ايه اللي ممكن يحصل؟

[د/ عبد الله]

لما ييجي الدور على مصر ونلاقي علم اسرائيل بيرفرف على برج القاهرة
ومكتوب تحته شالوم عليكم
يا ترى موقفنا كشعب هيكون ايه
هل هنثور ونرفض العار ده ولا هنتقبله زي ما تقبلنا كل حاجة؟

[big bốss]

معتقدش هيحصل كدا لان مصر اكبر من كدا بكتير

بس احنا كشعب مش هنتقبل

تحيا مصر 🇪🇬

[واد حبيب]

اعتقد بعد ما شوفت الامارات والبحرين
هيكون في مصر قريب اوي
بس هيحصل مشاكل كتير

[gold rose]

معتقدشي إن دا هيحصل
بس لو حصل ودا برضو مش بعيد
عادي هنعمل زي بقيت الشعوب الي رفضت وصوتها مش هيبقى ليه أي لازمه ولا حد هيسمعه والتطبع هيحصل وخلاص

[ahmed 22]

هو بالفعل اصلا في معاهدة سلام بينا ويبن اسرائيل
وفيه علاقات رسمية بتمثيل دبلوماسي كامل بينا وبين اسرائيل
والسفارة موجودة والعلم مرفوع عليها .. والتطبيع تمام وزي الفل ..
احنا دورنا حاليا ان احنا بنبارك للامارات والبحرين
انهم طبعوا ليس اكثر او اقل ..
وانها خطوة من اجل السلام والانبساط العالمي

[Aya 7ekaya]

لو حصل كده ف زى اللى سبقونا هيقدروا ينفذوا الخطه بإحكام لان مش قدامهم حلول تانية و هتلاقى الشعب لو حب يتكلم بيتكلم ف سره خايف بتسمع الا يتحكم عليه بالاعدام
للاسف احنا وصلنا لحال صعب جدا
موضوع محتاج نقاش فعلا و أتمنى ان احنا من جوانا نكون مقتنعين بس أن فى امل

[دمعه حائره]

يادكتور اصلا فيه معاهده وتطبيع بين مصر وإسرائيل
وعلم مرفوع علي السفاره مش هتفرق بقي
بس مفتكرش يتحط علي اي رمز موجود عشان هيبقي مستفز

[د/ عبد الله]

انا فعلا جوايه صوت بيقولي مصر أكبر من كده ومش هيحصل
لكن بلاقي جه قدامي مشهد من فيلم ليلة سقوط بغداد وهو بيقوله احنا وضعنا مختلف
والنهاية كانت معروفة.

[د/ عبد الله]

أحمد
منة
أنا عارف ان فيه تطبيع من زمان
لكنه تطبيع سياسي
أنا بتكلم على ان الامر يبقى تطبيع شعبي وتبقى دعوة لنزع اي كراهية للصهاينة ونمشي شايلين علم اسرائيل ووو
الموضوع شغال على قتل اي بغض للصهاينة من الشعوب
والتعامل معاهم كأصدقاء

[ahmed 22]

بالمناسبة .. عشان نسيت اضيف حاجة
هو الموضوع مش هيفرق كتير بالنسبة ليا ..
المبدأ واحد ...
الامارات ماحطتش علم اسرائيل علي برج خليفة
الصورة فوتوشوب ...
اسرائيل هي اللي حطت علم الامارات
علي احد مراكز التسوق عندها ...