الحلقه السادسه من حلقات استضافه ومعانا النشيط ( البيج بوص )

[واد حبيب]

السلام عليكم ورحمه الله وبركاته~

اعضاء المنتدي الكرام زوار المنتدي المتابعين
اهلا ومرحبا بكم في حلقه جديده من حلقات استضافه ومعانا
عضو مكروه في المنتدي قصدي محبوب في المنتدي
له نشاط واضح في كل الاقسام
معانا المبدع :

Big bốss

منتديات بنات مصر - مشاهدة الملف الشخصي: big bốss

*عرفت المنتدي ازاي؟

انا و ببحث عادى لقيتوا و كان بدايتى فى المنتديات

*سجلت علطول ولا فضلت شويه؟

سجلت على طول

*ليه سجلت باسم ده بتحديد مش اسم تاني؟

انا سجلت بكذا اسم و غيرت بس استقريت على دا
لانى لقيت نفسي فيه و بيعبر عنى القياده 😂

*اي اللي عجبك في المنتدي علشان تسجل فيه؟

كان مليان بنات 😂

*اكتر قسم بيعجبك في المنتدي قسم اي؟

قسم النقاش و الاقلام و اليوميات و التصميمات

*لنت بتكتب خواطر كويس ليه بطلت تكتب؟

يااخى كل ما اكتب يرد عضو يقولى حبك و قلبك و لو حزن يقلى ربنا يرفع عنك
مش شرط بكتب عن حاله بعيشها ممكن بكتب هوايه او موقف فالمعنى فى بطن الشاعر
بس هكتب تانى علشان شاعر الاحساس شجعنى

*انت مشرف علي قسم النقاش اي اللي عجبك في القسم؟

عجبنى انه بيطرح فيه الافكار و بنتبادل المعلومات مع مختلف العقليات
مش فيه جمود بتطرح موضوع و بتشكر عليه و بس

نور هنشوفو علطول في المنتدي ولا هيغيب تاني؟

انا اتولدت هنا و هموت هنا 😂
لن اترك ارض الوطن الغالى

انت مسجل من 2009اي اللي اتغير في المنتدي من زمان لدلوقتي؟

زمان كان فيه تفاعل و نشاط كبير اوى و مشجع اوى للاسف دلوقتى عاكسه خالصه
عالم الفيس و الميديا سحب البساط من المنتديات خالص 😔

مين اقرب الاعضاء لقلبك في المنتدي؟

كتير قديما حرف هجاء و ايمليا و توحد ارواح و نور و نار و منايا ناس كتير يارب يكونوا بخير

حاليا دمعه حائره و الخلل فداء و المفعوصه فجر و الشحبوره هاجر و الوليه ايمان
و شاعر الاحساس

ليه مش بتدخل في المسابقات وانت بتكتب كويس وقلمك رائع؟

مش فاضى من الشغل و مش مركز و موضوع التنسيق من الموبيل متعب مش زى الكومبيوتر

بتشوف مجاملات في الاقسام الادبي ولا كل واحد بياخد حقه؟

كله واخد حقه الا المتجوزين واخدين على قفاهم اولهم واد حبيب

اختار ليا 5 اعضاء بيعملو نشاط في المنتدي؟

كتير واد حبيب و سينا و شاعر الاحساس و حياه و دمعه حائره و ايمان و فداء
و شروق محمود لها بصمه حاليا

افضل موضوع شوفته وعجبك اوي كنت تتمني تكتبو انت؟

لست مفتقد شىء علشان اتمناها كامل الذات فى عقلى

كلمه شكرا تقولها لمين في المنتدي؟

بقولها لكل واحد عنده دم و رجع المنتدى و لبى دعوة دمعه حائره
اما الى الزائر خايك كدا جبان افتح المنتدى و انت فى الحمام و خايف يا جبان 😂

مين العضو اللي تقولو ارجع المنتدي محتاجك؟

طارق سليفستر اسبكترا و توحد ارواح و جبل عالى و احساسي صحيح و ناس كتير الذاكره
لا تسعفنى

شايف نفسك مظلوم في المنتدي ولا واخد حقك؟

مظلوم 🥺

اي اللي نفسك يرجع في المنتدي كان موجود زمان واختفي؟

اللمه الحلوه و السهرايه و الاعضاء الكتير

قول لينا اقتراح نعملو ننشط بيه المنتدي؟

اي حد معاه صديقه على الفيس يرجعه كتر الاعضاء هيشغل المنتدى من جديد

اي سبب خلافك مع الاداره السابقه وتم حظرك؟

كنت زمان عصبي بصراحه و مكنتيش راسي و عاقل و موزون و امور زى دلوقتى 😂
فكان اى مشكله تحصل اعمل لبش و دمعه حائره كتر خيرها هى الى حظرتنى 😂

نور كان مراقب عام ومش استمر كتير ده كان بسبب اي؟

اعداء النجاح يا بنى 😂 ما بقولك كنت عصبي

لو اتعرض عليك تكون مراقب في الوقت الحالي توافق؟

مراقب اى يا عم انت انا اداره على طول 😂
يا صحبي مبقاش فيه شغف على المناصب زى زمان خلاص ابو احمد زى ام احمد 😂

شايفك عامل شغل كتير في المنتدي ده علشان فاضي ولا بتحب المنتدي؟

حب و فض الاتنين بلاقى نفسي هنا بصراحه لان فيه ذكريات جميله هنا

لو ليك خلاف مع حد هنا بتحلو ازاي؟

كان زمان بالعصبيه دلوقتى بالحب 😂

كده خلصنا من المنتدي

نور شخصيه قويه ولا ليك نقطه ضعف؟

لا شخصيه قويه و قياديه

هل راضي عن حياتك الخاص والعامه ولا لا؟

الحمد الله دوما و ابدا

اي الموقف اللي يخليك تتعصب بسرعه؟

ان حد يقلل منى او يجرحنى او يجى على كرامتى

اي الحلم اللي بتحلمو ونفسك يتحقق؟

انى ابقى اب

واي الحلم اللي كان نفسك فيه واتحقق؟

ههههههه و لا حاجه

ماذا تفتقد فى حياتك؟

عايز اجرب احساس الابوه بصراحه 😂

ما هى الصفه التى لا تستطيع تغيرها فى نفسك؟

طيبة القلب و الابتسامه الدائمه

اكبر غلط غلطو ولحد دلوقتي بتندم عليه؟

انى مكنتيش بصلى

نور قلبه مسامح دايما ولا مش دايما؟

لا دايما و الله عبيط 😂

اي الشي المميز فيك غير باقي الناس؟

و لا حاجه انا انسان عادى مقدرش اميز نفسي بشى ء

علاقتك اي مع الجنس الناعم طيب ولا بتعاكس؟

علاقه عكسيه كل ما تكون موزه كل ما حبي يزيد 😂 و العكس صحيح

احكي لنا موقف حصل معاك وانت بتعاكس؟

انا اتكسف يا عم معاكسة ايه و اقرف ايه مليش فيه دا انا ممكن اقابل و اعزمها و نخرج
على طول اما معاكسه و قلة قيمه لا بس دا كان زمان 😂

تفضل الجواز عن حب ولا تقليدي واي الفرق بنهم؟

و لا دا و لا دا خليك عازب احسن

لو قولتلك قولنا موصفات شريكه حياتك هتقول اي؟

........

اي الدوله اللي نفسك تسافر وتقعد فيها طول حياتك؟

امريكا

هل المال سبب السعاده لك ولا في حاجه تانيه تسعدك بسهوله؟

المال من ضمن الوسائل و ليس الاساس

لو معاك مليون جنيه تعمل بيهم اي؟

هسافر بيهم و اعيش حياتى
وجهه كلمه لاعضاء بنات مصر

بحبكم بجد من كل قلبى


وكلمه لواد حبيب

انت بجد من اعمدة المنتدى

[حـيـــــآة ❤]

والله انت مسخره قال بنات قال 😂😂😂😂😂😂😂

ربنا يرزقك بالذريه الصالحه يارب ويفرح قلبك يا نور ❤️❤️
انت فعلا من أساسيات المنتدى
تسلم ابو إياد على الاختيار الجميل شخصيتنا الجميله
ربنا يسعدكم

[*فجر الاسلام*]

منور يا نور دايما ربنا يحققلك ما تتمني
ويسعد قلبك دايما زي ما بتحاول تسعد الناس
لقاء رائع والاجابات مختصره وحلوه
تسلم ي محمد علي مجهودك

[*فجر الاسلام*]

شايف نفسك مظلوم في المنتدي ولا واخد حقك؟

مظلوم 🥺
....
اه يا مرارتي 😒

[فصيح]

واحنا بنحبك يا نور ، واسئل الله رب العرش العظيم
أن يهبك الذرية الصالحة _ فقط ركعتين بجوف الليل
في الثلث الأخير ، تسعد بحول الله بما تطلب

تحياتي لك محمد وموفق نور ،،،، وحوركم جميل

[فداااااااااااء]

ههههههه والله مضحك جدا
ربنا يرزقك الخلفة الصالحة يا بج
ويدوم استمرارك الرائع هنا
سلمت اخى محمد
استضافة جميل مع ابو شمعة محروقة
خلل لما تلطش دماغك

[big bốss]

اقتباس المشاركة الأصلية كتبت بواسطة حـيـــــآة ❤ والله انت مسخره قال بنات قال 😂😂😂😂😂😂😂 ربنا يرزقك بالذريه الصالحه يارب ويفرح قلبك يا نور ❤️❤️ انت فعلا من أساسيات المنتدى تسلم ابو إياد على الاختيار الجميل شخصيتنا الجميله ربنا يسعدكم

خلقت من اجل المسخره

اللهم امين

تسلمى يا هاجر انا صريح مفيش بعد كدا صراحه 😂

[big bốss]

اقتباس المشاركة الأصلية كتبت بواسطة *فجر الاسلام* منور يا نور دايما ربنا يحققلك ما تتمني ويسعد قلبك دايما زي ما بتحاول تسعد الناس لقاء رائع والاجابات مختصره وحلوه تسلم ي محمد علي مجهودك

دعواتك يا حجه معانا و نبى

تسلمى نورتى

[big bốss]

اقتباس المشاركة الأصلية كتبت بواسطة *فجر الاسلام* شايف نفسك مظلوم في المنتدي ولا واخد حقك؟ مظلوم 🥺 .... اه يا مرارتي 😒

هفقعهالك قريب

[big bốss]

اقتباس المشاركة الأصلية كتبت بواسطة فصيح واحنا بنحبك يا نور ، واسئل الله رب العرش العظيم أن يهبك الذرية الصالحة _ فقط ركعتين بجوف الليل في الثلث الأخير ، تسعد بحول الله بما تطلب تحياتي لك محمد وموفق نور ،،،، وحوركم جميل

تسلم يا سيف ربنا يكرمك

انت من الناس الى عزيزه على قلبي