حكومتنا الحنونة

[ahmed 22]

اخي الكريم
انا عامة ضد اننا نهاجم ضعف وقلة حيلة الناس
وده حقي ورأيي ومقتنع بيه ...

ومع اني مافهمتش من كلام الأخت فداء
الكلام اللي حضرتك ذكرته ..
بس لو حضرتك شايف ان كل واحد هيجيله ازاله
هيكون عنده المقدرة انه يلم اهل بلده ويصدرهم
في وش لودر وشرطة ..
والناس كلها هتقبل بكل ود وصدر رحب
انها تتصدي لمشاكل غيرها
فده برضه رأي حضرتك وانا بحترمه ..

زي ما أكيد حق الاخت فداء تقول اللي هي شايفة
انه صح ومناسب ..

وانا اكيد هظل احترم كل الاراء بشكل كامل
وسبقت ده بكلامي في التعليق اللي حضرت
ذكرت اني معترض فيه ....

تقديري واحترامي مرة تانية
لحضرتك وللاخت الكريمة فداء ...

[دمعه حائره]

حكومه بتمد ايدها في جيب المواطن وبتحاسبه علي تمن عيشته في البلد
انت عارف لو لاجئين مش هندفع فلوس كده
انت بيكون بيتك وعايش فيه لا بتأجره ولا بتبيع وتشتري ومش مخالف
وبتدفع ضرايب عقاريه عماله بتزيد شوف دي كمان بعد القرارات الجديده هتزيد اضعاف
قانون التصالح ده جاب اخر الناس والخناقه دايره بين صاحب العقار ومالكي الشقق
وكل ده عشان كل وزاره مطلوب منها تلم فلوس تغطي المشاريع اللي محدش مستفيد منها

تسلم علي التوضيح

[ahmed 22]

اقتباس المشاركة الأصلية كتبت بواسطة دمعه حائره حكومه بتمد ايدها في جيب المواطن وبتحاسبه علي تمن عيشته في البلد انت عارف لو لاجئين مش هندفع فلوس كده انت بيكون بيتك وعايش فيه لا بتأجره ولا بتبيع وتشتري ومش مخالف وبتدفع ضرايب عقاريه عماله بتزيد شوف دي كمان بعد القرارات الجديده هتزيد اضعاف قانون التصالح ده جاب اخر الناس والخناقه دايره بين صاحب العقار ومالكي الشقق وكل ده عشان كل وزاره مطلوب منها تلم فلوس تغطي المشاريع اللي محدش مستفيد منها تسلم علي التوضيح

اكيد الحمل بيتقل ويزيد علي الناس من كل جانب .
ودي حقيقة انا مش عارف العالم المسؤلين عن البلد مستوعبينها ولا لاء ...

حابب اضيف حاجة للموضوع كمان .. عشان اكفيه لاخره
ان في حقيقة تانية ان كل الضرر واقع حاليا علي اصحاب الدخول المتوسطة
في البلد ودول الأغلبية اللي بيتم استنزافها بطريقة غير طبيعية اخر خمس سنين ..

انما يمكن في اعتقادي اللي مريح بال المسؤلين عامة ان الطبقة الفقيرة
او المعدمة قادرة ترضيهم بالخدمات البسيطة اللي بتتقدم ليها
سواء زيادة علي بطاقة التموين او حاجة زي تكافل وكرامة
وخلينا منطقيين برضه انه فيه معالجة لبعض الامور زي العشوائيات وغيره مش هنكر
وبالتالي الناس اللي كانت مأقلمة حالها انها تعيش علي 500 جنيه مثلا
حاسين بفرق للافضل في الحد الادني للحياة الكريمة ...
ودي معادلة علي قدر ما هي انصفت ناس لحد ما
فهي كانت علي حساب طبقة تانية من الناس وهي الاعم .. حسوا بفرق للاسوأ مع قل الفرص
ويمكن جزء كبير منها بقا بيتجه اكتر للفقر ..
اللي نتجت من تدهور الاقتصاد نتيجة استراتيجية غلط في البنا
معتمدة علي جيوب الناس زي ما وضحنا
لان الناس اللي في الطبقة المتوسطة وهما الموظفين غالبا
او اصحاب الوظايف الحرة زي المحاسبين والمناديب وغيرهم
او اللي متسجلينفي التأميينات فانسحب منهم التموين اللي كان شايل جزء من بيتهم
حاسين انه كل يوم بيتاخد منهم شئ .. و بيزيد عليهم شئ كل يوم مع زيادات الاسعار

وبالتالي الحكومة وقعت في فخ هي لحد هذه اللحظة مش حاسة بيه
علي ما اعتقد .. بسبب حقيقتينن استنتوجهم بغباء

وهو ان الطبقة المتوسطة دي مكنزة كتير تحت البلاطة
والطبقة الفقيرة ممكن تطور حالها لحد ما للافضل ..
وناسيين ان الافضل بيطمع في ليفل تاني من الافضل ..

شكرا لحضورك الراقي ..

[ساحر الأحزان]

تلك هي حكومه حنونه
صاحبه قرارات مجنونه
اصابت العاقل والغير عاقل
بنوبه حب للحكومه
التي لا تتواني في اخراج ما في جيوب
مواطنيها ما تعطيه باليمين
تاخذ اضعافه بالشمال
ولا عزاء للمواطن
في ان يفرح ولو بالقليل
احسنت احمد
تحياتي لك

[Aya 7ekaya]

الناس دى بتتفنن أنها تاخد فلوس من الشعب بيخترعوا حاجات لو كان حد قالها زمان كانت ممكن تتقال على أنها نكته !
دلوقتى فلوس الخليج أو الغربه عموما مش زى زمان واللى متغرب دافع دم قلبه و سنين تعب ف البيت اللى بناه و اللى عايش جوا البلد لما بيعدى اليوم بيقول الحمد لله لو عدى ومحدش من عياله نايم جعان و لا تعبان
بس هنقول ايه غير حسبي الله ونعم الوكيل

[magda fathy]

شكرررررررررررررررررررررررررررررررررررررررررررا جزيلا