يا ترى هتختار ايه ... احساسك فى صورة

[.Lamar]

ناس كتير ان سالتها هتقول ان نفسها
تتجوز بعد قصة حب
تعيش الحلم وعيونها تلمع
و تطلع للسحاب وتوصل للقمر
قلبها يرفرف والسعادة تملى حياتها
وفيه ناس عقلانية مش بيفرق معاها دة
المهم يكون فيه قبول وتوافق
وفى نفس المكانة الاجتماعية
مش هنكر ان
فيه ناس متجوزين عن حب و كرهوا بعض بعدها
وناس اتجوزوا صالونات والحب جه بعد الجواز
عن نفسي حاسة انه رزق ربنا بيبعته للعبد
فيا ترى لو كان ليك الاختيار
تفضل ايه
الجواز عن حب ؟
وتتحمل نتيجة اختيارك
ولا تفضل الجواز التقليدى
مع ان الحب ممكن ميجيش بعد الجواز

تحياتى

[ايمان طلعت]

هترك اجابه السؤال للي لسه متجوزوش

بس فيه حاجات اهم من الحب في الجواز
لان كتير بيحبوا بعض وبعد الجواز انفصلوا
فالاحترام والتقدير الثقة والمعامله الحسنه اهم
وطبعا لازم توافق اجتماعي عشان التقارب الفكري
مينفعش دكتورة مثلا تتجوز سباك
مع احترامي للجميع

[دمعه حائره]

الجواز عن حب اكيد مفيش أحسن منه
لكن التفاهم والاحترام اهم
دول اللي بيحافظوا على الحب والبيت
وممكن يجي الحب بعد الجواز بس بيكون مجازفه وانت وحظك
تسلمي لولو موضوع جميل

[شروق محمود]

انا اختار الجواز التقليدى
وانا بسمع مامتى دايما تقول
بعد الجواز بينشأ حب عشره
ويكون احلى حاجه
تسلمى حبيبتى ع نقاشك القيم

[واد حبيب]

لو جيتي للحق ولا عن حب ولا تقليدي
اللي معاه فلوس دلوقتي يجوز اي حد
في في الاخر كله بيفشل سواء حب او تقليدي
الناس مش فيها حيل تستحمل بعض

[فصيح]

تسألات منطقية جدا
عن نفسي بقول دا رزق ربنا ، وعلى حسب نياتكم وأفعالكم ترزقون
مش هيفرق معاية أوي لكن الأقرب لنفسي عن حب والتفاهم شرط
تحياتي لمار عبرتي عن الصورة وخليتي فيه نقاش عاش

[حـيـــــآة ❤]

لا دا ولا دا محدش يتجوز اصلا
بس لو هجاوب ع السؤال يبقي الجواز التقليدي افضل
مفيش حب اصلا ف الزمن دا

[*فجر الاسلام*]

زي ماقولتي رزق
خطوبتي كانت تقليدي
بس الاحداث اللي حصلت قبل تبين انو حب
رزق ارتياح قبول لمجرد اسم مش شكل كمان
والتقليدي مايجيش الحب بعد الجواز اومال فتره الخطوبه دي اي
بيعرفو بعض وبيبقي في حب علي اساسها يبقي الجواز تم عن حب
انا شايفه كده بصراحه محدش بيتجوز ف يوم وليله عشان نعرف ونحب بعد الجواز
الله يسعد لمورتي

[فداااااااااااء]

هو ليه دايما بيتم القاء التهمة ان الزواج التقليدى مافيهوش حب
امال فترة الخطوبة بتتعمل ليه
مش احسن نسلك طريق رسمى وشرعي احسن من اللهو اللى مانبقاش عارفين فيه صدق مشاعر اللى قدامنا ولا خداعه

انا شايفة ان اللى يدق باب بيتى هو الافضل لانه نيته واضحة وصادقة وعلاقتي به هتكون قدام كل الناس رسمى مش هخاف ان حد يشوفنى مثلا
التقليدى فيه حب ياجماعة وان كان الاحترام اكبر فيه
علشان كدا بنلاقي ان الزواج دا بيدوم فى غالبيته عن غيره
دا راى

سلمتى لمار

[شاعر الإحساس]

مفيش اوبشن تالت يعني...
حطي السنجله طيب..
مالها ماهي زي الفل وحاجه في الاكسلانس..😂


الحب والتفاهم ..اساس العلاقه
واكيد الجواز بحب اجمل واحلى...
لكن الحب بييجي في اي لحظه...
حتى بعض اللي بيتجوزوا تقليدي...
بيتولد بينهم حب كبير ....
ماهو الموضوع تلائم ارواح وفكر...
وكل واحد يلاقي نصه التاني في التاني...
سواء كانت وقتها تقليدي او لا...
ولما يتولد الحب والتفاهم..هتتوثق العلاقه
ثم بعد الجواز...هتتحول لموده
والموده اعلى درجات الحب...
لذلك ربنا سبحانه وتعالى قال:
(وجعلنا بينهم موده)...
فهي درجات .....اعجاب..توافق..حب..
ثم الموده اللي بتجمع كل حاجه....


وزي ماقالت نجاااااااة..
ولا العاشق مفتاح...ولا الخالي سفاح...
وبرضو منه السبب ..😂
او ايمان مش متأكد يعني..