إعــلان يهمك

[فصيح]

إعلان يهمك


لأني بحبك .. وعاشق هواك

يسعدني أقولك .. هاكمل معاك

يا ناعم وطيب .. يا آية جمال

أسيبك دا لا لا.. أبداً محال

صباح السعادة .. يا سكر زيادة

إعلان يهمك .. روشته وعيادة

بحبك بحبك .. وقلبي شاريك

تزيد في دلالك .. تقول البعاد

يؤسفني أقولك .. بحب العناد

وطلبت معايه .. ما بينا ميعاد

أصول المحبة .. هيام وغرام

إخلاص وغيره .. مهوش كلام

عامل حسابي .. وواخد قراري

تمام التمام .. هتمشي بنظامي

ما بينا سلام .. هتعوج معاك

وتقلب دلال .. ما بينا يا حلوة

غرام وانتقام .. صباح السعادة

يا سكر زيادة

إعلان يهمك .. روشته وعيادة

لأني بحبك .. وعاشق هواك

يسعدني أقولك .. هاكمل معاك


سيف عبدالرحمن

[شروق محمود]

عزف راقى بالكلمات
وفيها رتم جميل
سلم نبضك

[*فجر الاسلام*]

اي الجمال ده كلو
حلوه جدا مش جديد علي ابداعك يا سيف
يدوم التواجد
تحياتي

[واد حبيب]

الله علي ابداعك يا ملك الرومانسيه
بجد روعه كلماتك
تحياتي والتقيم والتثبيت لجمالها

[دمعه حائره]

هو كده تمام التمام فعلا واحلى كلام
ايه العظمه دي
بجد انت مبدع ياسيف
تسلم ويدوم وجودك

[حـيـــــآة ❤]

هي فعلا عظمه جدا وفوق العظمه
يحييك كاتبنا
تسلم

[شاعر الإحساس]

العنوان لوحده جذاب...
والمحتوى كان اكثر جذبا...
والمشاعر طغت فاسمعت همس حنينها...

عاميه جدا ممتعه رقيقه...
سلسه حد التمكن والرقي ....
معزوفه عذبه وموسيقى هاديه بالحروف...
اجدت ياصديقي بالعاميه...كجودة فصحتك

دام نبض قلمك وحرفك
ودمت بكل خير وسعاده
تحيااتي وتقديري واحترامي



شاعر الإحساس

[ahmed 22]

والله يا فصيح المحتوي اللي قدمته هنا جذاب
حتي فكرني بفرقة اسمها عمدان النور
وانا بقرأ الكلام لاقيته ماشي علي لحن
بتاعه اغنية ليهم لو تعرفها
اسمها مسارح وسيما
تقريبا نفس الاستايل مع اختلاف
ان هنا الكتابة رومانسية ...

ممتغ ومتجدد دايما يا معلم
فدام الرقي و الابداع ..

[ايمان طلعت]

حلوه اوي يا سيف
والعنوان كمان اختيارة موفق
دام نبض قلمك واحساسك
تحياتي

[مهيب الركن .]

كلمات راقيه اخى الغالى
تحياتى لنبضك المميز وحرفك الأسطورى