طاجن بيض،، مسابقه شيف المنتدي

[دمعه حائره]

اهلا بأعضاء منتدانا الجميل
المطلوب كان اكله فيها البيض وبصوا بقي أنا علاقتي بأكل البيض
لاتتعدي المسلوق وبيض بالبسطرمه
لكن بابا ياستي بيحب حمص بالبيض وعشان خاطره
وخاطرك لازم يتعمل
وده حمص طبيخ عشان سمعاك يالي بتقول طنطا بلد الحمص
الطريقه بالخطوات
بصله صغننه وفصين توم وفلفله خضرا نفرمهم ناعم
وتتحمر في زبده وبعدها تحط عصير طماطم
ونسيبهم شويه علي النار كده

مركز الخليج

وبعدين ايه نحط حمص طبيخ مسلوق ومتصفي ونسيبهم علي النار
وتظبطي الملح والفلفل وبهارتك وتكاتك وممكن تتعمل من غير حمص بردو

مركز الخليج

وبعدين يتحط في قالب ونكسر البيض علي الوش كده ورشة فلفل
ويدخل الفرن يستوي كنت عاوزه احط جبنه شيدر
بس بابا ياستي مش عاوز جبنه 😊

مركز الخليج

وده الشكل النهائي اتفضلوا عندنا

مركز الخليج

مركز الخليج

[واد حبيب]

الله عليكي ياشيف المنتدي
جميل التوضيح بصوره علشان الكل يتعلم
طريقه جميله واكل ماشاء الله ممتاز
تسلم ايدك علي الشرح والطريقه الجميله في التقديم
ياريت الكل يشرح كده علشان الكل يتعلم
تحياتي لكي

[حـيـــــآة ❤]

الله بجد عالجمال ❤️❤️
حلوه اوي وشكلها يجنن
وزي مابيقولك العين فعلا بتاكل قبل الفم
وما شاء الله شكلها حلو جدا ❤️❤️
تسلم ايدك ياحبي

[شاعر الإحساس]

ياجدعااان انا لسه مأكلتش ياجدعان بقى 😂
هزعلكوا كلكو مليش فيه 😂
وربنا مانا واكل...وربنا مانا واكل 😂😂

تسلم ايدك يا منه
ماشاء الله شكلها شهي اوي بالهنا بالهنا
طبعا الطريقه دي ولا اي بتنجان معايا..مليش فيها
انا اتفرجت ع الخلاصه في الصوره وكدا فله😂

بجد تحفه تسلم ايدك
وبالتوفيق

[فداااااااااااء]

جميلة يامنون
تسلم ايديكى الحلوة قمرى
بالتوفيق لكي

[شروق محمود]

الله الله
شكله جميل واكيد طعمه لذيذ
تسلم ايدك حبيبتى

[*فجر الاسلام*]

تسلم ايدك حبيبتي ربنا يخليهولك
بالتوفيق

[سيناا]

على كدة احنا اكيد حنتفضل مافي مجال ههههه

روعاتك ولمساتك المطبخية الذيذة يا ابليتي

ايه دة كله طاجن كمان لا لا ماشاء الله عليك

[gold rose]

الله يا منه شكله شهي جداً
أنا أول مره أشوف الطريقه دي للبيض
تسلم ايدك يا رب

[big bốss]

حلو يا منه تسلم ايديك

بس مش بحب البيض هاكل حمص بس