الحلقه الثالثه من حلقات استضافه مع الرائعه ( لمار)

[واد حبيب]

~السلام عليكم ورحمه الله وبركاته~

اعضاء المنتدي الكرام.. زوار المنتدي الاعزاء
اهلا ومرحبا بيكم في منتديات بنات مصر
ان اليوم نتحدث عن واحده من كبار المنتدي بل مديره المنتدي
ان التاريخ سيشهد عليا اني عملت استضافه مع اهم شخصيه في المنتدي في الوقت الحالي مش بس كده لا دي اطيب قلب واخلاق واحترام يشهد الجميع علي ذلك فعلا استمتعت جدااا بالحوار ده..
النهارده ضيفه انا شخصيا بحترمها وبقدرها جداااا..
معانا في حلقه اليوم من برنامج استضافه
المبدعه Lamar

عرفينا علي لمار في سطور قليله


بنت عادية ليها احلام زى كل الناس
فيه حاجات حققتها وحاجات لسة ربنا مأذنش
يمكن رومانسية بطبعى
بحب اتحدى نفسي اوى وانى اتعلم اى حاجة جديدة


*ندخل علي المنتدي الاول كده علي السريع
امته سجلتي في المنتدي ومين عرفك عليه؟

سجلت تقريبا من 7 سنين
و دخلته صدفة من جوجل

*اي الفرق بين لمار العضويه ولمار الاداره؟

مشوفتش اى فرق بس الناس ممكن هى اللى تحكم اكتر منى


*اي الفرق بين المنتدي زمان ودلوقتي؟


المنتدى زمان كان نشاط وتفاعل ومنافسة حلوة
تحمسك تكتب وتشارك

*من وجهه نظرك اي اللي يحتاجو المنتدي في الوقت الحالي؟


المزيد من الاعضاء و يفضل اهتمام الموجودين بالتفاعل

*انتي كاداره عندك اي الحاجات اللي تعمليها علشان المنتدي يرجع؟

والله انا بحاول على قد ما اقدر
بتابع لو حاجة ناقصة و مطلوبة اعملها
ودايما بحاول اشجع الكل سواء برد او مشاركة


*احكيلي من اول يوم ما سجلتي لحد ما وصلتي للاداره؟


لا دى سنين كتير متتعدش مينفعش اكتبها في سطرين

*اكتر موقف حصل وانتي في الاداره ومكنتيش عارفه تحليه ازاي


لما عضو ماليش كلام معاه اصلا دخل فى موضوع
وشتمنى مع انى لا وجهت له كلام ولا عملتله حاجة والله
ومش عارفة ايه السبب لدلوقتى
وفعلا كنت هسيب المنتدى وقتها
وفضلت فترة كارهة ادخل

*لمار قادره تكون اداره لوحدها وتواجه المشاكل ولا عاوزه حد يكون معاها

كان نفسي دمعة توافق ترجع بس هى رافضة تماما
بس الحق انها دايما معاية وجنبي


*قولينا تنصحي باي الاعضاء الجدد علشان يستمرو هنا


انهم يحاولوا يتفاعلوا ويتعاملوا مع غيرهم كويس وقتها تلقائى هيحسوا انهم جزء من اسرتنا دى

*مين من الاعضاء القريب ليكي اوي وتقدري تتكلمي معاه وانتي مرتاحه؟

بتكلم مع البنات عادى بس اقربهم واللى ممكن احكيلها دمعة حائرة

*هل تتوقعي رجوع المنتدي من جديد؟

بنعمل اللى علينا ويا رب الوضع يتحسن


*كلمه شكرا انت تعبت في المنتدي تقوليها لمين؟

لكل الناس اللى اخدت من وقتها وحياتها وشاركت بحرف او رد او موضوع عشان البيت دة يفضل مفتوح

*اي الفرق بين لمار في المنتدي ولمار خارج المنتدى؟


مش عارفة يمكن في المنتدى انا جد اكتر من برة

*ماذا تفتقدين فى حياتك؟
دعوات جدتى


- ما هى اكبر اخطائك؟ و هل تغتفر فى حق الغير؟
العصبية واه ان لقيت حد عزيز عليا متعصب ممكن اتحمله لحد ما يهدى
- ‏

*اكتر حاجة تسبب لكى ازعاج
ان حد يقول عليا كلام مش فيا


*مش بترجعي للفوتو ليه وكل مرة تقولى هرجع ومش بيحصل


هو كسل منى وقلة وقت ومحتاجة حد يشجعنى


*نوع الفن اللى بتعجبي به كلاسيك ولا الجديد


كل حاجة ليها جمالها


*اكتر ميزة كنتى حابة انك تمتلكيها وهى مش عندك
واكبر عيب بيضايقك فيكِ؟

اكتر ميزة كنت احب امتلكها الصبر
اكبر عيب التسرع اوقات


*لمار شخصيه رومانسيه بتحب الضحك ولا جاده دايما؟

بحب الضحك و الهزار زى كل الناس
بس احنا فى عالم افتراضى فالجدية بتفرض نفسها مع حد معرفوش
عشان بخاف اتفهم غلط

*تفضلي الجواز عن حب ولا تقليدي واي الفرق بينهم ؟

الجواز عن حب طبعا
الفرق زى السما والارض كدة
انك تتحمل مصاعب الحياة عشان الحياة تستمر مع انسان حبيته واخترته
انك تعمل عشانه كل حاجة مش لانها واجب لا حبا فيه
ان الدنيا تهون ما دمتوا مع بعض


*موقف عشتيه ونفسك يتكرر تاني


احنا محرومين من الخروج
نفسي اروح البحر ونسهر للصبح زى زمان

*بتعملي اي لما تواجهي مشكله في حياتك

بحكى اللى مضايقنى لناس قريبة منى
ونفكر سوا لحد ما نوصل لحل


*مين اقرب ليكي بين اخواتك؟
معنديش غير اخ واحد
وفرق السن بيننا مش سامح اننا نبقى قريبين

*سؤال كده في السياسه اي رايك في قانون التصالح؟

باختصار سبوبة و بيقلبوا الناس كالعادة


~. ~. ~. ~

تسلمي علي الحوار الجميل
تقبلي تحياتي لكي

[*فجر الاسلام*]

منوره لمار اجابات جميله من انسانه اجمل
بس ليه الفرق بين السما والارض في نوع الجواز
في ناس اتجوزت جواز تقليدي واسعد من اي اتنين حبو بعض
َبعدين جواز الصالونات زي مابيقولوا بيجيب حب والله 😁
الجمله دي اللي شدتني بسحبيت ارخم عليكي😂

[فصيح]

حوار جميل مع شخصية محترمة ومهذبة
لها مني كل التقدير والاحترام ربي يسعدك لمار
اسضافة وحوار جميل محمد دمت متألق
تحياتي

[حـيـــــآة ❤]

حوار جميل جدا
ومنوره يالمار
ربنا يقدرنا جميعا ونرجع المكان دا زي الاول واحسن بدون مشاكل وحوارات بإذن الله
ربنا يسعدك
ويسعدك ابو إياد تسلم عالمجهود الجميل دا
تحياتي ليكوا ❤️❤️

[دمعه حائره]

حوار جميل من اسئله واجابات
لمار انسانه جميله وبتحب المنتدي
ورجوعها كان ليه اثر كبير في النشاط والدعم الفني
بعتز بصداقتك جدا وبشكرك علي كل خدماتك للمنتدي
وان شاء الله الوضع هنا يبقي احسن من الاول
نورتي يالولو وشكرا يامحمد يدوم النشاط

[سيناا]

استضافة وممتعة لاخت متحرمة ومؤدبة ومحبوبة لدى الجميع

بجد يعطيك الف عافية ابو اياد على هذا البرنامج الفخم

ولمار ربي يسعدك بحياتك ومنورة المنتدى بوجودك

امتعتونا

ودي وتقديري ،،

[big bốss]

لمار شخصيه جميله ربنا يوفقها

حوار راقى

دمت متميز ابو اياد

[إيلاانا]

حوار جميل من شخصية راقية جميلة
استمتعنا بتلك الاسئلة وبتلك الإجابات
اختبار جميل منك أخي محمد
سلمت وسلمت الغالية لمار
لكما خالص التقدير والاحترام
حفظكما الله و أسعدكما

إيلانا

[فداااااااااااء]

حلقة جميلة مع شخصية اجمل
استمتعت باجابات لمار ويدوم تواجدها معنا
تسلم اخى محمد

[شروق محمود]

حلقه جميله مميزه
الاجابات فيها وضوح وصراحه من انسانه خلوقه
يدوم التميز واد حبيب