ماتكملش

[*فجر الاسلام*]

السلام عليكم ورحمة الله وبركاته
لو فاكر ان اللي بتعملوا هيرجعلك تبقي غلطان
هو ممكن يرجع ف الاخر عشان اللي عند ربنا مش بيتنسي
بس كل حاجه اديتها لاشخاص ماتستحقهاش
استني اقف شويه راجع نفسك
ازاي محدش اخد بالو من حبك واهتمامك وخوفك ولهفتك عليهم
ازاي عايش كل ده وموقف ورا موقف بتوقع وماتلاقيش حد معاك
لو لسه ف اول الطريق بقولك ماتكملش ودور علي اللي يستحق منك كل ده
ده لو لقيتو
ولو مالقيته عيش لوحدك احسن
الحيطان بتسند وربنا
وشكرا

[ملك الليل]

مفيش حد بيقف علي حد ومفيش حد بيعمل حاجه علشان مستني مقابل من حد في ناس بتعمل ده حب او اهتمام او حتي خوف
وناس اتعودت علي كده مع جميع الناس

[حـيـــــآة ❤]

ياسطا ال يسيبنا نسيبوه
واللي يبيعنا نبيعوه
Big toz

[بحر القمر]

وعليكم السلام ورحمة الله وبركاته


اولا اهلا بيكي اختي الكريمه
ثانيا ليه على طول واخده الحياه من موقف زعل ؟ هل لاحساسك العالي ولا لعدم ثقتك ؟
انك تكوني صاحبة مشاعر صادقه وعاليه امر يحسب لك لكن اللي يحسب ضدك في حق نفسك هو استمرار زعلك بالشكل ده على طول الخط
ثالثا انا متلقي او متابع او بتشرف اني بقرأ لك وكلامي ده مش هجوم مني نحوك لا خالص انما يا اختي الكريمه خلي عندك الحلم مش الحلم واحنا نايمين او الحلم لتحقيق حلم لا الحلم في المنطقيه في مشاعرك خصوصا وسيدنا محمد صل الله عليه وسلم كان اعظم الحالمين فوق الارض
رابعا انتي صاحبة فكر مغلف بالاحساس الصادق زودي عليهم شوية قوه وهدوء من اجلك


اختي
ارجوا كأخ عدم الزعل من تعليقي انا عملت التعليق من بعض قراءاتك اللي هي نتايج فكرك ولو تعليقي هيزعلك هعتذر علني بكل وضوح لان الاخ دايما يحب يشوف اخته في احسن حال لها

اتمنى من ربنا يوهبك كل الخير ويحقق كل احلامك

[فداااااااااااء]

لو بتدى علشان عايزة تاخدى يبقي من الاول ماتديش اى حاجة خالص
لكن لو بتدى مشاعر بحب من غير انتظار مقابل يبقا دا نابع من قلب بيحب بصفا
مش كل حاجة ننتظر منها حتى شكر ولا معاملة بالمثل
فى اشخاص فى حياتنا بندى ليهم حب واهتمام من غير ما ننتظر الرد بالمثل لان حبنا اكبر
من مطالبة برد المشاعر

سلمتى عزيزتى

[gold rose]

للأسف الي بيعمل كدا فهوا بيعمل كدا بحب عشان هوا عاوز كدا ومش بإيده يبطل دا إلا لو بطل يحب ويا رب ربنا يوقعها ع طول في ولاد الحلال الي بيقدرو دا

[شروق محمود]

فضفضه جميله فجر
بتعبر عن حاله موجوده بالفعل

[*فجر الاسلام*]

شكرا لمروركم الله يسعدكم

[محمود الصاروخ]

كبري دماغك

[*فجر الاسلام*]

كبرتها اوي 😁😁😁