده شوفت انها خاصية تضر المنتدى
وطلبت من ساحر الاحزان
كانت ساعتها هو السيد الرئيس قبل مايتنحى
وفعلا قام مباشرة وشاركنى الراى
وانهينا حكاية المخفيين
ذكرت كتير من الاحبة اللى كانوا هنا معانا ايامها
ان شاءالله ربنايبارك فى الموجودين
ويرجعوا باذن الله الغايبين

[ساحر الأحزان]

اقتباس المشاركة الأصلية كتبت بواسطة العاشق الذى لم يتب اثبات حضور وعودة للرد بمايليق باذن الله

تنور يا غالي
تسلم

[ساحر الأحزان]

اقتباس المشاركة الأصلية كتبت بواسطة sama. غريبه قصه الصورة الرمزيه دى وانا ليه موش بشوف الل داخل متخفى

لانها بقت متاحه لما دخلتي المنتدي
لما خفت المسابقات
إنما المخفيين
جه وقت واتلغت سما
لان مبقاش ليها إستخدام مثل ما كان
نورتي سما

[ساحر الأحزان]

اقتباس المشاركة الأصلية كتبت بواسطة واد حبيب المنتدي في الوقت دي كان غير خالص انا اخد الرمزيه الكبيره دي هديه موضوع جميل منك ياساحر اكتبلك انا كمان مذكراتي هنا ههههه

أنت دلوقتي عامل ذي مغاره علي بابا
والكنز
دلوقت عندك كتير يا حبيب
اكتب قصه حياتك
انت كمان
نورت الموضوع بمرورك
تحياتي لك