قصاصات من الماضي

[ايمان طلعت]

السلام عليكم و رحمة الله وبركاتة
كتير منا بيحب القراءة
وكتير جُمل بتعلق معانا
بتعجبنا او بتمثلنا او بتحكي حالة بنمر بيها
انا من ابتدائي كنت بقرأ قصص ميكي وبطوط المصورة
ثم الشياطين ١٣ والمغامرون الخمسة

كبرت وكبرت الكتب معايا من المصورة لقصص
اللي من جيلي التمانينات والتسعينات كمان يعرفوا واتربوا على روايات مصرية للجيب

ملف المستقبل للكاتب نبيل فاروق
نور و فريقة قصص خيال علمي وفضاء

رجل المستحيل للكاتب نبيل فاروق
ادهم صبري بطل المخابرات المصرية الاسطوري

ما وراء الطبيعه للكاتب احمد خالد توفيق رحمه الله
دكتور رفعت اسماعيل دكتور امراض الدم و اللي دخل عالم الماورائيات رغما عنه
الرجل العجوز اللي وصفته حبيبته ب عصا المكنسة الصلعاء هههههه

و سلاسل قصصية كتير
كانت من امتع القصص واحلى الاوقات
مكنش فيه نت ولا كتب pdf
كانت ماسكة الكتاب ليها حلاوه
و ريحة صفحاته تجذب
بعد كده بدأت اقرأ روايات لنجيب محفوظ و يوسف السباعي واحسان عبدالقدوس
وشعر لناس كتير شعراء و هواه
لكن للاسف بطلت قراية من فترة طويله

لكن مازلت احن للماضي و لقصص روايات مصرية للجيب
كانت بسيطة سهلة ممتعة بتجذب كأنها مغناطيس


كل واحد منكم يحكي ذكرياته مع القراءة
و يجيب اي اقتباس يفضله مع ذكر الكاتب



*الاقتباس*

ﻗﺎﻟﺖ ﻟﻲ ﻣﺮﺍﺭﺍ: ﺃﻧﺖ ﺗﻘﺮﺃ ﻛﺜﻴﺮﺍ .. ﺃﻧﺖ ﻣﺠﻨﻮﻥ .

ﻗﻠﺖ ﻟﻬﺎ ﺍﻥ ﺍﻟﻘﺮﺍﺀﺓ ﺑﺎﻟﻨﺴﺒﺔ ﻟﻲ ﻧﻮﻉ ﺭﺧﻴﺺ ﻣﻦ ﺍﻟﻤﺨﺪﺭﺍﺕ، ﻻ ﺍﻓﻌﻞ ﺑﻬﺎ ﺷﻴﺌﺎ ﺳﻮﻯ ﺍﻟﻐﻴﺎﺏ ﻋﻦ ﺍﻟﻮﻋﻲ،،
ﻓﻲ ﺍﻟﻤﺎﺿﻲ - ﺗﺼﻮﺭ ﻫﺬﺍ - ﻛﺎﻧﻮ ﻳﻘﺮﺃﻭﻥ ﻣﻦ ﺃﺟﻞ ﺍﻛﺘﺴﺎﺏ ﺍﻟﻮﻋﻲ

ﻓﻘﺎﻟﺖ ﻟﻲ : ﺍﺗﻨﻴﻞ

ﻓﺘﻨيلت

ﻳﻮﺗﻮﺑﻴﺎ / ﺃﺣﻤﺪ ﺧﺎﻟﺪ ﺗﻮﻓﻴﻖ






تحياتي

[فداااااااااااء]

انا زيك كدا إيمي اتربيت علي القصص المصورة
وكانت لها تأثير كبير علي جدا
ولما كبرت حبيت كتابات أحمد خالد توفيق
وادهم الشرقاوى
وقرأت لاحسان عبد القدوس
ودان براون ودوستوفيسكى وغيرهم
ففي حاجات كتير حبيتها من كتاباتهم
لما ادخل جهاز ان شاء الله أضع إقتباس لأحدهم
تسلمى عزيزتى

[دمعه حائره]

انا كمان قرأت القصص دي وخصوصا كتابات دكتور احمد خالد توفيق الله يرحمه
كانت ايام بقي بس دلوقت بقرأ علي النت اسهل
تسلمي ايمي

[ايمان طلعت]

اقتباس المشاركة الأصلية كتبت بواسطة فداااااااااااء انا زيك كدا إيمي اتربيت علي القصص المصورة وكانت لها تأثير كبير علي جدا ولما كبرت حبيت كتابات أحمد خالد توفيق وادهم الشرقاوى وقرأت لاحسان عبد القدوس ودان براون ودوستوفيسكى وغيرهم ففي حاجات كتير حبيتها من كتاباتهم لما ادخل جهاز ان شاء الله أضع إقتباس لأحدهم تسلمى عزيزتى

تقريبا الجيل اللي قبل ٢٠٠٠ اتربى عالقصص دي
كانت احلى ايام
مستنية اقتباسك
واشكرك لمرورك القيم
تحياتي

[ايمان طلعت]

اقتباس المشاركة الأصلية كتبت بواسطة دمعه حائره انا كمان قرأت القصص دي وخصوصا كتابات دكتور احمد خالد توفيق الله يرحمه كانت ايام بقي بس دلوقت بقرأ علي النت اسهل تسلمي ايمي

ايوة الجيل كله كان بيقرأ غير دلوقتي الجيل ضايع
بس ماسكه الكتاب ليها حاله خاصة
تسلمي لمرورك غاليتي
تحياتي

[بحر القمر]

اختيار مميز لموضوع مهم
يارب يسعدك

[حازم34]

نعم قصاصات جميله والكتب والمرور بها أجمل واجمل كنا نقرأ ونلخص الكتاب في صفحات اقل وكان الكتاب يمر على خمسه منا وكل له فكر فيه.... كنا بنروح سور الاذبكيه ونشتري ونكون سعداء .... ونحن لانسيي اننا امه اقرأ ولكن للأسف لانقرا الان انما نمر على التغريدات او مايكتب على الفيس رغم توفر سبل القراءه اكثر تحياتي لقلمك وفكرك الراقي موضوع راقي كرقيك انتي تسلمي يارب لكي خالص تحياتي

[شاعر الإحساس]

الناس كلها بقى عندها حنين للماضي...
والماضي ...يعني كل ماسبق ولو من فتره مش بعيده
ودا لانه كانت فيه اخلاقيات...وفيه رقي في التعامل
وفيه قراءه...وفيه تقدير...واحترام
حتى الحفلات كانت بتتحضر بالبدل ....اناقه يعني
والناس قاعده تسمع ع الكراسي....
كل ما اشوف اي حفله قديمه للست اشوف رقي بكل المعاني
تحسي كدا ان احنا حاليا برنجع لورا...مش بنتقدم
مع ان رجوعنا لورا هي الفتره الافضل اصلا....


منوره يا ايماااااااااااااااااااااااااااااان
وحلو الفكره ...وحلو الماضي وحلو كل شيء قديم
وحلو اوي يكون ليك حد منه...زي جدتك...جدك...
ناس كدا متشبعش من قعدتهم....
ربنا يخلي اللي عايش منهم...ويرحم من توفى
ودمتم بكل خير

[فداااااااااااء]

ما كان احد ليختار ان يفقد احبابه ليكتب أدبه
صخر كان عند الخنساء أغلي من كل شعرها
وهى لم تكن تكتبه وإنما كانت تبكيه شعرا
فنحن نبكي بالوسيلة التى تكشف أعمق نقطة فى جراحنا

ادهم الشرقاوى

[hagr abdo]

تحياتي