ياقلبى إهدى... مسابقة عاشق العاميه

[شروق محمود]

ياقلبى اهدى
♡♡♡♡♡♡


ياقلبى ياقلبى اهدى شويه
مش كل اما تشوفه تدق فى ثانيه
والاقى الدنيا إحلوت فى عنيه
وكل حاجه ترقص حواليا
واحب اسمع اغانى الحب والحنيه

ياقلبى ياقلبى اهدى شويه
افتكر اما قال عليكى حراميه
عشان سرقتى قلبه فى ثانيه
وكمان قال عليكى غيوره ومفتريه
عشان اما تشوفيه يكلم واحده
علطول تاخدى النمره بقوه
وقال انه مقلق منك وقاسيه
تقعدى يومين من غير كلام
والتالت تكلميه بالعافيه

ياقلبي ياقلبي اهدى شويه
بكره هيدق الفرح بابى
ويجى ويقولى انتى حلالى
وانتى روحى وهتداوى جروحى
وانى هكمل باقى عمرى معاكى
يا احلى حاجه حصلتلي فى حياتى


♡♡♡♡♡♡♡♡♡
شروق

[Aya 7ekaya]

الله ع الجمال و الرقة
جميلة ي شروق و عفوية
استمرى ي قمر و بالتوفيق ليكى ف المسابقة

[واد حبيب]

اهدي ياقلبي دي مبدعه ومتالقه
اهدي ياقلبي دي كلمات روعه وجميله
بجد كلمات في قمه الجمال
تسلم قلمك ونبض قلبك الجميل
تقبلي تحياتي لكي

[عاشق ولهان]

يا قلبي وحوار جميل مع القلب

إهدي يا قلبها طول بالك

رقيقه وجميله تلامس القلوب

رائعه انتي شروق

نجومي وتقيمي لكي

تمنياتي لكي بالتةفيق في المسابقه

تحياتي وتقديري وامتناني

[شاعر الإحساس]

وتاخد النمره تعمل بيها ايه بقى 🤔
عايزين نفهم دوافع الموضوع واهدافه 😂
دا كلام كبير الكلام دا :d


الحب واحواله...بل واهواله
لا يستأذن...ولا ينتظر ...
لا يهدأ..لا يكل...حتى يحين اللقاء..
يقلب الكيان..ويشعل الوجدان...
يشغل الفكر...ويحير القلب...وتأبى الجفون النوم
نعم ان جاء..فحدث ولا حرج


عاميه جميله يا شروووق
اسلوب رقيق وسلسل وممتع...
وكلمات عفويه نطقها القلب...قبل القلم
فجاءت عامره بالاحساس ورونقه...
اجدت العزف بمعزوفتك هذه ...
ونتمنى ان نرى قلمك كثيرا...

دام نبض قلمك وحرفك
ودمت بكل خير
بالتوفيق

[big bốss]

جميله يا شروق و روعه

مع انى مستغربها

بس جامده

[مهيب الركن .]

كلمات راقية صاغها قلم يجيد رسم الأبداع
تحياتى لنبضك الراقي اختى الفاضلة
وتمنياتى بالتوفيق

[شاعر الحب الحزين]

لا مش عايزينه يهدى بقى يا شروق 😊
أول كتاباتك واحساسك كان عالي ورقيق
كان تحدي كبير منك لقلمك واتفوقتي عليه
استمري والجاي هيبقى أجمل وأجمل ان شاءالله
برافو يا شروق وبالتوفيق ان شاءالله 👏👏👏

[حازم34]

اهدي يا قلبي اهدي


يا سلام على الحب وكلماته والحانه ونسماته


اكيد مش هيلاقي قلب صادق احب بجد مثل هذا الحب


تحياتي للإبداع

والصوره الجميله


وبالتوفيق

[شروق محمود]

اقتباس المشاركة الأصلية كتبت بواسطة aya 7ekaya الله ع الجمال و الرقة جميلة ي شروق و عفوية استمرى ي قمر و بالتوفيق ليكى ف المسابقة

تسلمى آيه الجمال فى مرورك الجميل
نورتى