اغتصاب الطفوله ( مسابقة احساسك فى صوره 2)

[big bốss]

اغتصاب الطفوله



و هل الطفوله تغتصب؟ نعم

حين تكون طفله لم تبلغ من العمر رشده و تستباح طفولتها

تحت مسمى الزواج و يتم التحايل على القانون بورقة العرفى

حتى اكمال السن القانونى

و هى طفله يكبلها الزواج و تكوين اسره و هى لا تعلم شىء

عن اساسيات الحياه او فنون التعامل و يبدا الصراع بين

العقول و الثقافات بين عقل طفله و رغبة شيخ كبير

فى رايك عزيزى القارىء

ما هو السن المناسب و الحد الادنى لزواج البنت؟

و ما الداعى للاهل لتزويج ابنتهم و هى صغيره؟ و كيف نحد من ذالك؟

[حـيـــــآة ❤]

احنا ف مجتمع كل تفكيره ازاي يستر بنته بدري لان زمننا وحش جدامعرفش اي سبب دا
طبعا انا ضد الزواج المبكر ودايما بشوف ان السن المناسب ان البنت تتجوز فيه وتكون في كامل نضوجها بيبدأ من 25..
بس عقلية الشرق عجيبه وغريبه
عجبني طريقة تفكيرك فالصوره.

[big bốss]

اقتباس المشاركة الأصلية كتبت بواسطة حـيـــــآة ❤ احنا ف مجتمع كل تفكيره ازاي يستر بنته بدري لان زمننا وحش جدامعرفش اي سبب دا طبعا انا ضد الزواج المبكر ودايما بشوف ان السن المناسب ان البنت تتجوز فيه وتكون في كامل نضوجها بيبدأ من 25.. بس عقلية الشرق عجيبه وغريبه عجبني طريقة تفكيرك فالصوره.

فيه ناس بتبص على السن 25 سنه و تقولك دى كبيىره و فاتها الدور

مع انه سن مناسب جدا جسمانيا و عقليا

بس احنا كمجتمع ذكورى اتربينا على كدا نتجوز الورور الى لسه صغيره 😂

[فداااااااااااء]

تصدق كنت هكتب الموضوع دا من كام يوم وكسلت لانه حصل بالفعل فى بيت ناس اعرفها
بنتهم 15 سنة وهيجوزوها بعد سنتين عرفي
عارف البنت عقلها طفل بمعنى الكلمة وكل حاجة تقول اما اقول لماما
واللى هياخدها ضعف عمرها
نفسي العقلية المتخلفة دى تنضج شوى حراام بجد
بنت ماتعرفش تشيل مسؤولية نفسها هتشيل مسؤولية بيت ازاى
السن المناسب بالنسبة لى يبدأ 25 س
الداعي اسمه البنت مالهاش غير بيت زوجها امال اسيبها تعنس
وكمان بيهربوا من مصاريفها ويرموها علي عاتق غيرهم
الحد لازم يتنفذ القانون فى الوالدين اللى يزوج ابنتهم فى السن دا بقسوة

[big bốss]

اقتباس المشاركة الأصلية كتبت بواسطة فداااااااااااء تصدق كنت هكتب الموضوع دا من كام يوم وكسلت لانه حصل بالفعل فى بيت ناس اعرفها بنتهم 15 سنة وهيجوزوها بعد سنتين عرفي عارف البنت عقلها طفل بمعنى الكلمة وكل حاجة تقول اما اقول لماما واللى هياخدها ضعف عمرها نفسي العقلية المتخلفة دى تنضج شوى حراام بجد بنت ماتعرفش تشيل مسؤولية نفسها هتشيل مسؤولية بيت ازاى السن المناسب بالنسبة لى يبدأ 25 س الداعي اسمه البنت مالهاش غير بيت زوجها امال اسيبها تعنس وكمان بيهربوا من مصاريفها ويرموها علي عاتق غيرهم الحد لازم يتنفذ القانون فى الوالدين اللى يزوج ابنتهم فى السن دا بقسوة

انا بيصعب عليا جدا البنات الى فى الموقف دا

لان هيكون فيه اختلاف شديد فى العقليه و التفكير

و بتحصل مشاكل كبيره جدا

[*فجر الاسلام*]

قضيه صعب تتحل لان عقليات كتيره ماشيه بالفكر ده
عندنا ال ١٥ سنه عادي وال١٣ بتتخطب ازاي معرفش
تقريبا عوزين يخلصو منها ومن مصاريفها مافيش حاجه تتقال غير كده
مافيش سن معين البنت لما هي نفسها تحس انها اد المسئوليه او جالها اللي يستاهلها بتفكيرها مش تفكير غيرها بس بعد ٢٢سنه افضل بكتير
الله يهدي الجميع

[big bốss]

اقتباس المشاركة الأصلية كتبت بواسطة *فجر الاسلام* قضيه صعب تتحل لان عقليات كتيره ماشيه بالفكر ده عندنا ال ١٥ سنه عادي وال١٣ بتتخطب ازاي معرفش تقريبا عوزين يخلصو منها ومن مصاريفها مافيش حاجه تتقال غير كده مافيش سن معين البنت لما هي نفسها تحس انها اد المسئوليه او جالها اللي يستاهلها بتفكيرها مش تفكير غيرها بس بعد ٢٢سنه افضل بكتير الله يهدي الجميع

ما هما الوالدين بيحسوا البنت شيله تقيله و عايزين يتخلصوا منها

القله فقط مش الكل طبعا

علشان كدا بيتخلصوا منهم بدرى بدرى و يزيحوا عنهم المسئوليه

[واد حبيب]

الموضوع ده انتشر بشكل جامد الفتره اللي فاتت
لزم يكون في قانون رادع علشان الكل يحافظ علي الاسلوب الصح

[فداااااااااااء]

اقتباس المشاركة الأصلية كتبت بواسطة big bốss انا بيصعب عليا جدا البنات الى فى الموقف دا لان هيكون فيه اختلاف شديد فى العقليه و التفكير و بتحصل مشاكل كبيره جدا

دا حقيقي والادهى انه حصل بالفعل قدامهم مشاكل بسبب الزواج المبكر لناس تانية وللاسف مش بيتعظوا
ولما تنصحهم يقولوا دول غيرانين ومش عايزين لينا الخير
ويقولك صوابعك مش زى بعض
ولما تيجي على دماغهم ينوحوا ويقولوا نعمل ايه
عايزة اقولك ان حصل ان في بنت انجبت طفل من الشخص المتزوج منها عرفي رفض انه يكتب عليها رسمى الا اذا اتنازلت عن كل حقوقها
ووحدة تانية مات قبل الزواج ما يتم رسمى اهله طمعوا فى الورث ورفضوا يعترفوا بالولد وراحوا للمحاكم
بتحصل كوراث ومش قادرين يفهوا مافيش فايدة
ربنا يصلح الحال

[دمعه حائره]

للاسف لسه فيه ناس شايفه ان البنت عبئ ولازم يخلصوا منه
القانون حدد سن ١٨ للزواج لكن التحايل وزواج البنت في سن اصغر
هو اشبه بالاغتصاب وفيه كتير حالات كده وبيتزوجوا عرفي بعلم اهلهم
في رأي البنت لازم تخلص تعليمها وتتربي كويس وتفهم يعني ايه عيله وبيت
قبل الخطوه دي عشان ميحصلش طلاق او ازمات نفسيه زي مابنشوف كتير الايام دي
تسلم يانور