نيتفلكس والمثلية

[ahmed 22]

يمكن اخر كام يوم تقريبا كان فيه حوار بطل الحدث فيه هي المثلية ...
يعني خبرين ورا بعض كانوا قالبين الفيس بوك ..
الاول شاب بيعلن زواجه من شاب مثله في بوست عالفيس ..
ولحقها بعدها بكام يوم خبر اعلان برضه فتاة للزواج من بنت زيها برضه عالفيس ..

بعيدا عن الحوارات دي اللي ممكن تكون هزار سمج او صفحات مفبركة
بس ده خدني لموضوع يمكن عاوز اكلم عنه من اكتر من سنة او اتنين ويمكن مش جديد ..
لانه لازم ناخد بالنا ان كل دي مؤشرات لما قد يكون قادم..
جث نبض لرد فعل المجتمع ..
لان يمكن حتي كان رد الفعل عالحوار اللي فوق ده كان مقتصر عالسخرية من الموضوع اكتر من الغضب ..
وده تطور سلبي .. لأنك فعليا بتمهد الطريق لردود فعل اقل ..

العالم شكله بيتغير .. واساليبه كمان بتتغير ..
العالم حاليا بيتطبق فيه نفس طرق الاحتلال الصهيوني
في فرض سيطرته علي القضية في فلسطين وجر العالم تجاهه..
يمكن بدون افكار من دولة او غيره ..
هي اقليات بتفرض ارائها عن طريق استخدام المال والإعلام بحيث
يكون ليها وجود في العالم وتنصر قضية هما كانوا مستضعفين فيها .

وده حاليا بطريقة الغزو الثقافي والالكتروني اللي بيتم عن طريق الشبكات والمنصات العالمية
يمكن اشهرهم واوسعهم انتشارات حاليا واخر خمس سنوات هي شبكة netflix ..
وتعتبر عملت شبه غزو او حالة في العالم ...

شبكة نيتفلكس يعتبر من الشبكات اللي بتقوم بانتاج وعرض الافلام والمسلسلات
عبر منصتها علي الانترنت بمقابل مادي ...

بس عندها توجه كامل بادخال المواد المثلية والشواذ في كل الأعمال اللي بتنتجها
وحتي الملاحظ من كل المتابعين انها ممكن تضيف مشهد مثلي جنسي
بدون اي داعي وبدون اي علاقة .. مجرد اقحام للمشاهد عامة ..

وبدليل ان فيه توجه بشكل مفرط ..
تركيا من الدول اللي كان بيتعمل فيها مسلسل باجزاء من انتاج نيتفلكس ..
فلما تم عرض علي القائمين علي الرقابة
انه هيكون في مشهد جنسي مثلي وكدا والرقابة رفضت ...
مشهد واحد بس ممكن التغاضي عنه ..
قامت نيتفلكس لغت انتاج المسلسل وعملوا مقاطعة لتركيا انتاجيا ..

التوجه ده مفرط لدرجة انه تم عمل فيلم اسمه ( اغواء المسيح )
وكان معمول بشكل كوميدي او حاجة زي parody ..
من بطولة جماعة برازيلين ليهم قناة عاليوتيوب وتم التعاقد معاهم لعمل الفيلم ده ...
كان الفيلم مطلع المسيح بدور شخص مثلي ووالدته بدور مدمنة حشيش ...
وعلي الرغم من رد الفعل من الكنائس وغيره في العالم الاوروبي ..
كان يمكن رد اللي قاموا ببطولة المسلسل
فيه نوع من السخرية من الانتقادات اللي تم توجيهها ليهم
وان دي كوميديا وبتاع .. في حين اكتفت نيتفلكس بعدم التعليق ...

عالرغم انه في يوم لما تم نقد محمد بن سلمان ولي عهد السعودية
في برنامج ساخر بيتم تقديمه عالمنصة هناك ... وقام ولي العهد بالاعتراض تم حذف الحلقة ..
في حين انهم ممكن يعادوا العالم كله من اجل ايصال المثلية ولو علي حساب المسيح
والديانة اللي تعتبر اوروبا مؤمنة بيها بعيدا طبعا عن اللاديينين وغيرهم ..

البعض بيقول ان الحوار ده غرضه تسويقي اكتر ..
انهم بيجذبوا المشاهد بأشكال مختلفة من التحرر الجنسي وغيره
باستخدام الصورة والجرافيك العالي ..
بحيث تظل المنصة في شكل دايم من الربح
والمحافظة علي وضعها في ظل منافسة من شبكات تانية امريكية
ابتدت تاخد مكان ليها عالساحة ...
لان فيه مسلسلات وافلام من انتاج شبكات تانية كانت بتعرض علي نيتفلكس
في عقد لمدة سنوات .. وبالتالي مع انتهاء العقود دي ..
الافلام والمسلسلات دي هتعود لملاكها اللي هيدعموا من خلالها شبكاتهم
زي مثلا مسلسل friends وغيره اللي من خلاله هيخسروا مشاهدات كتير
وبالتالي بتكثف الانتاج وبتكثف النوعية اللي بتجذب المشاهدين اكتر
بحيث تحافظ علي وضعها ...

والبعض الاخر شايف ان المبالغة في اظهار الشخص المثلي بصورة المستضعف والمنكسر بشكل دائم
علي عكس الواقع ده فيه شئ من الغرابة ..
لأن في ناس مثليين عايشين بشخصيتهم عادي وسط الناس
وفعليا فيه تقبل ليهم في المجتمع الغربي ..
واللي بتعمله نيتفلكس ممكنا نفسيا يؤثر بالعكس علي قضية المثليين ..

بس ده كله مايشغلناش ... فكرة زراعة المثلية في العقول وتقبلها حاليا
واضحة وضوح الشمس من خلال نيتفلكس بالذات
لانها حاليا اكبر مصادر التأثير في العالم
نتيجة انتشارها وتضخم وجودها في العالم كله بشكل واضح ..

والغزو الثقافي بيحصل نتيجة انه بيتم تصدير المنتج مرة واتنين وتلاتة ..
وبيتم صده مرة واتنين وتلاته لحين تقبله ...
ولحين صعود من يملك الجرأة لصناعة رأي عام ويقوم بدور المستضعف المظلوم
في المجتمع وبالتالي وضع ضغط علي الدولة من قوي عظمي
تجعل الدولة تخفف من نظرتها للامر ..
مع اصلا المجتمع اللي بالأغلب نفسه في وضع تقبل _ اي لا يهاجم ولا يدافع _
فيجعل من الامر طبيعي او ممارسته بشكل عادي
لحين يصبح امر واقع لا تستطيع ان تغير فيه شئ ..

ولما يكون فيه فصايل واضحة بتندد بقضيتها في ظل تعاطف عالمي معاها
نتيجة ان العالم كله غالبا باستثناء لشرق الاوسط
تسامح مع قضية المثلية وبيتعامل معاها ككتلة انتخابية يجب استرضائها
والحفاظ علي حقوقها نتيجة الزخم الاعلامي اللي حصل
فترسيخهم لفكرة وجودهم علي ارض الواقع بقوة ..

الموضوع مش سهل .. الموضوع بيراكم لحد ما يكون كتلة صلبة تقدر تضرب بيها المجتمع ..
ولينا في انتحار الناشطة سارة حجازي مؤخرا والتباين والتضارب اللي حصل في ردود الافعال
ما بين مؤيدين متعاطفين و مهاجمين مستنكرين للامر
وتصديرها كقضية رأي عام لاغراض تخص المثلية
نتيجة انتحارها بسبب الاضطهاد او غيره في الخارج وحيدة مع رسالتها الاخيرة ..
مثال واضح علي ارض الواقع ....

انت فعليا سهل جدا يتم التلاعب بمشاعرك لتقبلك اي شئ بالوقت وزرع الافكار في المجتمع تدريجيا ..
انت حاليا مش متخيل ان ده ممكن يتم علي ارض الواقع ..
بس فعليا ممكن يحصل انه ييجي اليوم اللي تلاقي فيه الامر طبيعي
لو احنا هنفضل ماشيين بنفس الرتم الموجود حاليا ..
الموضوع لو لعبة بالنسبة لينا .. فهو مجرد وقت بالنسبة لغيرنا
عشان يفرض وجوده في مجتمعك بوضع قائم هيجبرك انك تتأقلم معاه ..

[فداااااااااااء]

حاليا فى اشخاص شواذ فى المنطقة العربية اصبحوا يملكوا جرأة عالية فى الافصاح عن ميولهم بكل قوة
دون اهتمام لاى هجوم او عادات وتقاليد مش هقول دين لانهم اتخذوا الالحاد منهجا فى حياتهم
الامر واضح لى منذ فترة مدى سعي العلمانين فى الغرب فى فرض المثلية والاعتراف بها لدرجة ان افلام الكارتون المخصصة للصغار اصبحوا يدعدوا من خلالها كذلك
الامر خطير فعلا والغزو دا شيطانى بكل معنى للكلمة واذا لم تنتبه المؤسسات الدينية الى هذا الخطر سيعبث بالاجيال القادمة وتنكسر كل القيم والمبادئ الاخلاقية

سلمت اخى

[حـيـــــآة ❤]

الموضوع فعلا حسيته بقى طبيعي مش لسه هيبقي
داحنا الكورونا دي قليله علينا والله

[War ROFL]

عندك حق
الغزو الثقافي الأول كان ناعم
دلوقتي بيفرضوا مبادئهم و ميولهم عليك
بل تتعرض للاضطهاد لو رفضت
و الرهان دلوقتي علي الجيل الجديد و الاطفال
هما مركزين مع الاطفال حاليا بشكل كبير جدا ومكثف
الموضوع خطه متكامله للقضاء علي الدين و الهويه كلها
لكن الي علينا التمسك بصحيح الدين و الهويه و تربيه الاطفال
علي أسس سليمه و تقويه العقيده
مش اسيب الاطفال للمجتمع و التلفزيون والنت يربيهم
جزاك الله خيرا

[ahmed 22]

اقتباس المشاركة الأصلية كتبت بواسطة فداااااااااااء حاليا فى اشخاص شواذ فى المنطقة العربية اصبحوا يملكوا جرأة عالية فى الافصاح عن ميولهم بكل قوة دون اهتمام لاى هجوم او عادات وتقاليد مش هقول دين لانهم اتخذوا الالحاد منهجا فى حياتهم الامر واضح لى منذ فترة مدى سعي العلمانين فى الغرب فى فرض المثلية والاعتراف بها لدرجة ان افلام الكارتون المخصصة للصغار اصبحوا يدعدوا من خلالها كذلك الامر خطير فعلا والغزو دا شيطانى بكل معنى للكلمة واذا لم تنتبه المؤسسات الدينية الى هذا الخطر سيعبث بالاجيال القادمة وتنكسر كل القيم والمبادئ الاخلاقية سلمت اخى

دي حقيقة .. الجرأة بتزيد كل يوم و هي يمكن حاليا في الليفل بتاع
ان الناس بتسافر بره بلادها وبتطالب بحق اللجوء
في امريكا مثلا او بلد اوروبي وبعدين يهاجموا بلادهم
مستقويين بالخارج اللي هو معترف بحريتهم وحقوقهم ..

والخطر اللي هو اكبر من اي غزو هو
انه لما تكون في فئة حاسة بانها مستضعفة
وحابة تثبت وجودها ويكون ليها مكان بين الناس
ارادتهم فعليا بتكون اكثر خطورة من قوة عسكرية لبلاد...
لأن موضوع بالنسبة ليهم هو حق الحياة بما اصبحوا عليه ..

واتمني زي ما ذكرتي ان المؤسسات الدينية وغيرها تنتبه لما هو قادم
لانه ليس ببعيد ..

شكر لحضورك الراقي ..

[ahmed 22]

اقتباس المشاركة الأصلية كتبت بواسطة حـيـــــآة ❤ الموضوع فعلا حسيته بقى طبيعي مش لسه هيبقي داحنا الكورونا دي قليله علينا والله

ربنا يعافينا ان شاء الله
ويكون القادم افضل ..

شكرا لحضورك الراقي

[ahmed 22]

اقتباس المشاركة الأصلية كتبت بواسطة صمت السكون عندك حق الغزو الثقافي الأول كان ناعم دلوقتي بيفرضوا مبادئهم و ميولهم عليك بل تتعرض للاضطهاد لو رفضت و الرهان دلوقتي علي الجيل الجديد و الاطفال هما مركزين مع الاطفال حاليا بشكل كبير جدا ومكثف الموضوع خطه متكامله للقضاء علي الدين و الهويه كلها لكن الي علينا التمسك بصحيح الدين و الهويه و تربيه الاطفال علي أسس سليمه و تقويه العقيده مش اسيب الاطفال للمجتمع و التلفزيون والنت يربيهم جزاك الله خيرا

اكيد طبعا حضرتك ذكرت نقطة مهمة
وهي اهمية التأسيس للاطفال منذ الصغر
بمبدأ الوقاية خير من العلاج ..
ده المفروض اللي احنا نتبعه حاليا
لو حابين فعليا نتخطي الامور دي ..

شكرا لحضورك الراقي..

[magda fathy]

الله اكبرررررررررررررررررررررررررررررررررر