جمبري+شوربة سي فود،، شيف المنتدي

[دمعه حائره]

مساء الخير اعضاء منتدانا الجميل
النهارده آخر يوم في المسابقه وكلها بصل زي ماهاجر عاوزه
وعملت وصفتين جمبري وشوربه سي فود
نبدأ بالجمبري المطلوب زي ما في الصوره
بصل متقطع وفلفل اخضر وتوم وطماطم ولمون
الجمبري مغسول كويس وتقطعي الراس وتنضفي بس الخيط في الضهر

مركز الخليج

علي النار الحله بشويه زيت نشوح المكونات دي

مركز الخليج


وبعدين نحط عليها الجمبري يتشوح
وتظبطي الملح والفلفل والكمون واللمون وشويه بابريكا

مركز الخليج
بعد شويه تزودي ميه مغليه ويغلي مرتين وتطفي النار

مركز الخليج

الوصفه التانيه شوربه السي فود
بصله مفرومه معاها توم وكيلو سي فود مشكل

مركز الخليج

بعد مابتحمري البصله والتوم بتحطي عليهم السي فود
تقلبيهم شويه وتحطي ملح وفلفل وكمون ولمون

مركز الخليج

بعد شويه مش كتير تحطي ميه مغليه وكريمه طبخ
مفيش كريمه حطي لبن متعطليش نفسك
تغلي مره وتطفي النار

مركز الخليج

هنا الطبقين لما خلصوا ايه رأيكم 😊

مركز الخليج


وسلطاتك وبابا غنوجك ويجمالو يجمالو اتفضلوا عندنا
الرز مكنش خلص ونسيت اصوره

مركز الخليج


كان معكم منه حسن من طنطا لايف حالا

[جنون القمر]

واو حضرتك شيفة فعلا يعطيك العافية شكرا.

[سيناا]

لا لا لا كدة يا ابلة كثير علينا هههههه

ايه الفن دة

منظرهم يفتح النفس يم يم يم

[واد حبيب]

بسم الله والله اكبر
بجد روعه تسلم يدك بجد جميل جداااا
الف هنا وشفا عليكي يارب

[حـيـــــآة ❤]

انا انبهرت ❤️
خصوصا ان انا بعشق السي فود جداا
قلبي الصغير لا يحتمل
ابعتيلي الشوربه بقى عشان البرد الوحش يروح 😂😂
بجد تسلم ايدك انا بعشق الجمبري
تسلم ايدك رووعه

[ايمان طلعت]

واااااو
ايه الجمال ده
اديني طبق الجمبري ده
وخلي السي فود لحياة
تسلم ايدك غاليتي
تحياتي

[شروق محمود]

يجمالو يجمالو
رووووعه والطريقه سهله وجميله
تسلم ايدك شيف منون

[فداااااااااااء]

شكلهم شهى يا منة
حلوين اوى تسلم ايدك عزيزتى

[بحر القمر]

وصفه جميله
تسلم ايدك

[SaMa.]

واو توحفه الاكله يامون