ذكري انتصار 2 اكتوبر

[ahmed 22]

كل عام وكل المصريين بخير ودايما في نصر ورفعة
السنة دي طبعا مختلفة ومبهجة ..

طبعا كل منصات مصر كانت بتحتفل بكل تلقائية
بذكري انتصار 2 اكتوبر بقيادة الرئيس السيسي اطال الله بقائه ..
وذكري العبور العظيم وتحطيم خط بارليف ...

قامت الحفلات وخرجت الجماهير فرحا
وتم رفع صور الرئيس القائد بين الجماهير
دعما له واحتفاءا بيه بقيادة المايسترو حمو بيكا ..
الممنوع من الغناء من النقابة بسبب مخالفة الذوق العام في مهرجاناته
ولكن عشان مصر عاد الينا ليمتعنا بكل جديد

طبعا بنحب نشكر احزاب مصر الوفية اللي دعت للاحتفالات دي
بقيادة حزب مستقبل وطن ... اللي كان همهم الاول
تحفيز المصريين وتذكيرهم بانتصاراتهم العظيمة
لرفع الروح المعنوية ... والروح هتترفع ازاي الا بصور الرئيس القائد مرفوعة فوق الاعناق
واللي كل المصريين نزلوا عشان يحسوه انه يكمل مسيرته الكروية والفنية
في الملاعب والكباري المصرية ...

حفظ الله مصر ورئيسها ان شاء الله

[big bốss]

طيب هناقش ايه يا احمد 😂

ما انت قولت الى فيها

هذا الوطن يستطيع ان يطمئن و يأمن بعد خوف

بعد ان اصبح له درع 🛡 و سيف

[ahmed 22]

والله انا مش عامله للنقاش يا نور
انا عامله حجز لبورتو طره 😂

[ايمان طلعت]

انا طلعت اشوف القسم المنشور فيه
قولت اكيد فالخزعبلات

[ahmed 22]

علي فكرة الموضوع مش خزعبلات
الموضوع ده حصل امبارح فعلا زي ما كاتب كدا
وكان فيه احتفالات وبتاع وكان كله رافع صورة الرئيس القائد ...

والناس كانت بتحتفل ب 6 اكتوبر يوم 2 اكتوبر في ميادين كتير في مصر بدعوة من الاحزاب
وكان حمو بيكا بيغني ...
وكانت الناس رافعة صورة الرئيس السيسي بدل صور السادات او ابطال الحرب الحقيقية
وماحدش فاهم ايه العلاقة ..

بس غالبا ماحدش كان متابع
انا عن نفسي لسا عارف من كام ساعة

[دمعه حائره]

بالفعل حصل وشوفت ده امبارح بالقرب من بيتي
اللي منظم الاحتفالات دي المرشحين للانتخابات
والناس غلابه بتروح ورا اي مصلحه
احنا فعلا لازم نحتفل بذكري أكتوبر
لكن نترحم علي أرواح اللي اللي ضحوا بحياتهم عشان نعيش بكرامه
ونشكر اللي موجود منهم
بالاضافه لموضوع كورونا اللي مش في الحسابات خالص
والتلفزيون بيذيع كل ده عادي

[SaMa.]

شوفت محمد فؤاد وحكيم
بس بيكا غنى فين؟

[حازم34]

اقتباس المشاركة الأصلية كتبت بواسطة ahmed 22 كل عام وكل المصريين بخير ودايما في نصر ورفعة السنة دي طبعا مختلفة ومبهجة .. طبعا كل منصات مصر كانت بتحتفل بكل تلقائية بذكري انتصار 2 اكتوبر بقيادة الرئيس السيسي اطال الله بقائه .. وذكري العبور العظيم وتحطيم خط بارليف ... قامت الحفلات وخرجت الجماهير فرحا وتم رفع صور الرئيس القائد بين الجماهير دعما له واحتفاءا بيه بقيادة المايسترو حمو بيكا .. الممنوع من الغناء من النقابة بسبب مخالفة الذوق العام في مهرجاناته ولكن عشان مصر عاد الينا ليمتعنا بكل جديد طبعا بنحب نشكر احزاب مصر الوفية اللي دعت للاحتفالات دي بقيادة حزب مستقبل وطن ... اللي كان همهم الاول تحفيز المصريين وتذكيرهم بانتصاراتهم العظيمة لرفع الروح المعنوية ... والروح هتترفع ازاي الا بصور الرئيس القائد مرفوعة فوق الاعناق واللي كل المصريين نزلوا عشان يحسوه انه يكمل مسيرته الكروية والفنية في الملاعب والكباري المصرية ... حفظ الله مصر ورئيسها ان شاء الله

مقال رائع شخص الحاله المزريه فعلا

الادهي والأمر ان الاستاذ الدكتور العالم المبجل حمو بيكا كان في ميدان رمسيس وسعادته

بقى رفع صور المعارضين وكل صوره يقول تقولوا لهم ايه

ويرد الأطفال والشباب بكلمات خارجه جدا لاتصح ابدا

الذكرى هذه في قلوبنا جميعا ومن قلوبنا التحيه الي جنود مصر الأوفياء حقا

قادرا حربا في رمضان وهم صائمين حتى ان بعضهم كان يرفض ان يشرب الماء قبل أن يستشهد ويقول

اقابل ربي وانا صائم ولذلك كان النصر حليفهم تحيه من القلب إلى هؤلاء الابطال وانا دايما اقول ذكرى العاشر من رمضان

اما ما حدث يوم الجمعه فكانت ملحمه فيها اللحم بس كدا

تسلم على روعه النقد

الله يحفظك من كل سوء

[يحيى الفضلي السودان]

اللهم أعطنا الطمأنينة والأمان
وأحفظ بلادنا من كل سوء
جميل المعاني

[فداااااااااااء]

اول مارأيت الاحتفالات المضحكة هذه سخرت منه
فقد اظهر للناس مدى خوفه وضعفه لان هذا التصرف يخرج من شخص مهزوز يريد
تاييد ولو بالخداع والجبر وصرف الاموال فى وطن يحتاج لكل مليم
كما انه اظهر مدى دناءته عندما لم يهتم بامر المواطنين المحتشدين فى ظل جائحة كورونا
فى وطن منظمته الصحية متهالكة
نقول ايه بس
حسبي الله ونعم الوكيل