السينابون الخطير ( مسابقة شيف المنتدى)

[شروق محمود]

السلام عليكم
ازيكم اعضاء وزوار بنات مصر
كالعاده أنا عليا الحلو
المرادى عملت حاجه جميله وهو( السينابون )
عن نفسى بحبه جداااا
وفى محلات مخصوصه مش بتقدم غيره
نيجى المهم

*******
المقادير
_______
٢ كوب دقيق
ثلث كوب زبده
ربع كوب سكر
٢ بيضه فانيليا
ملعقه ونص خميره فوريه
ذرة ملح
******
الطريقه
_____
١_ الخميره وعليها اللبن الدافئ والسكر
ونحطهم فى مكان دافى حوالى عشر دقائق

٢- وبعد كده نحط عليهم البيض والفانيليا والزبده
وبعدين نخلط كل المكونات مع بعضها

٣-ونسيبها تخمر حوالى ساعتين وبعدين نفرد العجينه على رخامه على هيئة مستطيل ونحط عليها الحشوه عباره عن كوب سكر وملعقتين قرفه كبيره ونلفها على هيئة رول ونقطعها دوائر
٤- نرصها فى صينيه وبعدين تدخل الفرن

٥- أما تخرج نحط عليها التوبينج عباره عن ٨ قطع جبنه كيرى او اى نوع مثلثات وكوب سكر وربع زبده وربع كوب لبن يتخلطوا مع بعض وبعدين نحطهط على وش السينابون أول أما يخرج م الفرن
---------

[سيناا]

ياعين ياعين

يعطيك الف عافية شروق تحفة

ياترى كيف هيكون مذاقه اكيد تحفة

تسلم ايديك ماكنت بعرف انك فنانة طبخ انتي ايضا

ايوا بئى ورونا المواهب

[حـيـــــآة ❤]

الله الله ❤️❤️❤️🙈
الحقيقه انا مستحيل احط السينابون دا ف بؤي بكرهه فعلا ههههه
بس من ايد صاحبي يبقي ناكل ابووه هههههه
لا وشكله يجنن اصلا ❤️❤️❤️
تسلم ايدك يا قلبي

[big bốss]

الله ينور يا شروق

تسلم ايدك بجد

شكله تحفه

[فداااااااااااء]

جميل يا شروق
تسلم ايدك ياقمر وبالتوفيق لكِ

[واد حبيب]

شكلك طباخه شاطره
تسلم يدك

[إيلاانا]

بحبه كثيررر
تسلم يدك ي شروق واضح إنه لذيذ
بالتوفيق ي غالية
تحياتي وتقديري واحترامي
في حفظ الله دعواتي لك
إيلانا

[دمعه حائره]

ماشاء الله شاطره ياشروق واضح معملول كويس ومظبوط
تسلم ايدك ياحبيبتي

[شاعر الإحساس]

ايه الحاجات الحلوه دي ياشرووق
مانتي شاطررره اهو..
وكل مره بتبهرينا بحاجات حلوه..
ابعتي بقى اي حاجه وفكك من عزومة المراكبيه
بتاعة ايمان ومنه 😂

تسلم ايدك بجد
وبالتوفيق

[ايمان طلعت]

شكله جميل جدا
تسلم ايدك
انا هاخد عين الجمل اللي فوق دى
مش عارفه ليه مش مقتنعه بالجبنه مع الحلو زى السينابون والتشيز كيك