اول حلقات استضافه في المشرف المبدع سينا

[واد حبيب]

السلام عليكم ورحمه الله وبركاته
أعضاء بنات مصر المبدعين
عدنا من جديد مع حلقات استضافه مع مشرف مبدع ومتميز
اول حلقات برنامج استضافه في موسمها الجديد

مع المشرف المتميز سينا


شويه اسئله بسبطه كده جوب عليهم
الاول
مبروك الاشراف علي قسم اليوميات والمشرف المميز

الله يبارك فيك حبيبي ابو اياد

امته دخلت منتدي بنات مصر وكنت في منتديات تانيه ولا لا

من زمان سجلت في 2013 اي كنت في منتدى تاني

ليه سجلت باسم سينا وليه مش اسم اخر

كان مسمي حاشر ابليس في الكيس ف الابلة منة اعترضت خافت الكيس يتمزق ف اقترحت اني اسمي سينا لاني من عشاق جون سينا و وافقت طبعا

عرفت المنتدي ازاي واي اللي شدك تسجل فيه

التنافس الي كان موجود حبيت ادخل اثبت نفسي وانبسطت فيكم كلكم

اي اكتر الاقسام المحببه لقلبك في المنتدي

السجل واليوميات لهم متابعة خاصة وطبعا الترحيب احب اجواء الافراح ^_^

انت عضو قديم في المنتدي شايف اي الفرق بين المنتدي زمان ودلوقتي

زمان ياصاحبي كنت تشوف مدى الزحمة الموجودة مع الاقلام المبدعه العبقرية من رسم لشعر ل خواطر ل مسابقات

الكل كان شغال والواحد كان يحب طبعا يكون من ضمن هذه المنافسات الرائعة

دلوقتي الحمدلله الوضع تمام فيكم ومن خلالكم نحمدلله عم نشوف اصدقاء عم يرجعوا من تاني وهل الشي مفرح للغاية

دلوقتي الحمد لله رجع النشاط الي حد ما شايف ازاي نقدر نحافظ عليه

لازم ندخل بشكل يومي حتى لو شاركنا بمشاركات بسيطة ضروري التواجد

التواصل مع الاصدقاء السؤال عن الي بغيب مواضيع تكون حلوة تشد العضو

اي الفرق بين المنتدي ده واي منتدي تاني

منتدى بنات مصر فيه خليط من الاصدقاء المحترمين الحريصين على استمرار المنتدى

معاير الانانية هنا منخفضة جدا في غير مكان ممكن الواحد يشوف العكس

مين اقرب الاعضاء لقلبك هنا

شاعر الحب الحزين وهاجر وإحساسي صحيح وخلود

ليه اختارت قسم اليوميات تكون مشرف عليه

لمار اختارتنا

وايه اللي هتعملو علشان تنشط القسم

رح احاول انا وصديقتي جوجو ننعش القسم بأفكار حلوة ان شاء الله

شايف ان حياة هتقدر تساعدك علي تنشيط القسم

اكيد طبعا انا الي اساعدها ههههه

قسم اليوميات كان من انشط الاقسام في المنتدي هنشوفه كده تاني

بوجودكم معنا وبتوريكم للقسم ان شاء الله يرجع زي زمان

شايف سينا واخد حقه في المنتدي ولا يستحق اكتر من كده

اي واخد حقي

اي الفرق بين المنتدي زمان والمنتدي دلوقتي
واي التغيير من وجهه نظرك

التغير لازم يكون من وراء الكواليس الادراين نجتمع الادارة تضع خطة توصل بين المراقب والمشرف لحتى نوصل لابداعات الاعضاء الموجودة ونحرك فيهم النشاط

شايف ان في اعضاء مظلومين في المنتدي

مظلومين بمعنى انه يجب تسليط الضوء عليهم اكثر شوف الكل اخد حقه الى كان موجود ومتابع ونشيط اكيد خد حقه

لكن من وجهة نظري في اعضاء احس اننا لازم نعطيهم حقهم اكثر زي ايلانا وخلود و ندوشة واميرة بحجابي و احساسي صحيح واحمد

هذه اسماء ابدعت جدا هنا

مين اللي نفسك يرجع المنتدي تاني ويفضل علطول اختار ليا اسماء

booba هبة و الاميرة رودي و متفائلة في زمن اليأس وهمس الرحيل

لو قولتلك اختار 5 اعضاء بيعملو نشاط تختار مين
بيك بوص والعاشق الذي لم يتب واد حبيب شاعر الحب الحزين وفاطمة عيسى

كده خلصنا من المنتدي
سينا مفيش حد يعرف خريج كليه اي ولا شغال اي خارج المنتدي تقدر تعرف الاعضاء مين هوه سينا

درست معهد هندسة بسوريا واشتغلت بمجالي ك مساعد مهندس في الامارات ودلوقتي عايش في هولندا ارض الزهور

اي الحلم اللي بتحلمو ونفسك يتحقق

أتمنى ترجع سوريا زي زمان سوريا ايام ب2008

ماذا تفتقدين فى حياتك؟

اممممم افتقد الهدوء ههههه

ما هى الصفه التى لا تستطيع تغيرها فى نفسك؟

الفرفشة

ما هى اكبر اخطائك؟ و هل تغتفر فى حق الغير؟

العصبية في بعض الاحيان طبعا مابسيب حد فاضل زعلان مني لازم ارضيه

اي الشي المميز في سينا غير باقي الناس

عندي غمازات حلوة هههههه

علاقتك اي مع الجنس الناعم طيب ولا بتعاكس

لا معرفهمش هههههه

تفضل الجواز عن حب ولا تقليدي واي الفرق بنهم

بهذا الوقت انصح الزواج التقليدي لانه الأصح من ناحية الاستمرارية

لو قولتلك قولنا موصفات شريكه حياتك هتقول اي

اقول تكون مراعية ربنا بالبداية ومتربية تربية غير شكل

شايف العالم ازاي دلوقتي بعد كورونا

اخر حلاوة ههههه
ربي يعدي هل الازمة على خير

الناس اتعلمت وقربت من ربنا ولا الناس مش في دماغها

اغلب الناس مش في دماغها

شايف اي اللي هيتغير بعد الازمه دي ما تعدي

اتوقع الكل وقتها سيشيد بالدين الاسلامي لاننا دائما طاهرين ومستعدين لاداء الفروض الخمسة

اي الفرق بين سينا في المنتدي وسامر خارج المنتدي

نفس الشيء والله احب البهجة هنا وهناك



وجهه كلمه لمتتدي وللاعضاء المنتدي
اعضاء منتدانا الغالي لكم في القلب ود وتقدير تحياتي لكم



اهلا بيك يا سينا تشرفت بيك في اول الحلقات
تقبل تحياتي لك

[*فجر الاسلام*]

كل دي اسئله يا محمد حرام عليك طلعت عين الواد😂😂
حلو جدا اللقاء وان شاء الله ترجع سوريا زي ماكانت
وربنا يحمي الجميع
تسلموا منورين ويدوم النشاط

[حـيـــــآة ❤]

ربنا يحافظ على سوريا وترجع زي الاول واحسن بإذن الله وكل بلاد المسلمين ياارب
منور اسموور ❤️❤️❤️❤️
مبدعنا الجميل ابو قلب ابيض
وتسلم عاللقاء الجميل ابو إياد

[big bốss]

اسئله جميله يا محمد برافو

و اجابات متزنه من عقليه روعه الله ينور سامر

امتعتونى حقا و قومتوا عليا القولون 😂

[ايمان طلعت]

ربنا يفك كرب سوريا وكل بلاد العرب

سامر العاقل المجنون
شخصيتك جميلة مرحة متخليهاش تتغير
ولا تتغر بالغمازات ههههه
نورت الاستصافه بجد
مشكور ابواياد على الاستضافة واختيار موفق

[شروق محمود]

استضافه جميله واسئله منوعه
اتعرفنا ع بعض من جوانب شخصية سينا
منورين

[فداااااااااااء]

حلقة جميلة اخى محمد
عرفتنا اكتر على سامر الفرفوش
وربنا يصلح حال سوريا وبلدنا كمان ونرجع افضل من الاول
تسلم ابو اياد

[.Lamar]

ضيف مميز و الاسئلة عرفتنا عليه اكتر
ان شاء الله ترجع سوريا زى ما كانت واحسن
مجهود طيب ابو اياد
تسلم وبانتظار الضيف الجاى

[بحر القمر]

التقارب الانساني بين طرح اسئله وعرض اجابات امر رائع منه بنعرف بعضنا البعض
تحياتي لحضراتكم

[سيناا]

اهلا بيك يا سينا تشرفت بيك في اول الحلقات
تقبل تحياتي لك

احلى ابو اياد انا استمتعت بمزيج الاسئلة المنوعة

دمت بكل الود