خطف البنات ما بين الحقيقة والاشاعة

[دمعه حائره]

فيه فعلا حالات خطف وفي اكتر من محافظه
ومش بس بنات الولاد كمان بيتخطفو
فيهم بيرجع بفديه وفيهم لا
لكن مافتكرش بالعدد ده لان مواقع التواصل بتبالغ شويه

[شاعر الإحساس]

موضوع فعلا محير يا لمااااار
والله الواحد مبقاش عارف الصح فين
ولا ايه الخبر الصح ..ودا بشكل عام
الاعلام بقى غريب...والاخبار متداخله
ودا على مستوى العموم..
مش بس نقطة الخطف...

الله المستعان...
ربنا يحفظ الجميع من كل سوء

[شروق محمود]

الله اعلم بالحقيقه فين
ماما بقت تخاف انى انزل لوحدى
ربنا يهدى بنات المسلمين ويحفظهم يارب

[سيناا]

ماحدش ينزل لوحده

او عندي فكرة لازم كل بنت تشتري كلب هاسكي الي شبه الذئب ابيض كدة وحبوب

بحيث الخاطف اذا فكر بس يهوب ناحيتك يشقفه تشقيف الهاسكي ابو طيب حنين

[۩۩ elMagic ۩۩]

الناس اتغيرت لمار
والسوشيال ميديا عملت فجوة كبيرة داخل كل بيت أسري
ربنا يخرجنا منها على خير

[.Lamar]

اقتباس المشاركة الأصلية كتبت بواسطة حـيـــــآة ❤ انا من رأيي ان اخبار الخطف صحيحه انا وصلي صور امبارح فظيعه.. البنت دي كلامها حتى فالفيديو محفوظ فاممكن تكون انخطفت ولما لقوها حفظتها كلمتين عشان أمن البلد وتحيا مصر والكلام دا الدنيا بايظه ف اسكندريه و سمعت ف محافظات تاني كمان االله المستعان بس زي م قولت موضة الخطف رجعت تاني

اللى يحير يا هاجر ان مفيش اهل هتوافق تسوء سمعة بنتها
واللى اتقال يدين البنت ويطعن فى اخلاقها وتربيتها
ربنا يستر ويسلم
نورتى يا بطة

[.Lamar]

اقتباس المشاركة الأصلية كتبت بواسطة big bốss الى هاربه من اهلها علشان بتكلم واحد و الى هاربه علشان ابوها ضربها بخشبه هى بنات ناقصه تربيه مش اكتر

الغريب بس ان كلهم فى نفس اليوم تقريبا
نورتنى

[.Lamar]

اقتباس المشاركة الأصلية كتبت بواسطة حازم34 مساء النور اهلين حقيقي انا مش مصدق وناس كتير ان البنات هربوا بمزاجهم يعني مثلا فتيات جامعيات وقرات عن واحده في صيدله من المنوفيه وال ايه هربت بمزاجها مع حبيبها وجلست معاه فتره اسبوع في القناطر فين العقل ال يصدق وبعدين في تفاصيل القضيه ان الكاميرات سجلت انها ركبت توكتوك والشرطه تتبعت خط سير التوكتوك ال يعني توكتوك مرسيدس وبنمر ومعروف الحقيقه انه فيه بلطجيه ولهم وزن الان واكيد لهم دور في الامر واكيد الدوله خايفه الناس تقول مافي أمن ثانيا تجاره المخدرات وشباب المخدرات لهم دور وثالثا يجب اخذ الحيطه والحذر فعلا رابعا.... حادثه مدرسه اللغه الانجليزيه الا اختطفوها اتنين بالميكوروباص واغتصبوها وهما راجعين بالطريق فتحت الباب ورمت نفسها من السياره ودي برضك كانت هربانه ولا البنت ال عمرها ١٣ سنه الخل محاربه المخدرات. والقبض على بلطجيه الشوراع وتكثيف الدوريات الامنيه يسلموا على الطرح القيم. تحياتي

هو الخطف اكيد موجود بس هل بالصورة المفزعة دى ولا لا
نورتنى دكتورنا

[.Lamar]

اقتباس المشاركة الأصلية كتبت بواسطة فداااااااااااء بصي يالمار ما ننكرش انه فى حالات خطف بتحصل بس مش لدرجة الاوفر دا وكمان فى بنات بيكتشفوا انهم ليهم علاقات خارجية وعلشان الاهل مش بيرضوا يتكلموا عن الحقيقة يقولوا اتخطفت طبعا اقصد الكبار مش الاطفال يعنى حصل مثلا انهم قالوا انه فى بنت اتخطفت من الجامعة ولما بحثوا لقيوا انها سابت البيت ورايحة حد تانى وعلى العموم مع الوقت بيتعرف الحقيقة واحنا مش سذج علشان مانعرف نفرق وربنا يحفظنا جميعا

معاكى حق يا مروة الحقيقة مسيرها تتعرف
نورتينى يا قلبي

[.Lamar]

اقتباس المشاركة الأصلية كتبت بواسطة واد حبيب هوه في حالات اه بس مش كتير وده بيكون في مشاكل مع اهلها او تصفيت حسابات مش اكتر لكن في بنات كتير بتهرب من اهلها لسوء المعامله او بتهرب علشان تجوز ولد اهلها مش موافقين عليه ودي بتحصل كتير اوي وفيه اللي بتهرب تعيش يومين مع شاب بتحبه وترجع تقول انها مخطوبه وهربه منه لزم يكون في محافظه علي البنات اكتر من كده في الوقت الحالي مع وجود النت والحريه الموجوده عند الكل موضوع جميل تقبلي تحياتي

فعلا التربية وعدم متابعة الاهل لبناتهم
ليها دور فى حالات كتير من اللى بنشوفها
نورتنى