..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : شاعر الحب الحزين - مشاركات : 3 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


فن

بقلم أعضاء بنات مصر - حصري


6معجبون
  • 1 Post By ahmed 22
  • 2 Post By الشاعر عبدالحميد
  • 1 Post By ساحر الأحزان
  • 1 Post By Lamees
  • 1 Post By fanaa

إضافة رد
 
LinkBack أدوات الموضوع انواع عرض الموضوع
قديم منذ /07-30-2021, 06:36 PM   #1

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي فن



انا النهاردة علي غير العادة اتهفيت في عقلي وقعدت اقرأ شوية مقالات عن الفن بشكل عام
ودخلنا في اغرب الديانات والحياة والمجتمع والناس ...
شغل عشوائي كدا ماتفهمش ايه علاقته ببعضه


المهم وانا بقرأ عن الفن في البداية .. لاقيت كام فقرة عابرة كدا عن ان الانسان الهمجي او البدائي
كان في البداية بيستخدم الرقص لغرض المحاكاة ..
يعني يقلد بيها حركات الحيوانات او الانسان وكان الرقص الوسيلة لده
وبعد كدا طور الموضوع و بدأ يحاكي الحوادث والاحداث عامة
تحس ان الرقص نشأ لحاجته لشئ يعبر عنه لأن مافيش حروف لسا ..
مافيش كلام .. مافيش غير حركات جسدية يقدر يوصل بيها
فتم تسميتها مع الوقت رقص وتم تصنيفها بعد كدا علي انه فن ...
ومن خلال الرقص ده نشأ حاجته للعزف الموسيقي علي الآلات عشان يبرز حركاته دي
ثم مع الزمن بدأ يهتم بظهور منشدين وناس بتغني ..
ولما اجتمع الرقص والآلات والغناء .. ظهرت المسرحية والاوبرا ..
يعني زي ما بقول دايما
شئ بيراكم شئ بيراكم شئ بيكون شئ ...

المهم انا قريت شوية عن الحوار ده فقلت اهبد شوية مع نفسي
يعني الكلام الجاي اللي هقوله مالوش اساس علمي ولا بطيخي ..
اللي بيقرأه يعتبره مجرد فضفضة لأنه كلام بدون اساس

المهم
حركة الحضارة عامة بحس فيها شئ من التناقض ..
الحضارة عامة بتنشأ لما الانسان بيتحرر من مخاوفه
فبتبدأ الحضارة من حيث بينتهي الاضطراب والفوضي والقلق
لأن الانسان المفروض بيتطلع للامام وبالتالي بيبدع وبينشأ دون هواجس الحروب
والخوف من المجهول ..

هنا الانسان لما بيتحرر من اكثر الاشياء اللي بتآرقه بيبدأ جزء من المجتمع يطور
والجزء التاني منه يبحث عن اكثر الاشياء اللي تزيد من رفاهيته ومتعته اللي هو حصاد تطوره ..
وهنا بيظهر التناقض .. يعني بطبيعة التعدد بتختلف الفروع اللي بتكون شكل المجتمع ..
وغالبا الجزء ده بيبدأ بتغيير اللايف ستايل بتاع المجتمع ككل ..
يعني المطور مالوش علاقة بالشكل الاجتماعي اللي بيقوم البعض بالعبث فيه .

و مع ان النتيجة النهائية اللي وصل ليها المجتمع
من خلال محنته اللي كانت مليئة بالحروب في فترات الفوضي وكدا
كانت ممن تكون صلب اساس يتبني عليه .. تم العبث فيه ..
وهنا بكلم عن حالة المجتمع فكريا وذهنيا والتماسك المجتمعي
والتوحد اللي ادي لانتهاء فترة خلته بعد كدا يفكر انه يبني حضارة
فكان المفروض يحافظ علي اللقطة دي ويبني عليها ..
ويخليه متذكرها ..
بحيث انه ممكن يكون يبني اقتصاد ..
بس بيهدم في مجتمع علي المدي البعيد

بس خلاص اللي بيحصل انه بيبدأ اللعب في الجانب الاجتماعي
لما الماليات او الاقتصاد عامة بيرتقي
في سلم الحضارة وبيعمل قفزة في حياة الناس ...

سيبك من ان في بلاد غنية او بلاد فقيرة ..
او فيه شخص عايش بدون بيت وشخص عايش في فيلا
المهم ان الحضارة ازاحت الكثير من الفوارق بين الحياة زمان والحياة دلوقتي ..

يعني بقا فيه كهربا ومياه وانترنت وانت بتستخدمهم جوا اربع جدران
كدا كدا اي بلد فيها فوارق اجتماعية كدا كدا هتخليها موجودة ليوم الدين ...
وبقا فيه جانب ترفيهي ليه جدول زمني في حياتك عامة ..
وبقا بيتوجد ليك بسهولة .. ومش بتسعي ليه ..

هنا نرجع للفن تاني طالما دخلنا للجانب الترفيهي ...
الفن دايما هتلاقيه زمان مرتبط بكلمة ( اعتبارات جمالية )
حاليا تحسه بقا شكل للترفيه فقط .. يعني اتنزعت منه فكرة الاعتبارات الجمالية دي ..

يعني من الاخر وبالبلدي كدا ان هو كان المفروض الاداة المستخدمة
في انه يخلي المجتمع شكله حلو ولطيف ويبروز الحضارة اللي وصل ليها الانسان
ويأرخ ليها سواء سمعيا بصريا ...
وده في الفترة اللي كان الفروع الكلاسيكية الثلاثة للفن هما الرسم والنحت والعمارة
يعني تشوف رسمة لطيفة ... مبني فيه منظر جمالي وتقنيات العمارة الحديثة بعد ما كان بالطين ..
نحتاية تعبر عن رمز البلد اللي غيرت من مقدراته وطورته للافضل ...
الكلام ده كان بيحصل علي مدار الاف السنين .. يعني وده ظهر حتي من رسوم الفراعنة
علي الجدران والمباني والمعابد والاهرامات ... ده كله فن ...

الي ان حصل القفزة اخر كام قرن ...
لما تم تضمين الموسيقي والرقص والعزف والحاجات دي كلها تعريفا تحت اسم الفن ..


الفن عاليا تحس انه بقا الاداة المستخدمة في العبث
في الحياة الاجتماعية للبشر عامة ...
هو خد الدورة الطبيعية الاولي بتاعته بين البشر في انه يكون مؤثر في عيونهم
انهم يشوفوا جمال الصورة في رسمة او مبني او غيره
يحسسهم انهم فعليا تطوررا
لحد ما تحول لشكل يأذوا نفسهم بيه مع الوقت ...

تفتكر لما قلتلك في البداية ان الرقص كان اداة للمحاكاة يعني في انك تحاول تكلم
وكان بشكل ما الموضوع شامل ذكر وانثي ..
لما خد دورته في الحياة والانسان بدأ يكلم وينطق بقا الرقص ده يعتبر فلكلور ..
بمعني انه المفروض بقا حاجة قديمة ممكن تتذكرها في احتفال لطيف يعبر
عن ذاكرة الحضارة وتحكي قصته من خلال مسرحية وكدا ..

انما معانا كبشر تم احيائه واستخدامه باسم الفن
بس فن بمعني ايه ..وكمان المفروض في فترات الحضارة...
لانه مع الوقت بقا يناقش الغريزة الاساسية بتاعتك المختصة بالشهوة...
و بقا جزء كبير منه مرتبط بنظرتك الشهوانية للانثي وهي بترقص في بعض المجتمعات
زي مجتمعاتنا العربية كدا ..
وعلي فكرة خلق نوع من النفاق المجتمعي ...
بمعني ان البعض لما بيقابل الرقاصة بالصدفة وفي الوش بياخد معاها صورة
وبيمدحها في حين انه لما يكون مع نفسه بيكون لشهوته ورغبته شأن اخر
ولما يكون مع اصحابه بيحتكر من ذاتها وبيوصفها بأبشع ما يكون
لانه لو قال عكس كدا هيبقوا في نظر بعض لمؤاخذة خرونجات يعني
يعني حتي هتلاقي الفكرة نفسها عملت تضارب كبير في سلوكياتنا
مش عارفين احنا عاوزين ايه ...

وطبعا للمثقفين اراء اخري ... ودول لما تناقشهم عن الفن والحضارة
فكل قالب للفن ليه ميزان متبروز بكلام لطيف وجميل ومدافع
دون النظر في دخليات المجتمع وثوابته ..

اما بالنسبة للمجتمع الغربي بطريقة حياته ولايف ستايل اللي اتخلق مع الزمن انه في ميزان الرقص
انه يكون في احتكاك طبيعي بين الذكر والانثي في انواع رقصات مختلفة
زي الفلامنجو او السالسا او التانجو او غيره ..

الفكرة في انك لما تكون في مجتمع غربي وتمارس الانواع دي بتعتقد فيه الجمال والفن
دون النظر لما يشعر بيه ممارسيه في الوقت ده ..
يعني انت متخيل العالم دي بتفكر ازاي ؟ ولو حتي الموضوع بقا بالنسبة ليهم مهنة
بس انت مش عاوز تطلع بالمخيلة بتاعتك وتتخيل ايه الكواليس بتاعتها والوقت اللي ااخذوه
اللي وصلتهم يتقنوا الرقصة دي بالاتقان اللي انت شايفه .. ايه الخطوات ...
التفاصيل عامة لو ركزت فيها هتعرف بشاعة الصناعة اللي بتحصل والصنع بتاع المجتمع ..

ودون النظر برضه انه لو انت شايفه فن فغيرك بيستخدمه لشئ تاني او بيشوفه لشئ تاني ...
وطبعا بوجود العولمة ... فالعالم كله بقا مفتوح علي بعضه ..
يعني انت كشخص غربي كول ولطيف وجميل وديوث وبتاع من زمان ...
انما انت في مجتمعات بتشوف الي بتقدمه بمنظور واحد فقط لا غير مبني علي الشهوة ليس الا ....

.طبعا مش هتقدر توحد المجتمع في نظرة قلة من الناس بتدافع عن قضية في اطار مبهم بالنسبة ليها
او حتي علي سبيل العادة ...
الناس بتورث بعض السلوك في بعض الاحيان لما يكون في ظاهرة اتأصلت
وبقت امر مفروغ انك تتكلم اساسا في الصح او الغلط اللي يخصها ... ..

انت اصلت لشئ في مجتمعك هو بطبيعة الحال مع الوقت بقا بذرة لحاجات كتيرة كانت ممنوعة واتسمح بيها ...
وبقت مرغوبة مع الوقت .. وبقت صناعة باسم الفن برضه ..
وابسط مثال زي ما قلنا في موضوع سابق هو صناعة البورنو يعني .... انت بتحصد ما تزرعه ..

وفي الاخر ماتقدرش تحكم علي الكتاب من قصة لسا في بدايتها ..
يعني مثلا لو انت بتنشأ حياة من قرنين بشكل مختلف عما يسبقها ..
فده مجرد غلاف في كتاب لسا سطوره وصفحاته كتيييررررر ...
بس زي أي كتاب مش هتقدر تعرف النهاية او النتيجة في حياة ابطاله غير لما توصل لاخر صفحة ...

وانت هنا للاسف مش هتقدر توصل لاخر صفحة ...
لأنك انت جزء من القصة اللي بتتبني ليس اكثر ولا اقل
اولادك جزء من القصة واحفادك كذلك واحفاد احفادك .. ...
وفي عرف المجهول والحياة ممكن تكون ضحية او جزء بيأسس للخطأ فيها بصمته ...
او جزء بيحمي الغلط فيها بآرائه المبهمة باسم الحضارة ..

يعني زي اللي بيقعد يقول كلام كتيييير من غير ما توصل في الاخر هو فين من اللي بيقوله ...
معاه ولا ضده ....

هو فقط مع المجتمع وما وصل اليه في قرون طويلة
وبقا صعب يرجع عنه فبيحاول يكون جزء منه فبيتأقلم معاه ...

من الاخر انا خصيت الرقص لانه من الرقص نشأ العزف .. ومن ثم الغناء ...
هو كان اول السلسلة اللي اتكون من خلالها تراكمات طويلة من الاخطاء ..
وتم تحويل مسار شئ كان بيحاكي افعالك كانسان همجي عشان تقدر تكلم
لشئ بقيت تحاول تمزجه بداخل الاديان اعلاميا في انه يكون جزء من اللايف ستايل بتاعك ...

زي فكرة الاديان حتي ... في باطنها الجمال ...
بس ده ماممنعش مع الوقت ان كل واحد اهبل ممكن يعمل ديانة جديدة باسمه
او باسم طائفة يتبعها لاسباب عبيطة وهبلة ..
يعني يكيفيني اني اقولك ان في ديانة معترف بيها في بولندا ونيوزلندا وهولندا اتأسست سنة 2005 ب
اسم استافاريانية ودي اسمها الوحش الاسباغيتي الطائر ..
ودي ليها قواعد وممكن كمان تسجلها في جواز السفر بتاعك انك متبعها ...


من الاخر
لما حد يقولك ان الرقص فن وموجود من ملايين السنين فهو مش بيكذب
لما بيدافع عن قضيته بشكل مجتمعه الحالي .. ممكن يكون بقا مؤمن فعليا بده ...
وان احنا خلاص في اول سكة التغيير انه بعد 50 سنة من دلوقتي تلاقي انك مش بتناقشه اساسا
و لما يوصفه انه حاجة نبيلة فهو برضه مش بيكدب
بس في اطار ما بني عليه في زمانه ... مش في اطار استخدامه حاليا ..
يعني تحس انه كله شغل سفسطائية وتمويه للحقايق وكدا
حتي كلمة سفسطائي دي في البداية كانت مدح واتقلبت ذم
وحوار كبير كدا كله مليان تفاصيل ... مش هتخرح منها بحاجة
غير اننا هنام من عبط الحياة ...

ما علينا
الانسان المؤثر بارائه ما بين اعتناقه لثوابته
و ما بين نظرة المجتمع لارائه وبين احترامه الزائف
لاي انسان صاحب فكرة عبيطة باسم حرية الرأي والاعتقاد
وضع نفسه في سجن كبير مش قادر يطلع منه ..
وبالتالي بقا سجين حرية غيره ..
وبقا مستقبله ضحية
بعدم وضع ميزان صحي لكل ما يقال ولكل ما يتم عمله من جهل غيره
وعلي مرأي منه .. عارف ليه
لانه عاش في جهل غيره وتقبله .. لحد ما بقاش فاهم
هو فين من غيره ..

وبقا بعبع كلمة انك تقنن الحريات
( ميزانها السياسي ) وتراكماتها القرون اللي فاتت كمصطلح مرعب للغرب خاصة
بيعرقل أي تطور لمعالجة القضايا الاجتماعية الشائكة في بلدنا وحتي في بلدهم ...

لأنه كله بيخاف الخلط وكله بيخاف ان المجتمع بقا جزء كبير منه سهل التأثير في افكاره واتباعه ...
يا اخي بقولك في ناس متبعه ديانة الوحش الاسباغيتي الطائر في عام 2021 وفي اوروبا والدول المتقدمة..
هو في اغرب من كدا يعني ... فده يظهرلك احنا فين ككل
والوهم اللي احنا كلنا عايشين فيه اساسا ..

وبالتالي مش بيتطور المجتمع ( اجتماعيا ) للافضل لأن مثقفينه مش حاسمين لطريقة العيش
اللي تقوده للامام .... وده هيخليك تكون موهوم انك فوق طول الوقت
في حين انك فاضلك لحظة علي السقوط في الهاوية ...

وزي ما بقول دايما اللحظة مش ثانية ولا سنة ولا 10
اللحظة في عمر المجتمعات قرون و الفيات بتعيشها لحد ما تلاقي نفسك
في مكان ... حالتك بيه هو نتيجة عملك فيه ...

وكفاية رغي لحد هنا









ساحر الأحزان معجبون بهذا .
  رد مع اقتباس
قديم منذ /07-31-2021, 10:12 AM   #2

 

 رقم العضوية : 115927
 تاريخ التسجيل : Jul 2021
 الجنس : ~ رجل
 المشاركات : 13
 النقاط : الشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant futureالشاعر عبدالحميد has a brilliant future
 درجة التقييم : 1858
 قوة التقييم : 0

الشاعر عبدالحميد غير متواجد حالياً

 

 

 

 

 

أوسمة العضو
افتراضي

تسلم على المجهود الجميل







ساحر الأحزانو ahmed 22معجبون بهذا .
  رد مع اقتباس
قديم منذ /07-31-2021, 10:43 AM   #3

حـكايـه حـياه

 

 رقم العضوية : 50632
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 61,654
 الحكمة المفضلة : ان فعلت شىء يسعد غيرك فلا تحزن ولا تنتظر المقابل لصنعك
 النقاط : ساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond repute
 درجة التقييم : 2402996
 قوة التقييم : 1202

ساحر الأحزان غير متواجد حالياً

 

 

 

 

 

MY MmS

أوسمة العضو

مسابقه الحج تالت تكريم من دمعه حائره والاعضاء 16 137 73 مسابقه القلم المميز 16 وسام التوقع الصحيح للتصفيات النهائية لشخصية العام  وسام التوقع الصحيح لـ تصفيات شخصية العام2015 وسام الاحساس الصادق فورم جود تالنت موسم رابع 

افتراضي

مقال جميل احمد

اخدني لعهد نهضه قسم الاقلام

احييي فيك جميل التعبير والصياغه

للمقال

تحياتي وتقديري اخي الكريم







ahmed 22 معجبون بهذا .
  رد مع اقتباس
قديم منذ /08-06-2021, 09:19 PM   #4

مشرفه قلم الأعضاء والقصص

 

 رقم العضوية : 92692
 تاريخ التسجيل : May 2013
 الجنس : ~ أنثى
 المكان : بني سويف
 المشاركات : 33,078
 الحكمة المفضلة : واني اجيد الافلات في عز تعلقي فلا تراهن
 النقاط : Lamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond reputeLamees has a reputation beyond repute
 درجة التقييم : 3328852
 قوة التقييم : 1665

Lamees غير متواجد حالياً

 

 

 

 

 

MY MmS

أوسمة العضو

الكاتب المميز مسابقة فضفضة 2 شاعر المنتدى 3 وسام النشاط و التفاعل 2017 وسام التفاعل والنشاط للاعضاء اكتوبر 2016 انا وانت وبيت شعر وسام مسابقة شاعر العامية 2016 المركز الثالث الفضفضه وسام مسابقة مبدع الخواطر مركز ثالث تكريم  قسم الخواطر والشعر 

افتراضي

كلنا موهومين والله يا استاذ احمد
كلنا رهبان لافكارنا لا مجال لتغيرها
كل واحد عنده منهج يعتنقه مثل الدين
ويعتقد أنه الأصح بين الناس وأنه الارقى والكثير فهما
وأنه يسير بطريق الحق والنور ودون ذلك هو الظلام
كلنا واهمون وكلنا سنسقط تباعا عندما يحين الوقت
وما يثير داخلي الرضا اني جزء غير فاسد في منظومة الحياة
واني حتما لن اشهد النهاية

اسعدني المشاركة في هذا الفكر
تحيتي استاذ احمد







ahmed 22 معجبون بهذا .
  رد مع اقتباس
قديم منذ /08-10-2021, 03:00 AM   #5

مشرفه الفوتوشوب

 

 رقم العضوية : 99775
 تاريخ التسجيل : Aug 2015
 العمر : 27
 الجنس : ~ بنوتة
 المكان : مع عنكبوتي الصغنون
 المشاركات : 8,301
 الحكمة المفضلة : كل الحكم تُلخصها أمى
 النقاط : fanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond reputefanaa has a reputation beyond repute
 درجة التقييم : 1451484
 قوة التقييم : 726

fanaa غير متواجد حالياً

 

 

 

 

 

أوسمة العضو

مسابقه القلم الماسي مسابقة الغرام المستحيل 2 شاعر المنتدى 1 مبدع الابداعات العاميه تكريم القصص مسابقه الابداعات الادبيه - مركز اول مسابقة صيف وبحر مسابقه الام  الفلاشيه  المركز  2 وسام تميز قسم السويتش ماكس .. 

افتراضي

بص هو انا كنت كتبالك تعليق اد كيدهووو بس قولت احذفه واختصار مجمل لكل الا بنمر فيه من همجية وفوضوية تحت اسم الفن تحت جملة كله رايح وعاش ع المقال 😁❤️







ahmed 22 معجبون بهذا .
  رد مع اقتباس
إضافة رد

« لاتستطيع وصفه | قسمتي ونصيبي داخل الاقلام »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


مجلة الحلوة / مذهلة

الساعة الآن 02:19 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩