خالتي بمامبا رجعت تاني ... يوميات خالتي بامبا

[عاشق ولهان]

بسم الله الرحمن الرحيم

عوده من جديد ليوميات خالتي بامبا الست الحشريه اللي مطلعه عنيا من اول يوم شوفتها فيه

خالتي بامبا جالها عقد إحتراف فين معرفش المهم انها طفشت وريحتنا منها ومن آرها ولسانها اللي طوله مترين

.. قاعد لا بيا ولا عليا إلا والموبايل بيرن

ألووووو مين بيتكلم

ألوووو في عينك متختيشيش إتعلم إزاي تكلم أنسات بطريقه شيك

أعوز بالله الصوت ده مش غريب عليه .. مين حضرتك

دلوقتي بتتكلم كويس الهي يجيلك مغص في ضوافرك

مين خالتي بامبا وانا اقول اللسان الطويل سمعته فين قبل كده

أنا لساني طويل يا عاشق إلهي اشوف واد حبيب طويل واهبل كده

كنتي فين يا خالتي وايه الغيبه الطويله دي

جالي عقد احتراف في بولاق بس مش عارفه هو بولاق ابو العلا ولا بولاق الدكرور

طيب وعملتي ايه يا خالتي

مفيش يا اخويا فضلت قاعده في النص لما العقد خلص ورجعت

وحشتوني يا عاشق انا جيالكلم من تاني وحشني موووت

تشرفي يا خالتي انا والجميع في انتظارك

طيب سلام بقي واشوفكم بكره

سلام يا خالتي

وتاني يوم شرفت خالتي واستقبلناها كلنا

هاي عاشق

أهلا ً يا خالتي لسانك اتعوج ليه كده

مش كنت محترفه يا عاشق ولغات ايه مقولكش

كل ده في بولاق أومال لو روحتي طنطا تعملي ايه

وبعدين معاك متكسفنيش يا عاشق صحيح الناس راحت فين

قدامك اهم يا خالتي سلامة النظر

يووووه اللي كانو موجودين زمان يا مضروب

اغلبهم طفش يا خالتي بس دمعه رجعت ناس كتير منورين


ومين البنت اللي حاطه ايديها في وسطها دي

دي دمعه حائره منه مش فكراها يا خالتي

ايوه هي والله و كبرتي يا منونه .. دنا احلي منك وبعرف احط ايدي في وسطي زيك

بتقولي ايه يا طنط

لا يا شاطره انا من بنها مش من طنطا ..

وت دو يو ساي

مش هرد عليكي علشان بابي علمني مردش علي اللي يغلط فيا

انتي لسه عندك بابي دانتي اد جدتي

فشر دنا اصغر منك حتي شوفي رموشي

دول شعرتين بس يا خالتي

دي موضه يا حبيبتي ايه وصلك للموضه بتاعتي

ومين اللي واقف معوووج ومش مالي عينه حد

ده نور البيج بوص يا خالتي اللي كان نفسك تتجوزيه يا خالتي

فاكراه يا اخويا مش ده اللي زوغ مني في اخر لحظه

ومين اللي واقفه لوحدها دي

دي حياة إسمها هاجر

ليه ياخويا هي معاها منديل هتودع مين

لا يا خالتي هي مش هتودع حد هي بس عندها دور برد

ومين البنت اللي بتلعب في شعرها دي ومش عاجبها حد

دي إيمان طلعت دي شاعره كبيره

وبتقولي شعر كمان منا برضو بقول شعر

انتي بتعرفي شعر يا خالتي متسمعينا حاجه

( لما تنساني إبقي افتكرني .. إياك تفكر ترجع وتقرفني )

هو مين اللي يقرفك يا خالتي

هو فيه غيرك قارفني ورمت الورد في وشي وجرت

طيب ليه كده ده بوكيه ورد محصلش

انت كمان هتنصب دي وردايه واحده وهتقول بوكيه هههه

بكده تنتهي حلقتنا وحمدالله علي السلامه يا خالتي

[big bốss]

ههههه مش عجباها منه و لا ايمان

دى جباره خالتك ام رموش شعرتين 😂

استمر يا غالى

[حـيـــــآة ❤]

ههههههههههههخ
انا فعلا صحيت عندي برد دي اللعنه بتاعت خالتي بامبا ولا اي
😂😂😂
رهيبه الخزعبلايه
تسلم اخي

[دمعه حائره]

هاتوها والنبي لاضربها علي بوقها الوليه دي
وانا شايفه طنطا اتقالت كتير هنا
تعالي بس يابامبا انتي وهتشوفي الواجب
بجد ياعيد موتني ضحك

[ايمان طلعت]

مش هتجبها لبر خالتي بامبا دي
و بتشعر كمان ام شعرتين
تدخل هي بس من باب المنتدى وهنقفل عليها ونقلبها خالتي سودا
جميل استاذ عيد كمل معاها اما نشوف اخرتها ايه

[واد حبيب]

شوف يا عم الحاج اتكلم عن اي محافظه اي طنطا دي خط ازرق
حلوه كعاده يا عاشق بس استمر في تقدمها دايما
تسلم يدك

[حازم34]

هيا دي مشكله الاحتراف تروح لها كم يوم وماتكملش ههههههههه ازيك يا خاله بامبه العواف يا حاجه وانا كنت اشوف حفيظ دراجي يقول رهيبه ولا رهيبه على احترافك يا خالتي.... بس جايه كدا ولسانك اتعوج..... وصغرتي يا مضروبه كدا بقى عندك يجي سبعين كدا كنت سايبك في التمانين... يله بقى الاحتراف بقى..... ومش عاجبك حدا خالص كدا يا مضروبه........ ناييس نايس ولا يا عاشق ودايما كدا منور تحياتي الك

[فداااااااااااء]

هو محدش قادر على الست بامبا ليييه
هههه جميلة الخزعبلاية اخى تسلم ايدك

[Andromeda]

هههههههههههه كدا فليحذر الجميع
حاسس اني في فيلم بوحه

منتظرين الحلقات الجديده

[Aya 7ekaya]

واضح أن مش عاجبها حد لو شوفنا صورتها هتطلع شبه فردة الكوتش ف الاخر😂
بطالب انها تطلع لايف هنا
نايس توبيك ي عاشق