هل انت نادر!!!!

[marwoo]

السلام عليكم ورحمة الله
*
*بسم الله الرحمن الرحيم

**********************


بص حواليك كده ... الناس هى الناس؟
حاسس ان فى حد متغير .. حد زعلان ... حد فرحان .. حد مكتئب
حد فاقد الثقة فى الاخرين .. حد مصدوم فى حد او من حد... حد مكملش حلمه فتعب
حد انتهى من كلامة وفى الاخر عرف ان محدش كان بيسمعه
حد كنت بتحبة اوى كان غالى عندك وما زال بس فى حاجات اتغيرت فأستغربت لية
حد بقى يعمل اللى على مزاجة ومش هامة رأى الناس
حد فقد حس الكلام .. حد فقد حس الدعابة والمرح احساس صعب اوى لما تكون عايز تتكلم ومش قادر
وقتها بتقول آه .... والف آه .... وقتها بتتعب وقتها بيظهر الاصدقاء
وقتها بتحس انك بتموت بالبطئ
حولينا فى كل مكان بنشوف الناس دى ... بس صعب نشوفها بعيونا اللى عايز يشوف
بيشوف بقلبه ... بس دا لو قلبك صافى بتحس بالناس
عمرك جربت انك تبقى قريب من الناس ولما تقرب يبعدوا ... دى صعبة اوى دى صح! بتحس وقتها انك ولا حاجة وكل اللى عملتة كان دخان فى الهوا
عمرك اديت لحد فى حياتك اكتر من حقة لحد ما بقى جزء كبير منها وفى الاخر قالك
مع السلامة .......

*********

طب اسمع دى بقى
عمرك شوفت الصح بيتقال علية غلط والغلط بيتقال علية صح
ايوة طبعا كلنا بنشوف دا بس كان بنسب محدودة وكان لما بيحصل تلاقية يحصل فى الخفاء
لكن اما يظهر كده ويبقى على الظاهر بيبقى فى خلل
اما فى المنظومة الاخلاقية او فى المنظومة الدينية والاتنين بينهم جسر قوى
المنطق بيقول انه غلط جدا لو الجسر ده انتهى امرة
المنطق بيقول لما دا يحصل يبقى نهاية للشخص دا ليست نهاية بالموت
ولكن نهاية لاسمة بين الناس فالناس لا تذكر من افسد فى الارض
ولا الارض تذكر مثل هذا ولا السماء

*******************
عمرك نمت على حلم حلو وصحيت ملقتش حلم من الاساس
تفكر كده امال انا كنت نايم على اية كان فى بالى اية .... كنت بحلم بأية
فى اخر المطاف هتلاقى ان حلمك اخدة واحد غيرك وقتها تزعل اوى
بس لو فكرت صح هتلاقى اما انك اتظلمت فى الحلم دا .... او .... مع الحلم دا
ودا وارد ولكن مش قوى
واما هيكون انت مسعتش صح وراء حلمك متعبتش لية وفية علم النفس بيقول
مهما كان حلمك اجرى وراه هيتحقق بس لازم ترتب احلامك الاصغر فالاكبر
هل انت عملت كده ولا جريت علطول وراء الحلم الكبير .... هتلاقى ان الغلط كان منك
واللى اخد الحلم منك
فكر فى اللى قبلة لحد ما وصل للحلم بتاعك اللى كان بتاعه بردة

************
********
****
*

حاجات كتير بشتغل الواحد
كل الناس دى موجودة فى حياتنا ازاى بنشوفهم
ازاى بتبقى نظرتنا ليهم
عمرك سالت نفسك هو الراجل اللى بيشيل الزبالة شغال لية كده؟
عمرك سألت نفسك الشحات اللى فى الشارع كان قبل اية .... قبل ما يكون شحات؟
عمرك فكرت الطفل اللى ممكن تلاقية فى الشارع هل هو اتخطف ولا امة نسيتة ولا سابتة؟
عمرك سألت نفسك انا لما اخلص كلية هشتغل اية؟
جربت قبل كده تحلم صح؟
جربت تبقى قريب من الناس
جربت تشوفهم بقلبك؟
الناس مرايات لبعض انا بشوف نفسى فى فلان .... وفلان بيشوف نفسه فيا

فهناك بيت شعر يقول

لا ينظر الى الشمس من كان ينظر بعيناه
فهى تحتاج الى قلب يعرف معنى الحياة

دا ممكن يكون من الظاهر
وممكن بردة يكون من الجوهر لو شوفتهم بقلبك
رؤية الناس بالقلوب فن وموهبتة مع الناس اللى قلبها صافى يحب الناس
والناس تحبه
بيفكر فى راحتهم قبل راحتة


وافتكر زمان لما كنت صغير كانوا يحكولى زى قصة مفهمتهاش الا لما كبرت
واحد كان اسمه نادر .. كان يمشى فى الشارع يسلم على الناس يوقف واحد ويقولة ازيك
انا نادر يا رب تكون بخير.
الراجل التانى يستغرب جدا مين دا ويمشى عادى ويروح الراجل يحكى لولادة انا حصل معايا موقف كذا والعيال تضحك وتتريق على نادر دا
ولكن لما الراجل يقابل نادر تانى .... ونادر يوقفة ويسلم علية بتلاقى الراجل فاكرة
ويسلم علية وكانة عارفة .. ازيك يا اخ نادر ان شاء الله تكون بخير
كان لما يمشى فى الشارع يضحك ويبتسم فى وشوش الناس والناس تستغرب
كان اكيد ناس بتفكرة مجنون لانة ماشى يضحك وخلاص
لكن الغريب ان الناس كانت بتضحكلة بردة على اساس انها يعرفها ولكن هو بكده رسم بسمة على وشوش الناس
ويحكى ان
انه كان ماشى فى الشارع وشاف قطعة عيش على الارض شالها وحطها على جمب وكمل سير فى طريقة وشاف قالب طوب شالة وحطة على جمب
وكان ماشى وراة غلام لسة بيتعلم ازاى يبقى راجل
شافة وهو بيعمل كده
وهو ماشى وراة الولد دا لمحه وهو بيوطى يشيل قشرة موز من الارض
وسبقة ليها وقاله انا هشيلها انا عايز اعمل زيك
لو ناخد بالنا الولد مفكرش فى الثواب لانة ميعرفش لكن فكر فى انة شئ كويس لو عملة يكف الاذى عن واحد
واخيرا

دع القلوب ترى الحياة وأمنحها بعض اسباب البقاء
فالانسان يموت بدون مياة والقلوب تموت بدون عطاء


الانسان دا نادر
وفعلا هو نادر الوجود دلوقتى
هل انت نادر
هل انت قادر
هل انت فى الاخر
الله اعلم

اسفة للاطاله


ميرو

[سفير الرومانسى]

مشكووووووووووووووووووووووووووووووووووووووووووووووو ووووووووووووووووور

[ميرنا1]

مرسي يا مروى موضوع جميل

[marwoo]

اشكركم على الردود الجميله

[مجروحه الخاطر]

الله يوفقك:vb18::vb18:

[فرحة]

راااااااااااااااااااائع جداااااااااااااااااااا
يسلمووووووووووووووو

[شاعر الاقصى]

والله يا مري انا سرحت فيها والله العظيم شايفه

الله فكرتيني بليالي الشتا في مصر والمه والنار كمان والشاي الله عليكي يامصر

شكرا مري

[محمد الشريف]

marwoo

طرح راقى جدا فهو يجسد لنا حقائق ومعطيات ومشاهد ورؤى غالبا ما لا تكون فى بؤرة الشعور

لطبيعة ايقاع وظروف الحياة من حولنا فهى فى الغالب تكون على هامش الشعور رغم ضرورة

التأمل فيها.

دع القلوب ترى الحياة وأمنحها بعض اسباب البقاءفالانسان يموت بدون مياة والقلوب تموت بدون عطاء
وسبحان الله الكامل وسبحانه الوهاب الذى يهب من يشاء نور القلب ونقاء النفوس وراحة الضمير

وصفاء البصر والبصيرة فكلما زاد الله عباده خيرا كشف لهم سبل الخير وطريق الهدى والرشاد

مع وافر تحياتى

[روميو مجنن البنات]

ثاااااااااااااااانكس يا مروه
توبيك هايل

[عاشقة روميو]

كلام صحيح بينت لينا حجات احنا بنحاول نعمل انو مش شايفنها
فين نادر بزمنا دا
كل واحد بقول وانا مالي
انا بنفسي وبس
ولو حاولت تصلح حاجه وتقولهم دا غلط
تلاقي اللوم عليك
وتحس انو انت الي غلط
فين نادر بقا