ألووووووووو

[عاشق ولهان]

الو ردي عليه يا وحشاني

الو حاولت كتير

قوليلي اعمل ايه تاني

شوقي وحنيني مدوبني

معقوله منتش سمعاني

يا خسارة الأيام

تفوت عليه وحداني


****

يا رنة التلفون

إمتي بتهمسها حياتي

حقيقي حبيبي انت واحشني

أمنيه حلوه ف خيالاتي

نظرة عيونها بتسحرني

أسهر واعيش بيها ليلاتي

ولا اللي باقيلي في عمري

همي وحنيني ودمعاتي


****

بحاول اطلبها واكرر

والخط مش راضي يجمع

علي بعدها انا مش هقدر

مشتاق إليكي يا سحراني

ألو .. ردي عليه يا وحشاني

ألو .. الخط مقفول علشاني

يا خسارة حب ضاع

بنيته بس في أحلامي

سنين تفوت كده عليه

عايش وحيد مع أحزاني

تايه ووخداني الدنيا

وضاع في حبك عنواني


****

بقلم

/ عاشق ولهان

[واد حبيب]

معلش حول تاني ممكن نايم ولا حاجه
او النت ضعيف اتصل كتير وهيرد
علشان الحب كبير والبعد صعب وكله الام
حلوه الكلامك منك ياعاشق
تقبل تحياتي

[شروق محمود]

بوح عذب جميل
يسلم نبض قلمك وقلبك

[۩۩ elMagic ۩۩]

تصدق ماعندهاش ولا نقطة من الاحمر == d
عاجبني الالتزام بالقافية
ودي وتقديري لك

[فصيح]

عجبتني الفكرة أوي والنظم وسرد الحالة
انت جميل بهذا الاحساس
بس من فضلك نوع التليفون اللي حضرتك وضعه في توبيك إيه
تحياتي ليك

[فداااااااااااء]

جميل بوحك أخي
تسلم ايدك ويدوم نبضك الجميل

[Aya 7ekaya]

جميلة و خفيفه زى قصه تجذب اللى يقرأها
يدوم ابداعك عاشق

[شاعر الحب الحزين]

الله يا عاشق يا جميل
كلمات مختلفة ومميزة
سلمت والنبض الطيب
يسعد قلبك ❤

[شاعر الإحساس]

الشوق ...وانتظاره ولياليه..
ورسايل اللهفة ...قيد الانتظار...
والحبيب...مابين الليالي والسهر ...ساكن
حتى في الاحلام عالق...

ال عاشق...الجميل
عنوان جذاب....وفكره جديده
ومحتوى سلسل رقيق متنوع...جذبنا اليه
عاميه جميله سريعه وسهله بسلاستها وصوتها
اجدت العزف ياصديقي..

دام نبض قلمك وحرفك
ودمت بكل خير وسعاده
تحياتي وتقديري واحترامي

[حازم34]

ردي يا حلوه على ال عاشق بيكي وبحبك ولهان

،،،،، والرنه من هاوواوي وبحبك هو غاوي ولو برساله اسعدي قلبه الولهان



الووووو كلمات جميله لحب جميل ونسج جميل بهمس رائع


من شاعر راقي، يصور جمال الحب في أعذب الالحان


مبدع دايما تحياتي الك شاعرنا الراقي الجميل