( morshooo ) و ( صفحات الاعضاء ) 2021 ^_^

[morshooo]

بسم الله الرحمن الرحيم

مزاج الخير

واهلا بيكم جميعا وحلقه جديدة من

( morshooo ) و ( صفحات الاعضاء )




مش عايز حد يستغرب عشان انا دخلت صدفه

وعارف ان الصدفه هتعجبكم
المهم اول ما دخلت قولت اشوف الدنيا فيها ايه
من خلال صفحات الاعضاء لان هى الى فيها المفيد
فلقيت الاجواء ماشاء الله جميله جداااااا
خاصه ان العالم كله عايش فترة ال


Happy Valentine's Day


فتعالو نشوف الاجواء كانت ايه او الاستعدادات كانت ايه






البدايه دائما بتكون مهمه جدا
بس الاهم انك تكون فاهم الامور ماشيه اذاى حواليك
عشان كدة البدايه كانت مع الرساله دى


كل سنه وانتو طيبين
النهارده عيد الخوزيق



وانت طيب يا حبيبى وربنا يجعلها دائما
خوازيق ونفرح بيك دائما
طيب ايه تانى


النهارده واحد بيوزع ورد علي البنات في الاداره
لماقرب منين وفيه 5 بنات قاعدين علي المكاتب اللي جنبي
ومفيش حد غيري قاعد معاهم
لقيته قرب مني وقالي
دولت مش عوزين ورد دولت عوزين 6 ليمون

واجي اقعد معاكم اروق دمي شويه
قولتلو اقعد ياعم هما كانو ولاد خالتي
قاعد شويه وكل البنات مشت
قولتلو قوم انت كمان علشان قرارت اقعد لوحدي انا كمان



معلش السؤال هنا هو اول ما دخل عليكم
كنتو قاعدين ازاى

عشان كل دة يحصل

طبعا من غير ما اقول دة مين عرفين انه
( واد حبيب )

فى رسائل لما بتشوفها بتحس ان الدنيا فعلا بخير
والناس فعلا متفائله وشايفه ان المستقبل كله

حب وخير وسعادة
بيقولك ان عيد الحب 14/2 يعني يوم الاحد
بس ممكن يتأجل لحد ما الناس تحب بعض الاول
يبان من كلامي انها نكتة بس للاسف دي حقيقة
مبقاش حد بيحب حد ولو الحب اتعارض مع المصالح
بكل بساطة بندوس على الحب عشان المصلحة تمشي 😢

ياساتر يارب بقول

حب وخير وسعادة
انا النهاردة جالي هديتين من اقرب اتنين
ليا في حياتي زوجي رغم عدم وجوده مش نسي
انه يفرحني ويجبلي هدية وعمره ما بينسى
يعمل كل اللي يفرحني بجد ..
والشخص التاني هو صاحبتي الانتيم ربنا يسعدها
زي ما بتعمل كل حاجة عشان تسعدني خاصا في غياب زوجي

طيب الحمد لله فى

حب اهو وفى سعادة اهى وفى خير يا جماعه

يبان اني فرحانة ومبسوطة
بس الحقيقة اني مصدومة 🙄



يادى النيله لا انا هخرج من عندك خالص يا
lamess

فى ناس بتستقبل عيد الحب
بشكل مختلف وشكل يخليك تكون متلغبط

وانت بتشوف الناس دى وهى بتستقبله بالشكل دة

ضغطي وطى اوي جدا خالص
و كلت برطمان مخلل
عشان اجي احكيلكم انهم اجلوا الامتحانات تاني

وإن انا فعلا خريجة محشوره

حد يقولي معلش

قبل ما اقولك معلش

وطى اوى جدا خالص
دى جديدة وكنت مستغرب بس الاستغراب الاكبر
كلت برطمان مخلل

حضرتك فى عيد حب عملتى ايه فيه

وحبيبك جابلك ايه

فالاخر..

لا معرفش والله بس اكيد هيحصل حاجه حلوه ❤️

طيب معلش

( حياة )

ودلوقتى مع الرساله بقى الى الواحد
بيكتبها عشان عايز يفرح بقى ومستنى بقى
ان الدنيا تلعب معاه

نفسي في فرحه يطير فيها قلبي من كتر الفرحه

نفسي افرح بجد من قلبي

طيب وبعد ماقولتى الى نفسك فيه

ياترى ربنا استجاب

احنا بنتعب نفسنا اننا بنحب ناس متستهالش ولا حتي بتقدرنا

الواحد بيحب اللي بيبعد عنه

احنا اللي تاعبين نفسنا بلا حب بلا هم

عيش لنفسك واسعدها محدش يستاهل

ودلوقتى يا جماعه كلنا نسمع النصيحه

ونعمل بيها والموضوع اتلخص فى كلمتين

بلا حب بلا هم

( عاشقه الورد )

ودلوقتى مع الفقرة الى الناس منتظراها

مع الداعيه المتالقه دائما

وتعالو نشوف نصيحتها ليكم ايه

خطيبك او جوزك ي اختي انتي وهي

مش هيطلعك القمر عشان تقطعي علاقتك بينا

داهيه تاخدكوا 🙂

ايه دة فى ايه حضرتك

معلش يا جماعه بعتزرلكم على الغلط دة

ونستكمل الحوار مع المتالقه بتاعتنا.

حياه عوزه تتهزق كل ساعتين

عشان تفوق لنفسها شويه 🙂😁

وانا مش فاضيالها غير مره ف اليوم

فـ لو حد فاضي ينسق معايا 😂

هو فى ايه بجد حضرتك
طيب ليه تشهرى بيها كدة ^_^
طيب معلش اخر سؤال
لو مفيش مانع يعنى
ايه رئيك فى عيد الحب

اتقوا الله بقا بلا عيد حب بلا عيد زفت علي دماغكوا 😒

لا انا بعتزر للجميع وأن شاء الله
هتاخد حاجه تهدى اعصابها وترجعلكم تانى

( فجر الاسلام )

وطبعا دلوقتى لازم نطمن على

نجم المنتدى لان ليه متابعين كتير

كنت متفائل مبتسم دوما

طيب يا سيدى شكرا
على الصورة وعلى الابتسامه






ودلوقتى مع اخر مشاركه
وانا مسميها المشاركه ( المستعجله )
من الصعب جدااا انك تستمتع بكوره في الدوري المصري
ولكن قمه المتعه لما تشوف مبارة بين اليوفي والمان ستي
تشوف فيها العجب الكروي
مبروك للمان ستي فريقي المفضل الفوز علي العملاق اليوفي ب4 اهداف

المشاركه دى وقفت عندها كتير
ليه بقى لانى متابع الدورى الانجليزى وكمان
لان السيتى مالعبش اليوفى الفترة دى خالص
فقولت اراجع النتائج كدة بتاعت اليوفى او السيتى
ملقتش اى حاجه بينهم فعلا
فقولت اكيد كان يقصد الليفر مش السيتى
( واد حبيب المستعجل )



وبكدة بتخلص الحلقه
واشوكم ان شاء الله
فى فبراير 2022

[*فجر الاسلام*]

الويل لك 😂😂😂
والله نورت بجد وانا اصلا كنت متعصبه ف الصفحه دي وحظك انك دخلت فيها بس عادي دي اقل حاجه عندي ي اخ انت 😂😂
يجد ضحكتني شكرا كتير

[واد حبيب]

لما شوفتك امبارح عمال تلف في الصفحات عرفت انك بتخطط لحاجه
المره اللي جيه اخليك تجي تقعد معانا معلش تعالي علي نفسك شويه
واعملك ليمون يروق دمك ياخفف
المباره بين الليفر والستي يا عم الظريف مش اليوفي
ركز شويه الله يرضي عليك من نقصه هبل
الناس فيها اللي مكفيها
نورت من تاني

[morshooo]

لا بلاش تتعصبى تانى
وتفضحى اخواتك

[morshooo]

اقتباس لما شوفتك امبارح عمال تلف في الصفحات عرفت انك بتخطط لحاجه المره اللي جيه اخليك تجي تقعد معانا معلش تعالي علي نفسك شويه واعملك ليمون يروق دمك ياخفف المباره بين الليفر والستي يا عم الظريف مش اليوفي ركز شويه الله يرضي عليك من نقصه هبل الناس فيها اللي مكفيها نورت من تاني

كومنت اهبل زى صاحبه للاسف ولسه زى مانت ماتغيرتش
وبعدين مستحيل هجيب ظرفك دا انت اسطورة الظرف فى المنتدى من زماااااااااااان
ومش مستنى انك تقولى نورت والا لا عشان عارف انى منور

[واد حبيب]

اقتباس المشاركة الأصلية كتبت بواسطة morshooo لما شوفتك امبارح عمال تلف في الصفحات عرفت انك بتخطط لحاجه المره اللي جيه اخليك تجي تقعد معانا معلش تعالي علي نفسك شويه واعملك ليمون يروق دمك ياخفف المباره بين الليفر والستي يا عم الظريف مش اليوفي ركز شويه الله يرضي عليك من نقصه هبل الناس فيها اللي مكفيها نورت من تاني كومنت اهبل زى صاحبه للاسف ولسه زى مانت ماتغيرتش وبعدين مستحيل هجيب ظرفك دا انت اسطورة الزرف فى المنتدى من زماااااااااااان ومش مستنى نك تقولى نورت والا لا عشان عارف انى منور

ماشي ياعم الظريف
انا بضحك عليك مش منور ولا لا حاجه ده انتي برطمان مخلل اصلا

[morshooo]

اقتباس ماشي ياعم الظريف انا بضحك عليك مش منور ولا لا حاجه ده انتي برطمان مخلل اصلا

لا انا جاى انزل بوست وخلصت مش جاى لوجع دماغ :d

[عاشقه الورد]

والله بجد اشكرك اني اول مرة اضحك كده

طبعا بلا حب وبلاهم
انا محدش عبرني يبقي بلاهم هههه
نورت المنتدي يااخ

[حـيـــــآة ❤]

😂 😂 😂 😂 😂 😂

انت بتضحك على احزاني
و مين حبيبي دا الا هو انا ارتبطت ومحدش قالي😂😂😂
الناس كلها كانت مستنيه هدايا الفلانتاين وانا مستنية قرار الوزير يحج😂😂
وفجر طهقت متي معلش عشان منكده عليها ومباكلش اعذرها😂😂😂
و ايوا انا قضيتها مخلل ماله المخلل احنا لقينا حد يعدل لينا الضغط غيره😂

[big bốss]

هههههههههه

فصلتنى ضحك يا مورشو 😂

يخرب بيتك افشاتك وحشنى و الله

و نورت المنتدى بجد و متحرمناش من طلتك البهيه دى 😂