ايهما افضل؟

[big bốss]

ايهما افضل؟

ان ابنك يشرب سجاير من وراك و لما يشرب قدامك تضربه و يخاف منك
بس انت عندك علم انه بيشرب

و لا

ان ابنك يشرب سجاير قدامك و تقول لنفسك ما هو كدا كدا بيشرب
يشرب قدامى احسن؟

ايهما افضل فى التربيه فعل الخطا امام الوالدين ام اخفاءه بدافع الخطا؟

[واد حبيب]

سيبك انت من ده كله
هيه السجاير لزمتها اي اصلا

[*فجر الاسلام*]

مايشربش خالص
وعلي فكره كل اللي ضرب ف النهايه ابنو شرب
يعني الغلط مايتعالجش بالعنف
يمكن لو كان بالهداوه كان سمع الكلام
ربنا يعفو عن الجميع

[ايمان طلعت]

مهو مادام غلط هيشرب من وراه
وان كان الاب بيشرب ازاي هيقولة متشربش
الاب لو عرف اكيد هينصحه لو النصيحه مجبتش نتيجة يحرم من المصروف
ويتابعه دة لو لسه صغير مراهق
اما لو الابن كبير في السن فميصحش يشرب قدام والده احتراما

عموما السجاير حرام لانها بتضر الجسم وبتضر الغير

[شروق محمود]

فعلا فى كتير بيشربوا سجاير
ولكن بالنسبه للسؤال
مش ينفع باى حال من الاحوال
ان الابن يشرب قدام الاب او الام كمان
وهما ف الغالب بيكونوا عارفين
ولكن لا يصح يشرب قدامهم خالص

[big bốss]

اقتباس المشاركة الأصلية كتبت بواسطة واد حبيب سيبك انت من ده كله هيه السجاير لزمتها اي اصلا

ما هى واقع لا يمكن انكاره

[big bốss]

اقتباس المشاركة الأصلية كتبت بواسطة *فجر الاسلام* مايشربش خالص وعلي فكره كل اللي ضرب ف النهايه ابنو شرب يعني الغلط مايتعالجش بالعنف يمكن لو كان بالهداوه كان سمع الكلام ربنا يعفو عن الجميع

ما هو انتى مش هتقدرى تمنعيه كان غيرك اشطر

[big bốss]

اقتباس المشاركة الأصلية كتبت بواسطة ايمان طلعت مهو مادام غلط هيشرب من وراه وان كان الاب بيشرب ازاي هيقولة متشربش الاب لو عرف اكيد هينصحه لو النصيحه مجبتش نتيجة يحرم من المصروف ويتابعه دة لو لسه صغير مراهق اما لو الابن كبير في السن فميصحش يشرب قدام والده احتراما عموما السجاير حرام لانها بتضر الجسم وبتضر الغير

يا جماعه احنا عارفين انها زفت و حرام

لكن ايه التربيه الصحيحه علشان تعالجى المشكله دى يا ايمان

[big bốss]

اقتباس المشاركة الأصلية كتبت بواسطة شروق محمود فعلا فى كتير بيشربوا سجاير ولكن بالنسبه للسؤال مش ينفع باى حال من الاحوال ان الابن يشرب قدام الاب او الام كمان وهما ف الغالب بيكونوا عارفين ولكن لا يصح يشرب قدامهم خالص

ممكن اخفاء الحقيقه حل بس مؤقت مش حل جذرى

هيجى الوقت و يشربها امامهم

[ايمان طلعت]

اقتباس المشاركة الأصلية كتبت بواسطة big bốss يا جماعه احنا عارفين انها زفت و حرام لكن ايه التربيه الصحيحه علشان تعالجى المشكله دى يا ايمان

طب مانا قولت ننصح لو مستجبش حرمان من المصروف مع المتابعة
وفي الاصل لو متربي من الاول مش هيشرب
انا يوسف ابني جه مرة وقالي حد بيسأله مبتشربش سجاير ليه
سألته و قولتله ايه قالي قولتله حرام