هو دا الأعجاب .. مسابقة العامية

[مهيب الركن .]

شفت فى عنيها نظره صعب أوصفها ..
من لهفتى عليها قولت دا إعجاب ..

حبيت أقرب منها واحكيلها ..
وبكلمة حلوه نبقى خلاص أحباب ..

كلمتها عن حبي واشواقي ..
وسرحت بكلامى معاها لفوق السحاب ..

فجأه فى ثانية اتغير وشها ..
وبصوت أجش قالت إش جاب لجاب ..

حب إيه ده اللى جاي تحكي عنه ..
وداخلى بورده فى إيدك ياما جاب لامه الغراب ..

حب الأغانى خلاص راح لحاله ..
إرمي بياضك بمالك هو دا الأعجاب ..

قلم مهيب

[.Lamar]

هههههه حلوة اوى صورة جورج سيدهم

بس البنت طلعت عملية و قالت له المفيد
لسة هتستنى ورد وشوكولاتة

تسلم ايدك
و بالتوفيق فى المسابقة

[دمعه حائره]

كلمات جميله وحكايه لخصت الواقع
تسلم اخي بالتوفيق

[Aya 7ekaya]

الصورة مع الكلام كولكشن رهييب 😂
عجبتنى جدا
يدوم ابداعك مهيب

[phalsteen]

موضوع لذيذ
والصورة فعلا رايقه ع الكلمات
تسلم اخي
موفق

[شاعر الإحساس]

الصوره لوحدها ادتني فكره عن الموضوع 😂
واسلوب ساخر عامي جميل...
بأضحوكه سلسه راقيه معبره...
جميله اخي مهيب ودمها خفيف...
تسلم ايدك

دام نبض قلمك وحرفك
ودمت بكل خير
بالتوفيق

[حازم34]

أبدعت والله ولخصت الحكايه في موضوع الحب والإعجاب


كان زمان الورد له سحر ايام الورد ولكن حل المال مكان الورد

ويا حسره على الايام


مبدع وراقي وموضوع معبر


بالتوفيق ودايما الإبداع

[واد حبيب]

الله ينور ياغالي
كلمات جميله مع الصوره وضحت كل شي
بتوفيق ان شاء الله

[فداااااااااااء]

زمن الماديات
اللى معاه يكش هههه
حلوة الكلمات جدا والصورة مضحكة
بالتوفيق لك اخى

[ايمان طلعت]

صورة مين ده
ده واحد صاحبي انت متعرفوش هههههه

كلمات سلسه وصفت حال بعض البنات الماديات
موفق ان شاء الله
تحياتي