الحلقه الثامنه من حلقات استضافه ومعانا الرائعه ( حياة )

[واد حبيب]

السلام عليكم ورحمه الله وبركاته ~

حلقه جديده من حلقات استضافه لكن تختلف عن الاخرين لاننا معانا قلب المنتدي النابض قلبها جميل واخلاقها اجمل ودمها خفيف وزي الفل
معانا عضوه الكل بيحبها وبيحترمها قلبها كطفله الصغيره وعقلها كعالمه كبيره
ضيفه حلقه اليوم القلب الطيب
حياة
منتديات بنات مصر - مشاهدة الملف الشخصي: حـيـــــآة ❤
اهلا اهلا بعروسه المنتدي
امته عرفتي منتدي بنات مصر؟
ومين عرفك عليه؟
انا كنت تقريبا زهقانه قرفانه فالقيته قدامي ونا ببحث ع حاجه قولت اسجل
اي اللي شدك انك تسجلي فيه؟
فضاوة بعيد عنك
اي المميز في المنتدي ده عكس اي منتدي تاني؟
الروح الحلوه وانه مهما حصل مشاكل بنتصافى
اي اللي عجبك في قسم اليوميات علشان تكوني مشرفه عليه؟
لا الحقيقه انا فتحت فجأه لقيتني مشرفه بس كان سامر مبلغني قولتله مش عايزه وهوب لقيتني مشرفه
هل ده كان اختيارك ولا حد قالك امسكي اشراف علي القسم؟
كان اختيار لمار ليا انا وسيناا
اي الجديد اللي هيكون في القسم الفتره اللي جايه؟
بعون الله هنكسر الدنيا بس انت ادعي هههه
ماشاء الله عامه مسابقه جميله الفكره دي جاتلك ازاي؟
الفكره جتلي من حفلة الطبخ ال عملناها انا وإيمان ونور ومنه وايلانا وايه 😂
كنت شوفت ليكي كلام في المدونه زعلانه انك مشرفه ليه؟
اه بص انا لما رجعت للمنتدى رجعت بصراحه عشان المكان انا بحبه ووحشني إنما فكرة اني ابقى مشرفه لاء انا كنت هنا واتحظرت من هنا وكل ال عملته اتنسى عشان خاطر عضوه معينه!! فافكرة ان انا اتحظرت دي مخليه المنتدى دمه ثقيل على قلبي فافكرة اني اعمل حاجه تاني بردو كانت تقيله ع قلبي بس ربنا يخليلي الناس ال مكبراني ومقدراني دايما❤️ دي اول حاجه تاني حاجة انا عندي ليسانس السنادي حابه اتفرغ ومنشغلش كله خير
مين اقرب اعضاء ليكي هنا؟
فجر ومنه
لما بتكونو مع بعض بتجبو سيره الناس ولا مفيش الكلام ده؟
ياه دا اساس الشات ههههه
اي الفرق بين المنتدي زمان والمنتدي دلوقتي؟.
ييي فرق كبير جدا انا مفتقده كل حاجه مفتقده نفسي حتى
لو قولتلك قولي اقتراح لتنشيط المنتدي تقولي اي؟
منه وامجد يمسكو اداره ونرجع التقييمات والكريمات زي زمان ونشجع الناس تدخل بروحنا الحلوه ونحفزهم يعني مثلا ال يسجل ياخد هديه مشاركات وكدا
مين العضو اللي تقوليلو ارجع وحشتني؟
كتيير اوي اسيل حرف هجاء وأم حمني وهبه ستوب انا التوب وارهابيه وامي عارفه.. ويويا ونور راقيه بأخلاقي وماجد الفيلسوف العاشق ومحمود الفيلسوف وساره كاونتس انا بتواصل معاها هجيبها من قفاها هههه وناس كتير اوي مش عاوزه انسى حد
اي اكتر قسم عجبك في المنتدي؟
الفضفضة
ليه مش بنشوف موضيع ليكي زي الاول؟
انطفيت اهاهاها
انتي مظلومه في المنتدي ولا واخده حقك؟
اه اتظلمت زي م حكيت فوق
اختاري عضو واحد تقولي له انت ملك المنتدى؟
منه
وعضوه تقولي لها نفسي اشوفك واقعد معاكي؟
فجر
وعضوه واحده تقولي لها انتي ملكه الرومانسيه؟
لمار
لو قالولك امسكي الاداره هتقولي اي؟
ممممم صدقني مش عارفه ع حسب
اي اكتر حاجه زعلتك في المنتدي؟
انهم نسوا مين حياه وحظروها دا حتى حظروني تقريبا كان يوم واحد
كلمه شكرا انت سبب وجودي في المنتدي تقوليها لمين؟
كل الناس ال بتبقي موجوده وقت انهيار المنتدى
كده خلصني من المنتدي
عرفيني عن نفسك في بعض السطور اسمك وسنك ودراستك؟
اسمي عارفينه وسني تحت اسمي اهو هههههه انا ف كلية الآداب جامعة الإسكندرية قسم الفلسفة
دخلتي الكليه اللي كنتي بتحلمي بيها؟
لأ بس الحمد لله
اي طموحك في الحياه؟
عايزه ابقى انسانه ليها كارير متعتمدش ع حد نفسي اوصل للدرجه دي بجد
احلامك بتتحقق ولا زي باقي الأحلام؟
الحمدلله أملي ف ربنا كبير ❤️
اي الحلم اللي حلمتي بيه واتحقق؟
للأسف مفيش
ليكي في المطبخ ولا فاشله زي باقي البنات؟
نعم اومال مين ال بيطبخلكم ههههه طبعا بطبخ بس في حاجات بمتنع عن طبخها زي البط والكلام دا
اي الفرق بين هاجر وحياة؟
اسم حياه دا لزق فيا لدرجه ان صحابي محدش بيقولي هاجر انا لما يتخانق بقول بقولك اي هطلعلك هاجر ال جوايا هههه بحس هاجر بلطجيه كدا وجدعه وحياه هاديه
ماذا تفتقدين فى حياتك؟
راحة البال
ما هى الصفه التى لا تستطيعى تغيرها فى نفسك؟
العصبيه انا بهيبر جامد واني برمي زلط ونا متعصبة
- ما هى اكبر أخطائك؟
العصبيه بردو
و هل تغتفر فى حق الغير؟
م انا بحاول امسك نفسي انا بتعصب ع الحاجات هههه
اي الميزه اللي فيكي مش عند باقي الناس؟
مفيش دنا هبله
هاجر شخصيه رومانسيه ولا اجتماعيه؟
اجتماعيه انا غير رومنسيه بلمره
اي العيب اللي فيكي ونفسك تغيريه؟
العصبيه
بما انك داخله علي جواز تفضلي الجواز عن حب ولا تقليدي؟
مفيش حاجه اسمها حب صلي عالنبي
قولينا اي موصفات شريك حياتك؟
اهم شئ يكون بيصلي ويحبني لان لو محبنيش هبقى لا اطاق بالنسباله لاني شخصيه مزاجيه جدا.. وبيحترمني
اي السبب اللي ممكن ترفضي اي عريس بسببها؟
انه يكون روش ومش بتاع ربنا وبتاع بنات.. وانه يتحكم اوڤر + سنه لو فرق بيني وبينه فوق ١٠ سنين برفض
تختاري الشغل ولا الجواز؟
الشغل جداا
اي الحاجه اللي ممكن تتنزلي عنها علشان حبيبك؟
اي حاجه هتعطل او تتوقف العلاقه ممكن اغيرها
هاجر حبت قبل كده ولا لا؟
محدش ف الدنيا محبش
مين اقرب حد ليكي في بيتكم ؟
امي ❤️
الي الفرق بين العيشه في مصر والسعودية؟
فرق السما والأرض عارف زي م يكون انت كنت فوق اوي وحد جابك هبدك جامد اوي فالارض هو دا الفرق.. السعودية وطني الاول ال هفضل اتمنى ارجعله ارضي ال عشت فيها عمري كله
واي الميزه اللي في السعوديه مش موجوده في مصر والعكس؟
السعودية نظام ونظافة وهدوء وكل حاجة حلوه علفكره دا ايام الملك عبدالله الله يرحمه.. مصر والله مافي ميزه اقولها بس هي فيها روح بتشدك ترجعلها يعني انا كنت دايما بقول لبابا عاوزه انزل مصر.. بالمناسبه انا نزلت مصر نهائي بارادتي
لو جت فرصه تروحي السعوديه تاني تروحي ولا لا؟
اروح وبشده واقول باي باي مصر
كلمه لاعضاء المنتدى؟
بحبكم جدا وبحب اي حد بيشتغل عشان المنتدى دا ❤️❤️
وكلمه لواد حبيب مقدم البرنامج؟
انت شخصية محترمه وبعتبرك اخويا الكبير ال دايما يتهمني نصايحه ربنا يكرمك ويسهلك كل امورك ❤️

[*فجر الاسلام*]

وعضوه تقولي لها نفسي اشوفك واقعد معاكي؟
فجر
حبيبتي وانا كمان والله 😢
طيب انا اسفه وافقت ع الموضوع قبل ما يتنسق
تسلم ي محمد يدوم النشاط

[big bốss]

حلقه جميله بس ليا تعقيب مصر مفيش اجمل منها

و بزعل جدا لما حد يهين وطنه

نيجى لموضوع الحظر انا معرفش الحكايه بس الموضوع

واضح انه مزعلك بس كبرى دماغى احنا هنا بنتسلى

انا اتحظرت مرتين و دمعه حائره هى الى حظرتنى 😂

فعادى جدا مش فى الشغل احنا

و هاجر انسانه طيبوبه و مرحه و انا بعزها جدا و بحبها زى اختى

و ياريت شيلى فكرة انك تمشي من المنتدى هنمشي وراكى

[حـيـــــآة ❤]

اقتباس المشاركة الأصلية كتبت بواسطة واد حبيب السلام عليكم ورحمه الله وبركاته ~ حلقه جديده من حلقات استضافه لكن تختلف عن الاخرين لاننا معانا قلب المنتدي النابض قلبها جميل واخلاقها اجمل ودمها خفيف وزي الفل معانا عضوه الكل بيحبها وبيحترمها قلبها كطفله الصغيره وعقلها كعالمه كبيره ضيفه حلقه اليوم القلب الطيب حياة اهلا اهلا بعروسه المنتدي امته عرفتي منتدي بنات مصر؟ ومين عرفك عليه؟ انا كنت تقريبا زهقانه قرفانه فالقيته قدامي ونا ببحث ع حاجه قولت اسجل اي اللي شدك انك تسجلي فيه؟ فضاوة بعيد عنك اي المميز في المنتدي ده عكس اي منتدي تاني؟ الروح الحلوه وانه مهما حصل مشاكل بنتصافى اي اللي عجبك في قسم اليوميات علشان تكوني مشرفه عليه؟ لا الحقيقه انا فتحت فجأه لقيتني مشرفه بس كان سامر مبلغني قولتله مش عايزه وهوب لقيتني مشرفه هل ده كان اختيارك ولا حد قالك امسكي اشراف علي القسم؟ كان اختيار لمار ليا انا وسيناا اي الجديد اللي هيكون في القسم الفتره اللي جايه؟ بعون الله هنكسر الدنيا بس انت ادعي هههه ماشاء الله عامه مسابقه جميله الفكره دي جاتلك ازاي؟ الفكره جتلي من حفلة الطبخ ال عملناها انا وإيمان ونور ومنه وايلانا وايه 😂 كنت شوفت ليكي كلام في المدونه زعلانه انك مشرفه ليه؟ اه بص انا لما رجعت للمنتدى رجعت بصراحه عشان المكان انا بحبه ووحشني إنما فكرة اني ابقى مشرفه لاء انا كنت هنا واتحظرت من هنا وكل ال عملته اتنسى عشان خاطر عضوه معينه!! فافكرة ان انا اتحظرت دي مخليه المنتدى دمه ثقيل على قلبي فافكرة اني اعمل حاجه تاني بردو كانت تقيله ع قلبي بس ربنا يخليلي الناس ال مكبراني ومقدراني دايما❤️ دي اول حاجه تاني حاجة انا عندي ليسانس السنادي حابه اتفرغ ومنشغلش كله خير مين اقرب اعضاء ليكي هنا؟ فجر ومنه لما بتكونو مع بعض بتجبو سيره الناس ولا مفيش الكلام ده؟ ياه دا اساس الشات ههههه اي الفرق بين المنتدي زمان والمنتدي دلوقتي؟. ييي فرق كبير جدا انا مفتقده كل حاجه مفتقده نفسي حتى لو قولتلك قولي اقتراح لتنشيط المنتدي تقولي اي؟ منه وامجد يمسكو اداره ونرجع التقييمات والكريمات زي زمان ونشجع الناس تدخل بروحنا الحلوه ونحفزهم يعني مثلا ال يسجل ياخد هديه مشاركات وكدا مين العضو اللي تقوليلو ارجع وحشتني؟ كتيير اوي اسيل حرف هجاء وأم حمني وهبه ستوب انا التوب وارهابيه وامي عارفه.. ويويا ونور راقيه بأخلاقي وماجد الفيلسوف العاشق ومحمود الفيلسوف وساره كاونتس انا بتواصل معاها هجيبها من قفاها هههه وناس كتير اوي مش عاوزه انسى حد اي اكتر قسم عجبك في المنتدي؟ الفضفضة ليه مش بنشوف موضيع ليكي زي الاول؟ انطفيت اهاهاها انتي مظلومه في المنتدي ولا واخده حقك؟ اه اتظلمت زي م حكيت فوق اختاري عضو واحد تقولي له انت ملك المنتدى؟ منه وعضوه تقولي لها نفسي اشوفك واقعد معاكي؟ فجر وعضوه واحده تقولي لها انتي ملكه الرومانسيه؟ لمار لو قالولك امسكي الاداره هتقولي اي؟ ممممم صدقني مش عارفه ع حسب اي اكتر حاجه زعلتك في المنتدي؟ انهم نسوا مين حياه وحظروها دا حتى حظروني تقريبا كان يوم واحد كلمه شكرا انت سبب وجودي في المنتدي تقوليها لمين؟ كل الناس ال بتبقي موجوده وقت انهيار المنتدى كده خلصني من المنتدي عرفيني عن نفسك في بعض السطور اسمك وسنك ودراستك؟ اسمي عارفينه وسني تحت اسمي اهو هههههه انا ف كلية الآداب جامعة الإسكندرية قسم الفلسفة دخلتي الكليه اللي كنتي بتحلمي بيها؟ لأ بس الحمد لله اي طموحك في الحياه؟ عايزه ابقى انسانه ليها كارير متعتمدش ع حد نفسي اوصل للدرجه دي بجد احلامك بتتحقق ولا زي باقي الأحلام؟ الحمدلله أملي ف ربنا كبير ❤️ اي الحلم اللي حلمتي بيه واتحقق؟ للأسف مفيش ليكي في المطبخ ولا فاشله زي باقي البنات؟ نعم اومال مين ال بيطبخلكم ههههه طبعا بطبخ بس في حاجات بمتنع عن طبخها زي البط والكلام دا اي الفرق بين هاجر وحياة؟ اسم حياه دا لزق فيا لدرجه ان صحابي محدش بيقولي هاجر انا لما يتخانق بقول بقولك اي هطلعلك هاجر ال جوايا هههه بحس هاجر بلطجيه كدا وجدعه وحياه هاديه ماذا تفتقدين فى حياتك؟ راحة البال ما هى الصفه التى لا تستطيعى تغيرها فى نفسك؟ العصبيه انا بهيبر جامد واني برمي زلط ونا متعصبة - ما هى اكبر أخطائك؟ العصبيه بردو و هل تغتفر فى حق الغير؟ م انا بحاول امسك نفسي انا بتعصب ع الحاجات هههه اي الميزه اللي فيكي مش عند باقي الناس؟ مفيش دنا هبله هاجر شخصيه رومانسيه ولا اجتماعيه؟ اجتماعيه انا غير رومنسيه بلمره اي العيب اللي فيكي ونفسك تغيريه؟ العصبيه بما انك داخله علي جواز تفضلي الجواز عن حب ولا تقليدي؟ مفيش حاجه اسمها حب صلي عالنبي قولينا اي موصفات شريك حياتك؟ اهم شئ يكون بيصلي ويحبني لان لو محبنيش هبقى لا اطاق بالنسباله لاني شخصيه مزاجيه جدا.. وبيحترمني اي السبب اللي ممكن ترفضي اي عريس بسببها؟ انه يكون روش ومش بتاع ربنا وبتاع بنات.. وانه يتحكم اوڤر + سنه لو فرق بيني وبينه فوق ١٠ سنين برفض تختاري الشغل ولا الجواز؟ الشغل جداا اي الحاجه اللي ممكن تتنزلي عنها علشان حبيبك؟ اي حاجه هتعطل او تتوقف العلاقه ممكن اغيرها هاجر حبت قبل كده ولا لا؟ محدش ف الدنيا محبش مين اقرب حد ليكي في بيتكم ؟ امي ❤️ الي الفرق بين العيشه في مصر والسعودية؟ فرق السما والأرض عارف زي م يكون انت كنت فوق اوي وحد جابك هبدك جامد اوي فالارض هو دا الفرق.. السعودية وطني الاول ال هفضل اتمنى ارجعله ارضي ال عشت فيها عمري كله واي الميزه اللي في السعوديه مش موجوده في مصر والعكس؟ السعودية نظام ونظافة وهدوء وكل حاجة حلوه علفكره دا ايام الملك عبدالله الله يرحمه.. مصر والله مافي ميزه اقولها بس هي فيها روح بتشدك ترجعلها يعني انا كنت دايما بقول لبابا عاوزه انزل مصر.. بالمناسبه انا نزلت مصر نهائي بارادتي لو جت فرصه تروحي السعوديه تاني تروحي ولا لا؟ اروح وبشده واقول باي باي مصر كلمه لاعضاء المنتدى؟ بحبكم جدا وبحب اي حد بيشتغل عشان المنتدى دا ❤️❤️ وكلمه لواد حبيب مقدم البرنامج؟ انت شخصية محترمه وبعتبرك اخويا الكبير ال دايما يتهمني نصايحه ربنا يكرمك ويسهلك كل امورك ❤️

شكرا جدا على الدخله الجميله
وكلامك الجميل ف حقي يا ذوق ❤️
وانا ال اتبسطت بوجودي هنا

[سيناا]

بالرغم من اني متضايق من كلامك في المدونة

لكن ياهاجر انسي كل شيء مضى وفكري بالوقت الحاضر

احنا مستحيل نستغنى عن شخصية قدمت مجهود جبار وعملت اشياء صعبة يعملها اي عضو عادي

بعرف مرات بصير فيه اخطاء ومرات بصير في ظلم وبيتنسى كل الجهد الى تقدم

لكن بمجرد ان لمار اختارنا نبدع في اليوميات دة المفروض يغفر لك شوية من الي عملته معك الادارة زمان

بصي انا حكيت وكتير ونفسي اضربك لكن غلاوتك ومكانتك عندي كبيرة جدا

بلاش جنانك

لما تكوني حابة تنجني بعد كدة خبريني وهنعمل الافلام بالمنتدى

إنما خروج نهائي وهل الكلام بحرق السوبر ماركت الي بشارعكم

اه تهديد

ال خروج نهائي ال

ومش منورة الحلقة يلا

هههههههه

[ايمان طلعت]

منورة الاستضافه هاجر
انتي عسولة متبوظيش نظرتنا ليكي بالزلط اللي بترميه

مش عارفه او مش فاكرة اتحظرتي ليه
بس ولا يهمك ومتزعليش احنا كلنا بنحبك هنا

انتي عندك شيزوفرينا صح
فيه سؤال جاوبتي ان مفيش حب
وتحته على طول انه يكون بيحبني ههههه
حددي فيه حب ولا لا

ربنا ينجحك و يوفقك في حياتك
و حبي بلدك شوية ميصحش كدة

مشكور محمد على الضيفه الجميله

[واد حبيب]

هاجر من الناس اللي بعزهم جداا علشان قلبها الابيض قلبها ناقي مش فيه غيره ولا حقد لاحد الكل بيحبها علشان طيبه قلبها
انسي كل اللي فات يا حياه انتي هنا ملكة المنتدي
انا سعيد اني عملت حلقه معاكي وده شرف ليا طبعا
نورتي يا ست الكل

[فداااااااااااء]

حلقة جميلة مع هاجر
وبالطبع مش هعلق على حكاية الوطن لأن اللى اتربي
في مكان من صغره صعب انه ينساه ودايما بيكون حبه الأول
بصي انا مكرهتش قد أسلوب الحياة في مصر
لكن عشقي ليها بمساؤها يفوق الحدود
بصي هقولهالك بصراحة انا شبه عنصرية لأي حاجة مصرية
يمكن لأني بميل للتاريخ المصري القديم الكميتي ومتعصبة له
لكن على العموم كل واحد بيحب المكان اللي اتنشأ به
اتمني ليكى التوفيق يا هاجر
بالنسبة للحظر انا كنت هتعرضله مرتين
وبردوا مستمرة هنا
ربنا يوفقك انتي حظك السيئ جابك في عهد الفساد
والانحدار في مصر معذورة عزيزتى

[حـيـــــآة ❤]

منورين جدا
فجر حبيبي منوراني ياروحي ربنا يخليكي ليا يارب ❤️
نور منورني والله ونا كمان بعزك شبه اخويا بالظبط ❤️❤️ ومش همشي حاضر هههه
سامر والله يابني ماعارفه اقولك اي ولا انت ا منور ههههه❤️❤️
ايمي اه حسيت ان في تناقض هههههه يلا معلش 😂 😂 😂 نورتيني ❤️❤️
ابو إياد اخويا الجميل ❤️ يسلملي ذوقك والله ومنورني انت والله ❤️
مروه يامروه الظاهر المنتدى كله اتحظر ههههه نورتيني يقلبي 😍

تعقيب بقى بسيط ليكم جميعا اخدتوا كلامي غلط علي مصر واهانه مع اني مش شايفه اني هنتها خالص
انا اتسالت سؤال وجاوبت عليه
انا عامله شبه ال كانت بتاكل شيكولاته حلوه اوي وفجأه اضطرت تاكل شيكولاته تانيه نوعها مختلف واردئ ياريت كدا تكون وصلتلكم صح
ودي مش اهانه ابدا انا بحب مصر وقولت فوق اني جيت مصر بطلبي وبارادتي لكن حبي هيفضل لوطني التاني اكبر لان هو ال شالني وهو ال عطالي كل حاجه مصر مدتنيش حاجه بالعكس..
و فعلا يمكن انا موجوده ف عهد وحش لمصر بس هتفضل روحي فيها وهفضل مصرية الجنسيه وهفضل مفتخره بدا وان شاء الله ربنا يقومها بالسلامه
نورتني تاني واعتذر للتقليل من مصر لكن مش دا قصدي ابدا

[شروق محمود]

حلقه جميله مميزه
يعجبنى ف هاجر انها صريحه
وشخصيه جميله ومن الناس القريبين لقلبى هنا
تسلم محمد ع الاسئله الجميله المنوعه
عرفتنا جزء من جوانب شخصية هاجر