خالتي بامبا مخطوفه

[عاشق ولهان]

بعد الخناقه الشهيره اللي وقعت بين خالتي بامبا ورفعت

وادت لكسر أظافر المجني عليه رفعت

أخد تقرير طبي من المستشفي أوضح فيه كسر بالأظافر اليمني

مما تسبب في عسر في الهضم وإحساس فظيع بالجوع

وكان لازم يحس انه يعوض الهزيمه أمام الجماهير

رفع قضيه مستعجله ضد خالتي بامبا وطالب بأقصي العقوبه ضدها

وانها تسببت بالإصابه اللي ألمت بيه في تراجعه في قائمة أعلي

المشاركين بمنتدي بنات مصر مما يجعله في حالة غثيان شديده

وفعلا ً حكمت المحكمه علي خالتي بامبا بالحبس شهر وغرامه

500 جنيه لتهربها من دفع أجرة التاكسي و جنيه بسبب

الإشاعه المغرضه انها مدام العاشق الذي لم يتب هههههه

لما سمعت خالتي بامبا بالأحكام القاسيه دي فكرت تهرب

ولمت هدومها وحجزت اول طياره علي الخطوط الجويه السعوديه

وكان في استقبالها إيلانا


ازيك يا بت يا لولا وحشاني يا مفعوصه

هلا بيك يا خالتي بامبا منورتني

منور بيكي يا إيلانا . لولو انا عملت مصيبه وهربت و مفيش غيرك ااتخبي عنده

يا الله ايش سويتي يا خاااالتي

كسرت اظافر رفعوتي العاشق الذي لم يتب قاعد يعيط مش عارف يشارك

يا الله ليش يا خاااالتي رفعت طيب أبغاااا أكسر رقبتها

ليه يا لولو عمل ايه اللي ما يتسمي

مو عارفه بس عاوز أكسر رقبتها وخلاص

إيه يا لولو لسه موصلناش بقالنا ساعتين بتقولي لسه

لا يا خالتي وصلنا خلاص هذا هو البيت

مين يا ضنايا اللي واقف يبرقلنا ده

ده نور البيج بوص يا خالتي نور صديقي مو أقدر أخبي عليها شئ

ارفعي ايدك فوق لا تتحركي انتي مخطوفه يا بامبااا

بامبا في سرها هو ده العريس اللي كنت بحلم بيه ومسكت في خناقه وهاتك يا بوس

ونور يصرخ الغووووث الحقووووووني
و بامبا تحلف وتقول

والله ما اسيبك دنا ما صدقت لقيتك



ودي كانت النهايه السعيده ل نور البيج بوص في عش الزوجيه


إنتظرونا و نشرة أخبار التاسعه والعشرون من

منتدي بنات مصر ..
تتمسو بالعافيه

كان معكم من أمام قاعة الأفراح السعيده

/ عاشق ولهاااان

[بحر القمر]

اسعدك الله وكل اخ واخت هنا اخي العزيز
دمتم بكل الفرح

[دمعه حائره]

نور شمعه تحترق من أجل المنتدي وقدم تضحيات عظيمه
مبروك يابوص 😊
ياعيد هتودي بامبا فين تاني ربنا يستر

[ايمان طلعت]

هههههه نور ابن حلال بردو ويستاهل😂😂
الف مبروك يا بوص
متابعه باقي حلقات بامبا

[فداااااااااااء]

ههههه يا سلام على دى نهاية افشت غليلنا في بيج بوص
تسلم اخى عاشق وتحيا خالتى بامبا هنا هههه

[ساحر الأحزان]

عوده جميله من صاحب القلم الجميل
متنوع للكلمات
مع بامبا وعاشق والبيج
ثلاثي جميل
تحياتي لك عاشق ولهان

[حـيـــــآة ❤]

يستاهل 😂😂😂
فرحت لك والله أنور الف مبروك

[إيلاانا]

مبروك ي بيج بوص منها المال ومنك العيال 🤪🤪🤪
واقيمت الأفراح والليالي الملاح حيث تم الزفاف وأخذت العروسة خالتي باميا عريسها البيج بوص حيث منفاه ومثواه الآخير
طبعا خالتي باميا بحطها في جوف قلبي هالحين اعرف وشهو مصير المعتوه البيج بوص
في أحضان خالتي باميا حيث كتبت فيه قصيدة
اتزوجت خلاص البيج بوص
ورقصته على وحده ونص
وقلتله اسمع ي واد وبص
أنا باميا أبوي حرامي ولص
وقاطعها البيج بوص وقال
انت حبيبتي و في نن العين
باميا حبيبتي حلاوة وزين
وي عاشق ولهان قلي أنت فين
دي باميا نستني أنا فين ومنين
بحبك ي بميتي وراح أخلف لك حسن وحسين

وتعهدت إيلانا برعاية خالتها الهاربة حتى يتم الانتقام من المدعو بيج بوص
ونشوف عاشق يرحل خالتي باميا فين. وماذا سيكون مصير البيج بوص واولاده

جميل أخي عاشق
حقيقي اسعدتنا واضحكتنا باسلوبك وطريقتك
لا أحزنك الله أبد
لك تحياتي وتقديري واحترامي ودعواتي
حفظك الله دوما وابدا
إيلانا

[شاعر الإحساس]

الله..دا الموضوع بقى دولي 😅
اول مره اعرف ان الاظافر ....
بتعمل كل الحاجات دي..
عسر هضم وتعب واعياء ودنيا كبيره...
لا كدا كل واحد يخلي باله من ضوافره...
وانا بعد كدا هاجي المنتدى واسيب
ضوافري في البيت... 😅

مبروك يا بوووص ...
قصدي الله يعينك يا صديقي 😅


جميل يا عاااشق...
اضحوكة خفيفه طريفه ....ممتعه
واسلوب شيق ...اضحكنا
مكملين معاك ان شاء الله...
في اخبار التاسعه والعشرون 😅

والى ذاك الحين
دمتم جميعا بكل خير وسعاده

[فصيح]

عوده جميله من صاحب القلم الجميل
متنوع للكلمات
مع بامبا وعاشق والبيج