مضاد حب

[phalsteen]

الظاهر اننا اتعلمنا غلط ولا ضحكوا علينا لما قالوا ان مضاد حب هو كره
انا لما كبرت عرفت ان الحب ليه مضادات ابشع من الكره
وان الكره ابعدهم واخفهم بشاعه

#الكره

مش عكس الحب ، الكره احساس لو حسينا بيه
بنبقي برضو بنحب بس جوانا مشاعر غضب
فينا وجع ، معناه ان ليهم مكان لسه في قلبنا
لو حتي مصحوب بوجع وغضب
بس جايز مع الايام هتتغير
جايز محتاجين عتاب ، محتاجين نصلح
محتاجين نتنازل ، مع الايام هننسي السبب ونرجع تفضل

#مضاد_الحب

التناسي ، الاهمال ، مضاد الحب العدم ، الموت
أنك تمحي الشخص بذكراه بمواقفه
أنك ترفض حتي سيرته
ترفض تحكي
حتي لو فكرة أنك تذمه
الوجع اللي جواك بيفضل يمسح في كل ذكراه
حلوة كانت أو صعبه لحد ما يتلاشي الشخص كامل
جواك ، ويبدأ يرجع غريب ، مبهم ، مجهول ، كأن ذاكرتك مش معترفه بيه
بيضيع امل أنكم تتقابلوا تاني
حتي لو صادف واعتذر بترجعه غريب مالوش أي رصيد جواك

ودا ابشعهم مضاد للحب من وجهه نظري
ابشع من الموت
لان حتي الموت بيخليني نحترم اللي راح ونذكر فضله فقط
حتي ندعيله ، لو مر علي بالنا نقول الله يسامحه

انت متخيل حد يرفض حتي بدعيلك ولا تمر علي باله باي شئ حلو
متخيل تدمر كل مواقفك مع حد
لما يوصل أنه يشوفك سراب
حتي مش طايل لقب ميت

[دمعه حائره]

اللي بيحب بجد صعب يوصل للحاله دي
اللي بيحب بيغفر وينسي
لكن للاسف في الحياه حسابات أخرى لناس تانيه
قرروا بنفسهم يخسروا رصيدهم جوانا
لانهم هم معرفوش يحبوا من الاساس
تسلمي ساره ونورتي المنتدي حبيبتي

[ايمان طلعت]

كلامك صحيح
الكره بيكون احساس ومشاعر
لكن التجاهل والاهمال بيوصلوا للتناسي
بيبقى مفيش حتى مشاعر

نورتي غاليتي المكان
وان شاء الله تستمري

[.Lamar]

كانوا زمان يقولوا اللى يحب ميكرهش
واما الحب بينتهى بمشاكل بيفضل زعل والم ووجع
انما احساس الكره دة صعب جدا
ومش كل القلوب تعرف تكره
وتنسي العشرة حتى لو اللى قدامك ميستاهلش

يمكن معاكى حق انك تنسي وتحاولى تبتدى من جديد
احسن بكتير
واحدة واحدة الذكريات الوحشة بتبعد
تحسيها كانها صورة باهتة ملهاش ملامح

منورة المنتدى يا سارة
تسلمى

[SaMa.]

حصل.. وكلامك صح

[احساسى صحيح]

الاحلى من الفضفضة إننا شوفناكى تانى منورة اختنا سارة الغالية
حبيت اسلم عليكى وحمدالله على سلامتك منورة المكان

[حازم34]

مضاد الحب هو الكره فعلا ولا مضاد له غير ذلك وبضدها تتميز الاشياء.

ولكن ينتهي الحب بستاير النسيان

وينتهي بحب جديد جميل. يفوق ما كان


وننسي ما قبله

ستاير النسيان نزلت بقلها زمان وان كان على الحب القديم انا نسيته انا


ياريت كمان تنساه




تفيد بايه يا ندم يا ندم


النسيان هو الدواء الشافي


رغم اني مع موضوعك في كيفبه المعالجه وهذا من النسيان أيضا

يسلموا وتحياتي الك

[فصيح]

عندك حق أختي الكريمه
كل الود والتقدير

[فداااااااااااء]

مضاد الحب هو الكراهية التى يصحبها الغل او الحقد
الاهمال والتجاهل كثيرا ما يكونوا فى قلب لا يملك مشاعر الحب او تألم منه
وبالتالى يؤدى للتناسي ومع مرور الوقت يصبح نسيان


الغاء شخص من الذاكرة او جعله كالعدم سواء فذلك
يعنى ان ذلك الشخص تالم بشدة
لذا سعى للتخلص من قلب قاسي لم يدرك قيمة مشاعر من احبه

اسعدك ربي ياقمر

[العاشق الذى لم يتب]

مضدات كأنها سيف بتار
وهى فعلا وحقا تعكس كل ضد للحب والمودة
احسنت ايتها المبدعة